Morgunblaðið - 28.09.2019, Síða 27

UMRÆÐAN 27
MORGUNBLAÐIÐ LAUGARDAGUR 28. SEPTEMBER 2019
Guðmundur Kjartanssonvann nauman sigur áHaustmóti TaflfélagsReykjavíkur sem lauk um
síðustu helgi. Hann átti í harðri
keppni við Hjörvar Stein Grétars-
son, úrslitin réðust í 6. umferð en
þeir voru þá jafnir að vinningum.
Hjörvar lenti í vandræðum gegn
hinum 16 ára gamla Alexander Oli-
ver Mai og var um tíma með tapað
tafl en náði jafntefli. Guðmundur
atti kappi við Braga Þorfinnsson og
komst lítt aleiðis þrátt fyrir góða
byrjun. Eftir 38 leik kom þessi staða
upp:
Guðmundur – Bragi
Að svartur sé að fara að tapa
þessari stöðu í tveim leikjum er
ótrúlegt. Bragi lék …
38. … Kd6??
Eftir 38. … g4 ásamt f6-f5 getur
hvítur aldrei brotist í gegn.
39. h4! Ke5 40. g4!
– og svartur gafst upp. Fram-
haldið gæti orðið 40. … hxg4 41. h5
Ke6 42. Kf2 o.s.frv.
Ekki er það alveg nýtt að menn
séu lokaðir fyrir þessu gegnumbroti
peðanna. Margeir Pétursson var
sleginn skákblindu í svipaðri stöðu á
Íslandsmótinu 1990 þegar hann
tefldi við Hannes Hlífar Stefánsson.
Hann benti síðar á þá athyglisverðu
staðreynd að vinningurinn hefði
samt kostað Hannes sæti í ólympíu-
liði Íslands það ár, hversu fjar-
stæðukennt sem það kann að
hljóma. Annað svipað dæmi má
finna í skák Hans Ree við Tékkann
Lubomir Ftacnik í Kænugarði árið
1978.
Lokastaðan í A-riðli: 1. Guð-
mundur Kjartansson 6½ v. (af 7) 2.
Hjörvar Steinn Grétarsson 6 v. 3.
Vignir Vatnar Stefánsson 4 v. 4.
Bragi Þorfinnsson 3½ v. 5. Alexand-
er Oliver Mai 3 v. 6.-7. Stefán Bergs-
son og Baldur Kristinsson 2 v. 8.
Daði Ómarsson 1 v.
Í B-riðli sigraði Aron Thor Mai
með 6 vinninga af sjö og vann sæti
sæti í A-riðli á næsta ári. Þeir bræð-
ur Alexander og Aron hækkuðu um
samtals 170 elo-stig á haustmótinu.
Í C-riðli sigraði Arnar Milutin
Heiðarsson með 6 vinninga af sjö og
hækkaði um 95 elo-stig. Mesta stiga-
hækkun haustmótsins kom þó í
Opna flokknum þar sem Þorsteinn
Magnússon sigraði. Ingvar Wu
Skarphéðinsson sem varð í 2. sæti
hækkaði um 122 elo-stig fyrir
frammistöðu sína.
Greinarhöfundur renndi yfir
nokkrar skákir mótsins og gæði tafl-
mennskunnar í A-riðli voru allmikil.
Í fyrstu umferð reyndi sigurveg-
arinn nýja hugmynd sem þykir fara
langt með að hnekkja leikbragði
Blumenfelds:
Haustmót TR; 1. umferð:
Guðmundur Kjartansson – Vign-
ir Vatnar Stefánsson
Blumenfeld gambítur
1. d4 Rf6 2. c4 e6 3. Rf3 c5 4. d5
b5 5. e4!?
Þetta er nýjasti snúningurinn.
5. … Rxe4 6. Bd3 Rf6 7. 0-0 Be7 8.
Rc3 b4?
Vanhugsaður leikur. Það er meira
í anda byrjunar svarts að leika 8. …
a6.Hrókurinn gæti fengið reit á a7.
9. Re4 Bb7 10. He1 Db6 11. Re5
Annar góður leikur var 11. Bg5.
Hvítur hefur rífandi bætur fyrir
peðið.
11. … Rxe4 12. Bxe4 Bf6 13. Dh5!
Það er ótrúlegt en „vélarnar“ telja
stöðu svarts þegar tapaða.
13. … g6 14. Df3
14. . . .Bxe5
Svartur á engan betri kost.
15. dxe6 Bxe4 16. Dxf7+
Enn sterkara var 16. exf7+ Kd8
17. Hxe4 Df6 18. Bf4! o.s.frv.
16. … Kd8 17. Hxe4 Dxe6 18.
Dxe6 Bxh2+ 19. Kxh2 dxe6 20. Be3
He8 21. Bxc5 Rc6 22. Hf4!
Eftir þetta ryðst hrókurinn inn.
Svartur er varnarlaus.
22. … Hc8 23. Hd1 Kc7 24. Hf7+
Kb8 25. Hxh7 Hh8 26. Hdd7 Hxh7
27. Hxh7 Hd8 28. Be3 Kc8 29. Hg7
Re5 30. b3 Rg4+ 31. g3 Rxe3 32.
fxe3 Hd3 33. Kf3
– og svartur gafst upp.
Guðmundur Kjart-
ansson sigurvegari
Haustmóts TR
Skák
Helgi Ólafsson
helol@simnet.is
Morgunblaðið/Ómar Óskarsson
Efnilegur Alexander Oliver Mai bætti sig verulega á Haustmóti TR.
Stundum líður okkur
eins og við séum varla
annað en sandkorn á
strönd sem treðst und-
ir í baráttu daganna.
En í ljósi Guðs ert
þú hins vegar eins og
óendanlega lítil fögur
dýrmæt perla. Ein-
stakur gimsteinn fullur
af lífi og fegurð. Fullur
af leyndardómsfullum
tilgangi í eilífri áætlun Guðs. Guðs
kærleikans sem elskar þig út af líf-
inu.
Molar
Ævin er full af litlum molum, sæt-
um og beiskum, súrum og sterkum.
Molum sem veita nýja sýn og
reynslu sem þú berð. Sumir þeirra
geta jafnvel verið fúlir, harðir, meið-
andi og ógeðslegir. Stundum fylgja
þeim ný tækifæri og stundum geta
þeir leitt til nýrra kynna. Jafnvel
kanntu að upplifa mikla gleði vegna
þeirra, alla vega um stundarsakir.
Sumir molarnir geta jafnvel orðið að
gullmolum sem þú hefðir ekki viljað
missa af.
Ævin er full af svona molum. Hún
er samansett af litlum brotum sem
púslað er saman á óskiljanlegan,
jafnvel stundum öfugsnúinn hátt.
Útkoman er algjörlega einstök ævi
hverrar manneskju.
Vöndum samskiptin
Þess vegna er svo mikilvægt að
vanda samskiptin. Hugsa um hvar
og hvernig maður stígur niður og
hvað maður vill skilja eftir sig.
Lífið er það besta sem við eigum,
þótt ævin kunni að vera full af ögr-
andi áskorunum og
stundum jafnvel heldur
óskemmtilegum og
ósanngjörnum verk-
efnum.
Mín niðurstaða er
engu að síður sú þegar
ég lít yfir farinn veg
hamingju og sigra en
einnig vonbrigða, og
þótt ýmislegt hafi
vissulega farið öðru vísi
en til var sáð af veikum
mætti, að það er þakk-
arverð eftirvænting að fá að vakna
til nýs dags og fá að vera með. Fá að
horfa með eftirvæntingu fram veg-
inn og reyna að láta um sig muna til
góðs. Þótt það kunni að reyna á og
kosta úthald og aga.
Láttu muna um þig til góðs í dag.
Það mun skila sér sem jákvætt
framlag til lífsins. Jafnvel þótt það
kunni að vera með ófyrirséðum
hætti. Við þurfum á þér að halda.
Við þurfum öll hvert á öðru að halda
til að halda gleðinni.
Hamingjan þarf nefnilega á þér að
halda. Njóttu þess og láttu muna um
þig.
Með kærleiks- og friðarkveðju.
Lifi lífið.
Það skiptir máli
hvar og hvernig
maður stígur niður
Eftir Sigurbjörn
Þorkelsson
» Þess vegna er svo
mikilvægt að vanda
samskiptin. Hugsa um
hvar og hvernig maður
stígur niður og hvað
maður vill skilja
eftir sig.
Sigurbjörn Þorkelsson
Höfundur er ljóðskáld og rithöfundur
og aðdáandi lífsins.
Friðfinnur Lárus Guðjónsson
fæddist 25. september 1869 í
Hallfríðarstaðakoti í Hörgárdal.
Foreldrar hans voru hjónin
Guðjón Steinsson og Lilja Gísla-
dóttir.
Friðfinnur var prentsveinn á
Akureyri 1889, fór þá til Kaup-
mannahafnar og vann þar í há-
skólaprentsmiðju. Hann var
prentari á Seyðisfirði 1891-1894
og stofnsetti þar prentsmiðjuna
Austra. Eftir ársdvöl á Ísafirði
þar sem hann prentaði nýstofn-
að blað, Gretti, fluttist hann til
Reykjavíkur. Hann vann í Ísa-
foldarprentsmiðju til 1904 þeg-
ar hann gerðist einn af stofn-
endum Gutenberg. Hann sat í
stjórn fyrirtækisins til 1939 þeg-
ar ríkið keypti prentsmiðjuna.
Friðfinnur var einn af stofn-
endum Leikfélags Reykjavíkur
og sat í stjórn þess fyrstu fimm-
tán árin. Leikferill hans spann-
aði 60 ár og lék hann síðast á
sviði árið 1950 þegar hann tók
þátt í opnunarsýningu Þjóðleik-
hússins. Hann lék hátt í 150
hlutverk á ferlinum.
Friðfinnur var heiðursfélagi
Hins íslenska prentarafélags og
hlaut stórriddarakross fálkaorð-
unnar.
Eiginkona Friðfinns var Jak-
obína Torfadóttir og eignuðust
þau átta börn.
Friðfinnur lést 8.3. 1955.
Merkir Íslendingar
Friðfinnur
Guðjónsson
ÞÚ FINNUR ALLT Á FINNA.IS
Lerkidalur 26, 260 Reykjanesbæ
Nánari upplýsingar á skrifstofu s. 420 6070 eða eignasala@eignasala.is
Jóhannes Ellertsson
Löggiltur fasteignasali – s. 864 9677
Júlíus M Steinþórsson
Löggiltur fasteignasali – s. 899 0555
Mjög nýlegt og fallegt 3 herbergja raðhús á einni hæð byggt árið 2018.
Afgirt baklóð með sólpalli og heitum potti.
Stærð 104,0 m2
Verð kr. 41.000.000