Víkurfréttir - 05.12.2019, Blaðsíða 10

Heyrnarmælingar, ráðgjöf og heyrnartækjaþjónusta
Bókaðu tíma í síma 568 6880 eða á www.heyrnartaekni.is
Vantar þig heyrnartæki?
Opn S eru ný tegund heyrnartækja frá Oticon sem hjálpa þér að
heyra margfalt betur í fjölmenni og klið. Þú getur fengið Opn S
með endurhlaðanlegum rafhlöðum. Árni Hafstað heyrnarfræðingur
verður í Reykjanesbæ í desember.
Reykjanesbær
16. desember
Heyrnartækni | Glæsibæ | Álfheimum 74 | 104 Reykjavík | Landsbyggðaþjónusta | Sími 568 6880
Ljósin á vinabæjarjólatrénu frá Kristiansand voru tendruð í fimmtugasta
og áttunda sinn sl.laugardag á ráðhústorgi í Reykjanesbæ. Þetta var jafn-
framt í síðasta skiptið sem Reykjanesbær fær tré að gjöf frá norska bænum.
Ástæðan er sú að fyrr á þessu ári sleit Kristiansand formlegu vinabæjar-
samstarfi við norræna vinabæi sína Reykjanesbæ, Kerava og Trollhättan
en bærinn sameinast á þessu ári tveimur nágrannasveitarfélögum og
endurskoðar af því tilefni alþjóðlegt samstarf sitt. Eftir sem áður verður
gott á milli bæjanna eins og bæjaryfirvöld í Kristiansand sýndu í verki
með því að senda Reykjanesbæ þessa kærkomnu jólagjöf í síðasta sinn.
Dagskráin á ráðhústorginu var hefð-
bundin í ár. Mats Benestad sendi-
ráðsritari í sendiráði Noregs á Ís-
landi flutti bæjarbúum kveðju frá
Kristiansand á fínni íslensku. Mats
kemur frá norska bænum og tók við
þakkarskjölum sem Jóhann Friðrik
Friðriksson, forseti bæjarstjórnar,
afhenti honum eftir að hafa tekið
formlega á móti trénu.
Leikhópurinn Lotta sá svo um að
skemmta yngstu bæjarbúunum og
jólasveinar komu í heimsókn og
dönsuðu í kringum jólatréð. Þá lék
lúðrasveit frá Tónlistarskóla Reykja-
nesbæjar jólalög og allir sem vildu
gátu fengið heitt kakó og piparkökur.
Ljósmyndari Víkurfrétta tók með-
fylgjandi ljósmyndir í jólagleðinni á
ráðhústorginu.
Hinn árlegi jólabasar FEBS verður haldinn á Nesvöllum föstudaginn
6. desember kl. 14. Hverskonar handverk, kökur og fleira verður til sýnis
og sölu. Þá er boðið upp á huggulega tónlist og kaffi og rjómaterta í kaffi-
húsinu á staðnum. Hlökkum til að sjá ykkur sem flest (vinsamlega athugið
að ekki er tekið við greiðslukortum).
Skemmtinefndin.
Jólabasar FEBS
SÍÐASTA TRÉÐ
frá Kristiansand
uppljómað á ráðhústorgi
10 MANNLÍF Á SUÐURNESJUM f immtudagur 5. desember 2019 // 46. tbl. // 40. árg.