Morgunblaðið - 09.10.2019, Page 25

ÍÞRÓTTIR 25
MORGUNBLAÐIÐ MIÐVIKUDAGUR 9. OKTÓBER 2019
Fyrir líkama og sál
Laugarnar í Reykjavík
Frá
morgnifyrir alla
fjölskylduna
í þínu
hverfi t i l kvölds
Sími: 411 5000
www.itr.is
Þó að það sé auðvitað eðlilegt
í okkar litla íþróttasamfélagi þá
finnst mér leiðinlegt hve erlendir
leikmenn staldra oft stutt við
hérna. Þetta er sérstaklega áber-
andi í körfuboltanum þar sem ný
nöfn koma inn á leikmannalist-
ana hjá langflestum liðum á
hverju tímabili.
Þetta er í rauninni þannig
að áhugamenn eiga í mestu
vandræðum með að læra nöfn
allra nýju leikmannanna. Þeir eru
frekar „Kaninn í Skallagrími“ eða
„Bosman-leikmaðurinn í Stjörn-
unni“, eða eitthvað slíkt, svona
sirka fram að jólum og þá er
þeim jafnvel skipt út fyrir nýja
leikmenn.
Það gerir mikið fyrir mig, og
ég held flesta íþróttaunnendur,
þegar leikmenn festa sig í sessi í
deildunum hér heima. Nöfnin
þeirra verða nöfn sem allir
þekkja. Það skapar miklu
skemmtilegri stemningu í kring-
um leiki þegar það er einhver
saga á bak við einvígi liðanna og
fyrri rimmur þeirra leikmanna
sem eru í aðalhlutverkunum.
En ég er svo sem bara að
röfla eitthvað og býð ekki fram
neinar lausnir. Það bara gleður
mig að sjá þegar erlendum leik-
mönnum er skapað þannig um-
hverfi að þeir vilji vera hérna
áfram, eða snúa síðar aftur ef
draumar um að geta spilað í
deild á hærra stigi reynast of há-
leitir þegar á hólminn er komið.
Í þessu sambandi hjálpar
auðvitað ekki til að upp komi mál
á borð við kynþáttaníðsmálið á
Hornafirði sem er til umfjöllunar
hér til hliðar, sem kemur í kjölfar-
ið á sambærilegu máli á Sauðár-
króki síðasta vetur þar sem
Kristófer Acox varð fyrir aðkasti.
Sé rétt tekið á svona málum er
hægt að lágmarka skaðann og
gera betur til framtíðar.
BAKVÖRÐUR
Sindri Sverrisson
sindris@mbl.is
KÖRFUBOLTI
Bjarni Helgason
bjarnih@mbl.is
„Hvorki ég né Guðbjörg Norðfjörð
Elíasdóttir, varaformaður KKÍ, urð-
um vör við eitthvað óeðlilegt í stúk-
unni á Hornafirði á föstudaginn síð-
asta,“ sagði Hannes Sigurbjörn
Jónsson, formaður Körfu-
knattleikssambands Íslands, í samtali
við Morgunblaðið í höfuðstöðvum
KKÍ í Laugardalnum í gær. Hannes
og Guðbjörg voru bæði á Hornafirði á
föstudaginn síðasta til að fylgjast með
leik Sindra og Hamars í fyrstu um-
ferð 1. deildar karla en Kinu Roch-
ford, leikmaður Hamars, varð fyrir
kynþáttaníði í leiknum.
„Við vorum stödd á Hornafirði til
þess að heimsækja körfuknattleiks-
deild Sindra. Við erum í fundar-
herferð með félögunum okkar og við
funduðum með forráðamönnum
Sindra bæði fyrir og eftir leik um síð-
ustu helgi. Við urðum ekki vör við
þetta í íþróttahúsinu sjálfu og frétt-
um fyrst af málinu skömmu eftir leik.
Við erum stödd á fundi með for-
ráðamönnum Sindra og þá koma
fulltrúar félagsins til okkar og tjá
okkur að það sé í umræðunni að kyn-
þáttaníð hafi átt sér stað í leik Sindra
og Hamars. Svo það komi skýrt fram
þá er ég ekki að segja að það hafi ekk-
ert átt sér stað, þó svo að ég hafi ekki
orðið vitni að því. Kinu upplifir kyn-
þáttaníð og ég ætla mér ekki að taka
neitt af honum. Það verður samt að
koma fram að ef þessi ókvæðisorð
hefðu verið hrópuð að honum yfir alla
stúkuna á Hornafirði þá hefði ég
heyrt það og Guðbjörg líka. Að sjálf-
sögðu hefðum við látið vísa viðkom-
andi út úr húsinu ef við hefðum heyrt
eitthvað í þá áttina sem á að hafa ver-
ið sagt við leikmanninn því kynþátt-
aníð eða hvers kyns níð af einhverju
tagi á aldrei að líðast.
Við erum öll fyrirmyndir
Ég hef sagt það margoft áður og
segi það enn: við erum öll fyrir-
myndir, sama hvort við erum áhorf-
endur, forráðamenn í félögum eða
foreldrar. Við verðum að passa okkur
á því hvað við látum út úr okkur í
stúkunni en ég eins og ég kom inn á
áðan urðum við ekki vör við neitt sem
viðkemur kynþáttaníði í stúkunni.
Þess vegna kom þetta okkur mikið á
óvart þegar við heyrðum fyrst af at-
vikinu síðar um kvöldið.“
Vel tekið á málinu á Hornafirði
Strax á föstudeginum sendu for-
ráðamenn körfuknattleiksdeildar
Sindra frá sér yfirlýsingu vegna
málsins þar sem Rochford var meðal
annars beðinn afsökunar.
„Sindramenn tóku strax mjög vel á
málinu á föstudagskvöldinu og fóru í
málið af krafti. Þessi einstaklingur
sem er grunaður um að hafa verið
með kynþáttaníð í garð Rochfords er
undir lögaldri. Það þarf þess vegna að
hafa foreldrana viðstadda þegar rætt
verður við hann um atvikið. Fjöl-
skyldan er af erlendu bergi broti og
aðilinn sem er undir lögaldri talar
ekki 100% íslensku. Foreldrar hans
tala ekki íslensku og það þarf þess
vegna túlk til þess að ræða við hann
og fjölskyldu hans. Það hefur verið
rætt við aðila sem voru þarna nærri
og samkvæmt þeim heyrðust ljót orð
í stúkunni en ekki kynþáttaníð. Sindri
mun funda með foreldrum drengsins
á næstu dögum og þá hefur félagið
einnig haft samband við bæði heimili
og skóla í bænum. Félagið ætlar að
vera með fræðslu fyrir krakkana í
bænum sem snúa að þessum mál-
efnum og það hafa því allir brugðist
hárrétt við í þessum aðstæðum.“
Dómarar hafa útilokunarvald
Dómarar á leikjum KKÍ hafa vald
til þess að vísa fólki úr stúkunni ef svo
ber undir. Hannes er sannfærður um
að dómarar leiksins hefðu vísað við-
komandi út úr húsi ef þeir hefðu heyrt
eitthvað óeðilegt.
„Ég er nokkuð sannfærður um það
að dómarar leiksins hefðu gripið inn í
ef þeir hefðu heyrt eitthvað óviðeig-
andi. Það þarf alltaf að gæta að hlut-
leysi dómara og við ákváðum þess
vegna að heyra í dómaratríóinu dag-
inn eftir leik, til þess að gefa þeim
tækifæri til þess að melta leikinn. Við
óskuðum eftir skýrslu frá þeim og
fengum mjög góða greinargerð. Dóm-
ararnir heyrðu ekkert óeðlilegt held-
ur, en það þýðir samt sem áður ekki
að þessi orð hafi ekki verið látin falla.“
Dómstóll götunnar hávær
Hannes er ósáttur við þá umræðu
sem hefur átt sér stað í þjóðfélaginu
eftir að umrætt atvik kom upp.
„Við eigum aldrei að líða kynþátta-
níð af neinu tagi en að sama skapi eig-
um við heldur ekki að líða almennan
dónaskap. Það hefur ákveðin haturs-
orðræða farið í gang eftir þetta atvik
sem hefur beinst að félaginu, bæj-
arfélaginu, ólögráða einstaklingnum
og KKÍ. Við hjá KKÍ höfum fengið
ljót skilaboð og ég hef séð skrifað mis-
fallega hluti um sambandið og þá að-
ila sem tengjast því á verald-
arvefnum. Málið er ennþá í skoðun og
það leyfist engum að taka annan ein-
stakling og gera lítið úr honum á með-
an. Dómstóll götunnar hefur tekið
fólk nánast af lífi og sem dæmi má
nefna að þjálfari Hamars mætir í við-
tal og segir að það muni enginn sakna
einstaklings sem er ólögráða. Við
verðum að passa hvað við segjum og
huga aðeins að því hvernig við tölum
hvert við annað. Dómstóll götunnar
er alltof fljótur að dæma og ákveða
eitthvað án þess að einhver niður-
staða sé komin í málið.“
Stefna á fræðsluátak
Kristófer Acox, leikmaður KR,
varð fyrir kynþáttaníði í leik Tinda-
stóls og KR á síðustu leiktíð og er
þetta því annað málið sem kemur inn
á borð KKÍ á tiltölulega stuttum
tíma.
„Kynþáttafordómar eru graf-
alvarlegt mál. Árið er 2019 og maður
hefði haldið að við værum komin
lengra, en orðræðan er líka alvarlegt
mál. Við höfum rætt það síðustu daga
hvað sé best að gera en hafa ber í
huga að við erum íþróttahreyfing. Við
þurfum að fara í einhvers konar
fræðslu og við ætlum okkur að gera
það. Við erum ekki með mikið fjár-
magn á milli handanna og þurfum
þess vegna að fá fjársterka aðila til
þess að hjálpa okkur með það. Það er
sorglegt að árið 2019 skulum við vera
að ræða svona lagað því við eigum að
vita betur,“ sagði Hannes í samtali
við Morgunblaðið í gær.
Sorglegt að þurfa að ræða
kynþáttaníð árið 2019
 Formaður og varaformaður KKÍ voru í stúkunni á Hornafirði á föstudaginn
Morgunblaðið/Hari
Suðurland Kinu Rochford lék með Þór frá Þorlákshöfn síðasta vetur og fór með liðinu í undanúrslit Íslandsmótsins
þar sem það beið lægri hlut fyrir KR. Rochford færði sig um set á Suðurlandi og leikur nú með Hamri í Hveragerði.