Nesfréttir - jún. 2019, Blaðsíða 11

Jónsmessuhátíð á
Seltjarnarnesi 2019
Jónsmessuganga og gleði mánudaginn 24. júní kl. 19.30
Við höldum í hefðir og hvetjum bæjarbúa til að taka þátt í Jónsmessugleði á Seltjarnarnesinu
okkar fallega! Genginn verður þægilegur hringur um náttúruperluna okkar í suðurnesjunum
og stoppað á áhugaverðum stöðum þar sem hægt verður að njóta útsýnis í bland við fróðleik.
Hákarlahjallinn
Kl. 19.30 verður safnast saman hjá Sigga í Hákarlaskúrnum við Norðurströnd sem býður gestum
bæði að reka inn nefið og upp á hákarl og brennivín áður en lagt verður af stað kl. 20.00.
Fiskitrönur og lögguhlið
Á göngunni verður stoppað við fiskitrönurnar og lögguhliðið sem hafa verið endurbætt en
Guðmundur Jón Helgason (Jóndi) segir okkur sögu þeirra og frá fleiri markverðum stöðum
á leiðinni auk þess að sýna hvar æskuheimili hans hinn sögufrægi Nýibær stóð.
Nesstofa
Haldið verður sem leið liggur að Nesstofu þar sem að hjónin Haraldur Jóhannsson (Halli í Nesi)
og Fjóla G. Friðriksdóttir segja m.a. frá tíma sínum þar en Halli ólst upp í Nesstofu og þar byrjuðu
þau hjónin að búa auk þess sem Ólöf, móðir Haraldar var síðasti ábúandinn í Nesstofu.
Seltjörn hjúkrunarheimili
Jónsmessugangan endar á nýja og fallega torginu við hjúkrunarheimilið Seltjörn
þar sem að boðið verður upp á veitingar frá hitaveitunni og Bjarki Harðarson
mun spila skemmtileg lög á harmonikkuna sem allir geta sungið við.
Göngugestum býðst ennfremur að skoða dagdvöl hjúkrunarheimilisins
og ætlar Kristján Sigurðsson stjórnandi þess að segja frá því hvernig gengur.
Toppurinn er svo ganga upp á þakið þar sem hægt er að njóta útsýnis í allar áttir.
Allir bæjarbúar eru boðnir velkomnir!
1
2
3
4
Gangan hefst við Hákarlahjallinn við Norðurströnd kl. 19.30