Árbók Nemendasambands Samvinnuskólans - 01.06.1983, Page 38
Ekki minnist ég þess að nein íþróttastarfsemi ætti sér
stað á vegum skólafélagsins, en nokkrir áhugamenn á þvi
sviði æfðu með íþróttafélögum utan skólans.
Við lok hvers skólaárs starfaði svo ferðanefnd að undir-
búningi skólaferðalags. Að loknum prófum og skólaslitum
var síðan haldið í skólaferðalag á langferðabílum. Við lok
fyrra námsárs mins var Borgarfjarðarhérað skoðað á ein-
um degi, en seinna árið var farin tveggja daga ferð. Var
þá ekið víðs vegar um Suðurlandsundirlendið alla leið
austur á Hvolsvöll og gist um nóttina í íþróttaskóla Sig-
urðar Greipssonar í Haukadal.
Mér er nær að halda að hér með hafi ég talið upp öll
helstu félagsstörf, sem fram fóru á vegum skólafélags Sam-
vinnuskólans í Reykjavík, og má það teljast fremur fátæk-
legt ef borið er saman við þá fjölþættu félagsstarfsemi,
sem fram fer í Bifröst. Þar starfar fjöldi nefnda og klúbba
á vegum skólafélagsins. Þar eru gefin út tvö blöð, Vefar-
inn og Þefarinn. Starfrækt er útvarpsstöð, unnið að leik-
starfsemi, haldnir málfundir, kvöldvökur og dansleikir þar
sem keppt er í söng og dansi, að ógleymdu blómlegu
íþróttastarfi. Fjölmargt fleira mætti telja upp af félags-
störfum í Bifröst og ekki síður ýmsum erfðavenjum
(tradisjónum), sem þar hafa myndast.
Eins og gefur að skilja þá er það ekki afleiðing af breytt-
um aldarhætti né öðru slíku, sem veldur þessari grósku í
félagsstörfum í Bifröst. Þar birtist einfaldlega munurinn
á heimavistarskóla og heimangönguskóla. 1 Bifröst dreif-
ast nemendurnir ekki að loknum kennslustundum út meðal
þúsunda annarra borgara. Þeir eru um kyrrt á staðnum, og
eina fólkið sem þeir hitta daglega eru skólafélagarnir og
starfslið stofnunarinnar, nema þá sjaldan að skotist er
upp í Hreðavatnsskála. En nemendum í Bifröst hefur tekist
með góðri þátttöku kennara og annars heimafólks á staðn-
um að finna tómstundum sínum farveg í öflugu og upp-
byggilegu félagsstarfi.
Ég er nú kominn á þann aldur að ég get farið að líta
yfir nokkuð langan farinn veg, enda eru um 30 ár síðan
34