Fréttablaðið - 18.02.2020, Qupperneq 24

Í VERKINU ER
ÉG AÐ TÚLKA
ÞESSAR
HUGMYNDIR
UM ANNAN
RAUNVERU-
LEIKA OG
BLANDA
SAMAN VIÐ
SÖGURNAR
UM URT-
URNAR SEM
KOMA Á LAND.
AF ÖLLUM CHEESY CRUST PIZZUM
ALLA ÞRIÐJUDAGA
Leikhópurinn Handbendi Brúðuleikhús sýnir verk-ið Sæhjarta í Tjarnarbíói á morgun, miðvikudag-inn 19. febrúar, og loka-sýning verður 27. febrúar.
Þarna er um að ræða blöndu brúðu-
leiks og hefðbundins leikhúss.
Handbendi Brúðuleikhús er
brúðuleikhús með höfuðstöðvar á
Hvammstanga þar sem leikhúsið
setur upp frumsamdar sýningar sem
ferðast um allan heim. Leikhúsið er
leitt af Gretu Clough, fyrrverandi
listamanni hússins hjá hinu heims-
fræga Little Angel Theatre í London.
Greta hefur unnið til verðlauna fyrir
gæði og frumleika í brúðulistum, og
sem leikskáld. Hún er fædd í Ver-
mont-fylki í Bandaríkjunum, lærði
og bjó í Lundúnum um fjórtán ára
skeið og hefur búið á Hvammstanga
í næstum fimm ár.
Annar raunveruleiki
Hún skrifaði handrit sýningarinnar
og er leikari í henni. Eiginmaður
hennar Sigurður Líndal Þórisson
er leikstjóri. Í sýningunni vinnur
leikhópurinn með gamlar sagnir
um urtur sem komu á land og fóru
úr selshamnum til að búa og elska
meðal manna.
Brúðuleikhús
fyrir fullorðna
Greta Clough er ein á sviði með brúðum
í Sæhjarta. Brúðuleikhús sem fjallar um
urtur sem fóru úr selshamnum til að búa
meðal manna. Sýning ekki ætluð börnum.
Greta Clough býr á Hvammstanga og hefur unnið til verðlauna fyrir gæði
og frumleika í brúðulistum. FRÉTTABLAÐIÐ/SIGTRYGGUR ARI
Greta með
brúðunum að
segja sögu um
áföll og van-
rækslu.
Greta er spurð um efni sýningar-
innar og segir: „Bróðir minn er geð-
klofi og ég hef alltaf verð forvitin um
það hvernig það sé að vera mann-
eskja sem býr í öðrum raunveru-
leika en aðrir. Sjálf er ég manneskja
sem gekk inn í annan menningar-
heim og því fylgir tilfinningin um
að vera á vissan hátt einhver annar.
Í verkinu er ég að túlka þessar hug-
myndir um annan raunveruleika
og blanda saman við sögurnar um
urturnar sem koma á land. Þjóð-
sögur hafa alltaf heillað mig og ég
ólst upp við þær í Bandaríkjunum.
Þjóðsögur og brúðuleikhús smell-
passa saman.“
Hún er ein á sviðinu með brúð-
unum. „Þær eru tæki fyrir sagna-
manninn. Sagan er ekki þægileg,
hún fjallar um áföll og vanrækslu.
Sýningin er ekki ætluð börnum, sjálf
vildi ég ekki að dóttir mín sæi hana.“
Krefjandi íslenska
Sýningin á morgun er á ensku en
lokasýningin 27. febrúar verður á
íslensku. „Ég skrifaði handritið upp-
haflega á ensku og þýðandinn minn
skilaði frábæru verki. Íslenskan á
verkinu er einstaklega falleg, ljóð-
rænan sprettur af síðunum. Textinn
er f lókinn fyrir manneskju sem
talar ekki reiprennandi íslensku.
Ég er búin að æfa mig mikið og það
er mjög krefjandi fyrir mig að flytja
sýningu á íslensku.“
Hún mun ferðast með sýninguna
víða um Evrópu, þar á meðal verður
farið til Póllands, Úkraínu, Króatíu
og mjög líklega Englands. Í fimm
ár hefur hún síðan ferðast um með
brúðusýningu fyrir ungbörn, 0-18
mánaða. „Þetta er sýning um litla
stjörnu og börnin fá að snerta hluti
og sýna mikil viðbrögð.“
Á síðasta ári sýndi hún 170 sýn-
ingar víða um Evrópu. „Fólk er
hrifið af brúðuleikhúsi, ekki bara
börn heldur líka fullorðnir. Brúðu-
leikhús getur verið svo margs konar
og þess vegna hefur það lifað allt af.“
Kolbrún
Bergþórsdóttir
kolbrunb@frettabladid.is
1 8 . F E B R Ú A R 2 0 2 0 Þ R I Ð J U D A G U R16 M E N N I N G ∙ F R É T T A B L A Ð I Ð
MENNING