Fréttablaðið - 20.12.2019, Side 24

Þótt alls ekki allar þjóðir heims séu kristinnar trúar hefur jólahátíðin þó haldið
innreið sína til margra þjóða
sem fagna hver með sínum hætti.
Jólin eru enda hátíð ljóss og
friðar og f lestir geta samsamað
sig þeim boðskap.
Á Filippseyjum eru jólin
mikilvæg hátíð og fólk byrjar
að skreyta strax í september.
Skreytingarnar fá svo að standa
fram til fyrsta sunnudags í
janúar.
Í Japan eru jólin hátíð elskenda
og samveru. Fjölskyldur þar gera
vel við sig á jóladag með því að fá
sér hefðbundinn jólamat; stóra
fötu af KFC.
Í Póllandi, Austurríki og f leiri
löndum í Mið- og Vestur Evrópu
er ákveðin tegund ferskvatns-
fisks sem kallast vatnakarfi
borðuð á aðfangadagskvöld. Í
dag kaupa f lestir fiskinn úti í
búð en hefðin kveður á um að
hann skuli alinn í baðkeri fjöl-
skyldunnar nokkra daga fyrir
jól og húsmóðirin á svo að slátra
honum með viðhöfn rétt áður en
eldamennskan hefst. Hreistrið er
talið bera gæfu með sér.
Í Finnlandi er hefð fyrir því
að fara í gufubað á aðfangadags-
kvöld til að slaka á fyrir hátíðina.
Þar er gjarna snæddur hafra-
grautur með möndlu að morgni
jóladags, frekar en hrísgrjóna-
grautur eins og hefð margra
annarra landa býður. Sá eða sú
sem finnur möndluna mun njóta
gæfu á komandi ári.
Grikkir hafa töluverðar
áhyggjur af illum öndum um jól
(venjulegar endur eru í lagi). Þeir
vefja krossmörk í basil og aðrar
kryddjurtir, dýfa þeim í vígt vatn
og skvetta því hingað og þangað
til að stökkva á burt þessum
óþjóðalýð sem þar í landi kallast
kallikantzaroi og kemst inn á
heimilin niður um skorsteininn.
Af þeim sökum láta grískar fjöl-
skyldur einnig eld loga í arni,
svo skorsteinninn sé lokaður
umferð.
Í Ástralíu eru jólin oftast hald-
in á ströndinni enda er hásumar
á þeim slóðum í desember og
ekki vænlegt að vera innandyra.
Fiskur í baði og fata af kjúklingi
 Flestir eru fastheldnir á sínar jólahefðir og siði og það á við um fólk um víða veröld. Jólasiðir eru
jafn misjafnir og löndin eru mörg og sumt er kunnuglegt en annað framandi hér á norðurhjara.
Í Ástralíu fagnar fólk jólunum í steikjandi hita á ströndinni. Jólaandinn er þó aldrei langt undan og hér er mynd af honum. NORDICPHOTOS/GETTY
Víða í Evrópu getur fólk þurft að deila jólabaðinu með jólamatnum en þar
er hefð að fiskur sé alinn í baðkarinu áður en honum er slátrað fyrir jólin.
Fjölskyldur og vinir safnast
saman og grilla sjávarfang,
rækjur, humar og annað sælgæti
áður en tekin er ein umferð af
krikket eða hlaupið út í sjó.
Í Argentínu er haldið upp á
jólin með hvelli. Þar eru f lugeldar
sprengdir á miðnætti á aðfanga-
dagskvöld, sennilega til að
minna á jólastjörnuna sem lýsti
vitringunum leið til Jesúbarns-
ins. Fyrr um kvöldið kveikja
börn oft á pappaluktum og senda
þær upp í næturhimininn.
Á Jamaíku er jólum vel fagnað
og að sjálfsögðu er rommið ekki
langt undan. Jólakaka þeirra
Jamaíkubúa er ekki ósvipuð
hinni ensku ávaxtaköku nema
hvað hún er að böðuð rommi
en ekki viskíi. Með þessu ber að
drekka heitan og sætan engifer-
drykk sem kallast sorrel.
Jólin eru ekki almenn hátíð á
Indlandi en þeim er þó fagnað af
kristnum fjölskyldum með því að
fara í miðnæturmessu og snæða
svo góðan mat. Þá eru stórar og
litríkar pappastjörnur hengdar
fyrir utan húsin og mangó- og
bananatré skreytt með marglitu
efni og öðru skrauti.
Í Lettlandi þarf fólk að hafa
fyrir því að fá gjafirnar sínar. Þar
er hefð að hver gjaf þegi fari með
ljóð, syngi lag eða leiki á hljóð-
færi áður en gjafir eru opnaðar.
Lettar telja sig líka eiga elstu jóla-
tréshefðina, þar sem elsta skráða
notkun á sígrænu tré til að halda
jól er frá höfuðborginni Ríga árið
1510. Það er þó líklegt að sígræn
tré hafi verið notuð til að fagna
hækkandi sól frá því að hug-
tökin sígrænt og sól fóru að hafa
merkingu fyrir mannkynið.
Brynhildur
Björnsdóttir
brynhildur@frettabladid.is
FERMINGARGJAFIR
Fimmtudaginn 15. mars gefur Fréttablaðið út
bráðsniðugt aukablað sem innheldur ótal
hugmyndir að fjölbreyttum fermingargjöfum.
Allir sem hafa fermst vita að dagurinn og ekki síst
gjarnar lifa í minningunni um aldur og ævi.
Tryggðu þér gott auglýsingapláss
í langmest lesna dagblaði landsins.
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
Mánudaginn 6. janúar gefur Fréttablaðið út sérblaðiðð
SKÓLAR OG NÁMSKEIÐ
Skólar og námskeið kemur að jafnaði þrisvar sinnum út á hverju ári.
Að vanda er boðið upp á fjölmargar fróðlegar greinar og viðtöl.
Allir sem velta fyrir sér námi í vetur og vor munu fá í blaðinu
góða yfirsýn yfir það sem er í boði.
Blaðið er mjög vinsæll valkostur ýmissa menntastofnanna
og einkaskóla sem nýta blaðið til að auglýsa eða kynna námsframboð sín.
Nánari upplýsingar um auglýsingar og umfjallanir fyrir blaðið veita sölumenn sérblaðadeildar
Tölvupóstfang: serblod@frettabladid.is
Beinn sími: 550-5077
6 KYNNINGARBLAÐ FÓLK 2 0 . D E S E M B E R 2 0 1 9 F Ö S T U DAG U R