Fréttablaðið - 07.12.2019, Síða 106

MÉR FINNST ÉG GETA
LÆRT MARGT AF UGLU
OG HÚN HEFUR STÆKKAÐ MIG
SEM PERSÓNU.
Ebba Katrín Finnsdóttir
Leikritið Atómstöðin eftir Halldór Laxness, í leik-stjórn Halldórs Laxness Halldórssonar, sem sýnd er í Þjóðleikhúsinu hefur fengið afar góða dóma
gagnrýnenda. Ebba Katrín Finns-
dóttir hefur hlotið mikið lof fyrir
túlkun sína á Uglu og Oddur Júlíus-
son sem leikur unnusta hennar,
feimnu lögguna, fær sömuleiðis
mikið hrós.
Ebba og Oddur, sem eru par í
raunveruleikanum, leika þarna
saman í fyrsta sinn á sviði. Þetta er
einnig fyrsta hlutverk Ebbu í Þjóð-
leikhúsinu en hún starfaði áður
í Borgarleikhúsinu. Oddur hefur
verið fastráðinn við Þjóðleikhúsið
frá árinu 2013.
Þau eru fyrst spurð hvernig
þau hafi kynnst. „Við kynntumst
í Þjóðleikhúsinu. Ég vann í bún-
ingadeildinni og Oddur var þar
eins og grár köttur,“ segir Ebba. „Ég
var að leika í Fjarskalandi, var á
háum stultum og gekk þannig um
gangana í kentárabúningi og leit
oft við hjá Ebbu. Það var skrýtið
að reyna við stelpu þannig,“ segir
Oddur. Þau segja heimilislífið að
hluta til snúast um leiklist. „Þegar
við erum bæði að vinna mjög mikið
getur heimilislífið verið undirlagt af
leiklist. Í þessu starfi tekur maður
oft vinnuna með sér heim, það þarf
að undirbúa texta fyrir næsta dag
og síðan gefum við hvort öðru ráð
og lesum texta hvort á móti öðru,“
segir Oddur.
Höfðar til tilfinninga
Atómstöðin gengur fyrir fullu húsi
og þau eru spurð hvað geri það að
verkum að leikritið fái svo góðar
viðtökur. „Sagan er færð til nútímans
og sett í samhengi við daginn í dag
á afar áhugaverðan hátt. Þetta er
hjartnæm saga sem auðvelt er að
tengja við. Það er greinilega breiður
hópur sem hrífst af henni, ungt fólk
og eldra, allir finna eitthvað sem
höfðar til þeirra,“ segir Oddur.
„Sýningin er hæfilega framúr-
stefnuleg og mjög myndræn. Tónlist
er frábær og lýsingin sömuleiðis og
það er margt í gangi á sama tíma.
Hún höfðar líka mjög til tilfinning-
anna,“ segir Ebba. Hún segir gríðar-
lega gaman að leika Uglu. „Það er
draumastaða að fá að fara í þetta
ferðalag og verður ánægjulegra með
hverri sýningu því maður er alltaf
að uppgötva eitthvað nýtt. Ugla er
frábær og það er gaman að leika per-
sónu sem maður tengir sterkt við og
trúir á. Mér finnst ég geta lært margt
af Uglu og hún hefur stækkað mig
sem persónu.“
Um hlutverk sitt sem feimna lögg-
an segir Oddur: „Feimna löggan er
einfeldningur sem vill vel, er fullur
af vilja og metnaði sem hann veit
ekki hvert hann á að beina. Það tók
mig smá tíma að taka hann alvar-
lega og njóta þess að vera hann.“
Frá drama til barna
Ebba og Oddur leika aftur saman
í Meistaranum og Margaritu sem
er jólasýning Þjóðleikhússins og
er nú í æfingu. Þar eru þau, ásamt
Maríu Thelmu Smáradóttur, hluti
af þríeyki sem er fylgdarlið Satans.
Þau segja uppsetninguna vera risa-
stóra í öllum skilningi. Eftir áramót
bregður Oddur sér síðan í hlut-
verk ræningjans Jónatans í Kardi-
mommubænum. „Það er mikill
heiður og ég er gríðarlega spenntur,“
segir hann. „Ef um hefði verið að
ræða Kasper, Jasper og Jónínu, þá
hefði ég kannski átt möguleika á
hlutverki,“ skýtur Ebba inn í. Eftir
áramót fer hún með hlutverk í Þitt
eigið tímaferðalag. „Þannig að við
förum bæði beint úr drama yfir í að
huga að börnunum,“ segir hún.
Hjartnæm saga sem auðvelt er að tengja við
Oddur og Ebba Katrín kynnust í leikhúsinu og leika þar nú saman í Atómstöðinni. FRÉTTABLAÐIÐ/VALLI
Ebba Katrín Finns-
dóttir og Oddur
Júlíusson leika
par í Atómstöðinni
og eru par í raun-
veruleikanum.
Leika næst saman
í Meistaranum og
Margaritu.
Kolbrún
Bergþórsdóttir
kolbrunb@frettabladid.is
Listvinafélag Hallgrímskirkju og Mótettukór Hallgríms-kirkju standa fyrir tvennum
tónleikum um helgina. Viðfangs-
efnið er eitt háleitasta verk tón-
listarsög unnar, Messías ef tir
Händel. Auk kórsins og Alþjóðlegu
barokksveitarinnar í Hallgríms-
kirkju koma fram fjórir einsöngv-
arar, þau Herdís Anna Jónasdóttir
sópran, David Erler kontratenór,
Martin Vanberg tenór og Jóhann
Kristinsson bassi.
Herdís Anna er nýkomin frá því
að syngja við jarðarför ömmu vinar
síns og varla búin að þurrka tárin úr
augnkrókunum þegar ég inni hana
eftir næsta verkefni sem er handan
við hornið. „Messías er stórt verk
og mikilfenglegt,“ segir hún. „Ég
byrjaði að læra hlutverkið í sumar
og vona að ég standi klár á mínu en
ekki gefst mikill tími til samæfinga
með kór og hljómsveit.“
Messías er stórt verk og mikilfenglegt
Herdís Anna Jónasdóttir sópransöngkona og Jóhann Kristinsson bassi
með stjórnandann Hörð Áskelsson á milli sín. FRÉTTABLAÐIÐ/ANTON BRINK
Herdís Anna kveðst hafa tekið
þátt í f lutningi þessa stórvirkis
áður. „Það var fyrir tuttugu árum
á Ísafirði og það var í fyrsta skipti
sem svona stórt kórverk var f lutt
þar. Hátíðakór Tónlistarskólans
söng, undir stjórn Beáta Joó, ég var
í honum, svo kom Ingvar Jónasson
víóluleikari, frændi minn, með hóp
tónlistarfólks að sunnan. Guðrún
Jónsdóttir söng hlutverkið sem ég
er að syngja núna og Ingunn Ósk
Sturludóttir var í althlutverkinu.
Þær voru báðar að kenna mér söng
á þessum tíma. Þetta var hrikalega
skemmtilegt.“
Spurð hvort hún hafi unnið með
þeim einsöngvurum áður sem koma
fram með henni núna svarar Her-
dís Anna: „Bara kontratenórnum.
Ég hitti David Erler í vor, þá söng ég
dúett með honum í Bachkantötu á
kirkjulistahátíð. Mér skilst að þá
hafi Hörður ákveðið að reyna að fá
okkur aftur, honum líkaði svo vel
við hljóðin í okkur!“
Messías verður f luttur tvívegis
um helgina, í dag, laugardag, klukk-
an 18.00 og á morgun, sunnudag,
klukkan 16. Stjórnandi er Hörður
Áskelsson og konsertmeistari
Tuomo Suni. gun@frettabladid.is
ÉG HITTI DAVID ERLER
Í VOR, ÞÁ SÖNG ÉG
DÚETT MEÐ HONUM Í BACH-
KANTÖTU Á KIRKJULISTA-
HÁTÍÐ. MÉR SKILST AÐ ÞÁ HAFI
HÖRÐUR ÁKVEÐIÐ AÐ REYNA
AÐ FÁ OKKUR AFTUR, HONUM
LÍKAÐI SVO VEL VIÐ HLJÓÐIN Í
OKKUR.
7 . D E S E M B E R 2 0 1 9 L A U G A R D A G U R54 M E N N I N G ∙ F R É T T A B L A Ð I Ð
MENNING