Fréttablaðið - 23.06.2016, Blaðsíða 70

SÍMAR AUGLÝSINGADEILDIR – AUGLÝSINGASTJÓRI: Svanur Valgeirsson svanur@365.is ALMENNAR AUGLÝSINGAR: SÍMI 512-5401: Gústaf Bjarnason gustaf@365.is,
Hafsteinn Hafsteinsson hafsteinn@365.is, Hjördís Zoëga hjordis@365.is, Sigfús Örn Einarsson sigfus@365.is, Örn Geirsson orn.geirsson@365.is FÓLK/SÉRBLÖÐ SÍMI
512-5402: Atli Bergmann atli.bergmann@365.is, Bryndís Hauksdóttir bryndis@365.is, Jóhann Waage johannwaage@365.is, Jón Ívar Vilhelmsson jonivar@365.is, FÓLK OG
SÉRBLÖÐ EFNI: Sólveig Gísladóttir solveig@365.is og Vera Einarsdóttir vera@365.is RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is,
Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Arna Rut Kristinsdóttir arnarut@365.is, Sigrún Helga Guðmundsdóttir sigrunh@365.is
Grænlensk
verk í bland við
nútímatónlist
Miké Fencker er hér á landi til þess að spila á tónleikum í Norræna
húsinu í kvöld. Hann er ein þekktasta stjarna Grænlands en hefur
einnig leikið og spilað í Færeyjum, Danmörku og Þýskalandi.
Það hefur ekki farið mikið fyrir
Miké Fencker Thomsen á Íslandi
hingað til en hann er ein stærsta
stjarnan í Grænlandi um þessar
mundir. Hann er einnig vel þekkt-
ur í Færeyjum ásamt því að hafa
starfað í leikhúsum í Danmörku og
Þýskalandi. Hann heldur tónleika í
Norræna húsinu í kvöld sem verða
partur af tónlistarröðinni Arctic
Concerts sem fara fram á hverju
fimmtudagskvöldi fram á haust.
Þetta er í fjórða skiptið sem að
Miké kemur til landsins en hann
segir að Ísland sé fullkomið. „Ísland
er mjög svipað Grænlandi þannig
séð en samt sem áður öðruvísi. Til
dæmis er hægt að keyra hér um allt
land en það er ekki hægt heima.
Þá þarftu að sigla eða fljúga á milli
bæjarfélaga. Ég væri til í að heim-
sækja Ísland töluvert oftar en ég
væri líka til í að Íslendingar heim-
sæktu Grænland meira.“
Miké nýtur mikillar hylli í Græn-
landi en hann er ein af stjörnum
yngri kynslóðarinnar. Þar í landi er
hann þekktastur sem kvikmynda-
leikari, sjónvarpsstjarna og tónlist-
armaður. Sum verk hans eru sterk-
lega undir áhrifum grænlenskrar
menningar af trommudansi og
sagnahefð á meðan önnur lög sækja
meiri áhrif í nýjan innblástur.
Þrátt fyrir að ferðast mikið þá
heldur Miké sig samt sem mest
heima og ferðast um landið sitt,
sýnir verk sín og kemur fram. „Ég
er ekki viss um að grænlenska ríkis-
stjórnin átti sig á hversu mikilvæg
menning og listir eru fyrir samfé-
lagið. Það er lítill stuðningur við
listamenn og alltaf verið að skera
niður. Það var samt sem áður byggt
þjóðleikhús og listaskóli í Nuuk
en það er alltaf verið að þrengja að
buddunni. Við ferðumst mikið um
allt Grænland en það getur verið
mjög dýrt en það er samt sem áður
mikilvægt.“
Miké segist vera spenntur fyrir
tónleikunum en þeir hefjast klukk-
an 20.30 í Norræna húsinu í kvöld.
„Ég veit ekkert við hverju ég á að
búast. Ég ætla að spila hefðbundna
grænlenska tónlist í bland við mitt
eigið þannig það verður spennandi
að sjá hvernig fólk tekur í þetta.
Grænland er svo einangrað land svo
að fólk hefur ekki mikið séð listform
okkar. Hingað til hefur fólk tekið
vel í það svo ég er spenntur að spila
fyrir Íslendinga.“
gunnhildur@frettabladid.is
ÉG væri til í að
heimsækja ísland
töluvert oftar en ÉG væri
líka til í að íslendinGar
heimsæktu Grænland
meira.
Miké er ein vinsælasta stjarna Grænlands og ætlar að kynna Íslendingum grænlenska menningu. MyND/ANTON BRINK
2 3 . j ú n í 2 0 1 6 F I M M T U D A G U R58 L í F I ð ∙ F R É T T A B L A ð I ð