Skessuhorn - 30.01.2019, Síða 15

MIÐVIKUDAGUR 30. JANÚAR 2019 15
SK
ES
SU
H
O
R
N
2
01
9
Nemendur við Landbúnaðar-
háskóla Íslands og Listaháskóla
Íslands í samstarfi við Akranes-
kaupstað opna sýningu í verslunar-
miðstöðinni að Smiðjuvöllum 32
fimmtudaginn 31. janúar kl. 17:00
Um er að ræða brot af verkum sem tengjast
öll Akranesi og unnin voru af 3. árs nemum,
annars vegar nemendum í umhverfisskipulagi við
LbhÍ og hins vegar nemendum í arkitektúr við LhÍ.
Verkin eru framsýn, djörf og metnaðarfull og
til þess fallin að fá íbúa bæjarins til að sjá hina
ýmsu möguleika í þróun þéttbýlisins.
Sýningin mun standa opin 1. til 14. febrúar
frá kl. 12 til 18 - verið velkomin!
Vinir og söngfélagar Bjarna Val-
týs Guðjónssonar, organista frá
Svarfhóli á Mýrum, hafa ákveð-
ið að standa fyrir söngvöku í anda
félaga síns. Verður hún í Lyng-
brekku sunnudaginn 17. febrúar
næstkomandi kl. 15 – 17. Þann dag
verða 90 ár liðin frá fæðingu Bjarna
Valtýs, en hann lést 28. júní 2015.
Bjarni Valtýr var bóndi á Svarfhóli
í Hraunhreppi en þekktastur var
hann fyrir störf sín sem organisti
í 72 ár, en hann var fyrst organisti
í sinni eigin fermingu og starfaði
sem slíkur allt til dauðadags. Hann
gaf út fjórar ljóðabækur og tvær
skáldsögur, auk þess sem hann
var ötull þýðandi og áhugamað-
ur um þjóðleg fræði, kveðskap og
íslensku. Hann samdi fjölda laga,
m.a. fyrir söngleikinn Ingiríður
Óskarsdóttir, gamanleik í þremur
þáttum eftir Trausta Jónsson, sem
Leikdeild Skallagríms færði á fjal-
irnar.
Bjarni Valtýr hélt oft söngvökur,
bæði í Lyngbrekku og í Borgar-
nesi, þar sem sveitungar hans, vinir
og kunningjar ásamt kvæðamönn-
um komu saman til að skemmta
sér og öðrum
með söng. Þess-
ir söngfélagar og
vinir Bjarna Val-
týs ætla að standa
að söngdagskrá,
þar sem m.a.
verður á dagskrá
söngur undir
stjórn Steinunn-
ar Árnadóttur.
Félagar úr Leik-
deild Skallagríms
flytja nokkur
lög undir stjórn
Steinunnar Páls-
dóttur og félagar
úr Kvæðamanna-
félaginu Iðunni,
þeir Steindór
Andersen, Sig-
urður Sigurðs-
son og fleiri,
kveða rímur. Þá
verður almenn-
ur fjöldasöngur
undir stjórn Steinunnar Pálsdótt-
ur, Haraldur Ólafsson frá Staðar-
hrauni minnist Bjarna Valtýs, Þór-
ólfur Árnason fer með nokkrar
vísur og sögur úr Ólympíuferðum
þeirra frænda og boðið verður upp
á kaffiveitingar.
mm
Söngvaka til minningar
um Bjarna Valtý
Það var hlýlegt og ljúft andrúmsloft
sem tók á móti blaðamanni Skessu-
horns á Hótel Glym í síðustu viku.
Margrét Rósa Einarsdóttir hótel-
stjóri bauð blaðamanni inn í setu-
stofu þar sem Hvalfjörðurinn blasti
við úr stórum gluggum hótelsins.
Margrét er fædd og uppalin í Reykja-
vík en hún á ættir að rekja vestur á
Mýrar og var alltaf með annan fót-
inn á bænum Ölvaldsstöðum þegar
hún var barn. Hún býr nú í Mosfells-
dal og á tvo uppkomna syni. Mar-
grét Rósa er framreiðslumeistari að
mennt og hefur unnið við þjónustu-
störf frá 16 ára aldri auk þess sem
hún stofnaði og rekur í dag Þjóna-
skólann. Síðustu tuttugu ár sá Mar-
grét um rekstur Iðnó í Vonarstræti en
nú hefur hún fært sig um set og tók
við starfu hótelstjóra Hótel Glyms í
nóvember á síðasta ári. Þá á Margrét
Englendingavík í Borgarnesi þar sem
hún hefur leigt reksturinn út fram til
þessa en í vor ætlar hún að opna þar
sjálf.
Heillaðist af hótelinu
Hótel Glymur er til húsa í hlíð-
inni ofan við Ferstikluskála í Hval-
firði. Húsnæðið var upphaflega
byggt undir skóla en þar hefur ver-
ið rekið hótel til fjölda ára. Hótel-
ið var allt endurnýjað árið 2006 í
þeirri mynd sem það er í dag. Þar
eru 23 hótelherbergi, flest á tveim-
ur hæðum, þrjár svítur og sex vill-
ur eða bústaðir. Á hótelinu er mat-
salur auk fundarsals þar sem upplagt
er að vera með ýmsa stærri viðburði.
Þá geta gestir farið í heitan pott fyr-
ir utan hótelið þar sem fallegt útsýni
er yfir Hvalfjörðinn. En hótelið og
allt sem það hefur upp á að bjóða er
einmitt ástæðan fyrir því að Margrét
ákvað að sækja um stöðu hótelstjóra.
„Þetta hótel heillaði mig, bæði að-
stæðurnar á hótelinu og þessi fal-
lega staðsetning,“ segir Margrét og
horfir út um gluggann. Það er far-
ið að snjóa og útsýnið að minnka frá
því við fengum okkur sæti. „Þó það
sjáist lítið þá er samt svo fallegt hér.
Það þarf ekki einu sinni allt útsýnið
til að sjá það,“ segir hún og brosir.
Vill fá heimamenn
Margrét segist ekki ætla að ráðast
í stórar breytingar á Hótel Glym
heldur frekar að gera meira úr því
sem þar er þegar boðið upp á. „Ég
vil gera þetta góða hótel enn betra
og reyna að markaðssetja það víð-
ar. Þá vil ég sérstaklega reyna að
markaðssetja hótelið fyrir íslenskan
markað. Bæði sem góðan og róman-
tískan áfangastað fyrir pör og einn-
ig sem góðan áfangastað fyrir ráð-
stefnur eða aðra slíka viðburði fyr-
ir hópa. Við ætlum að leggja mikla
áherslu á að á Hótel Glym sé gott
að koma til að slaka á. Herbergin
eru öll vel búin með fallegu útsýni.
Það er hægt að fara í pottinn, fara
í gönguferðir og bara njóta náttúr-
unnar sem Hvalfjörðurinn hefur
upp á að bjóða,“ segir Margrét og
bætir því við að hún vilji einnig að
Hótel Glymur verði meiri hluti af
samfélaginu í Hvalfjarðarsveit. „Við
viljum fá heimamenn meira til okk-
ar og það viljum við gera til dæmis
með því að halda tónleika eða vera
með aðra slíka viðburði hér. Í des-
ember vorum við með jólaball sem
heppnaðist mjög vel og við ætlum
að gera það að árlegum viðburði.“
Ætlar að bjóða upp á
brunch í sumar
Á Hótel Glym er veitingastaður
þar sem boðið er upp á morgun-
verðahlaðborð alla daga auk þess
sem hægt er kaupa af hádegisverða-
seðli, kvöldverðaseðli eða bakkelsi
um miðjan dag. Um páskana ætlar
Margrét að bæta við brunch hlað-
borði sem verður opið allar helgar
fram á haust. „Það eru mest gest-
ir hótelsins sem borða hjá okkur
en við erum með opið fyrir alla. Ég
myndi glöð vilja sjá fleiri heima-
menn koma við,“ segir Margrét.
Aðspurð segir hún hótelið alltaf
vel bókað. „Í febrúar byrjar í raun
törnin hjá okkur. Það er nokkuð
vel bókað þá og alveg fram á haust.
Hótel Glymur hefur alltaf ver-
ið einstaklega gott hótel. Hér hef-
ur alltaf verið veitt góð þjónusta og
þá kemur fólk,“ segir hún en bætir
því við að það þýði ekki að hún ætli
að láta fara of vel um sig. „Það má
alltaf gera gott betra. Mín áhersla
verður fyrst og fremst á að halda
áfram á sömu braut og gera góða
þjónustu enn betri,“ segir hún og
brosir.
Opna pönnufiskhlað-
borð í Englendingavík
Eins og fyrr segir á Margrét Eng-
lendingavík í Borgarnesi og ætlar
hún sjálf að sjá um reksturinn þar
frá og með páskum. Þar er boð-
ið upp á heimagistingu í notaleg-
um herbergjum auk veitingasölu.
Aðspurð segist Margrét ekki held-
ur ætla að gera miklar breytingar í
Englendingavík. „Gistingin verður
með sama hætti og hún hefur verið
og við verðum með opið fyrir íbúa
og aðra gesti á veitingastaðnum auk
þess sem leikfangasafnið verður
opið,“ segir Margrét en leikfanga-
safnið í Englendingavík er einnig í
hennar eigu. „Við ætlum að bjóða
upp á hádegisverðaseðil og bjóða
upp á kaffi og með því. Á kvöld-
in verðum við með pönnufiskhlað-
borð og að auki mun ég bjóða upp
á grillaðar kótelettur og hnetusteik
á kvöldverðaseðli. Það gæti held ég
verið skemmtileg tilbreyting í veit-
ingaflóruna í Borgarnesi,“ segir
Margrét og brosir. „Einnig ætlum
við að prófa að hafa Englendinga-
vík opna allt árið. Það hefur fram
til þessa aðeins verið opið yfir sum-
arið.“
Engin svo ómissandi
Spurð hvort orðið frítími sé inni í
myndinni hjá hótelstjóra og eiganda
gistiheimilis og veitingastaðar hlær
Margrét og segist vel geta tekið sér
pásur. „Þegar maður hefur margt
gott fólk í kringum sig er vel hægt að
taka sér tíma fyrir sjálfan sig,“ svar-
ar hún og brosir. „Það er enginn svo
ómissandi.“ bætir hún við. Margrét
segist sjálf mikið ferðast um heim-
inn og fer til að mynda tvisvar á ári
til Tyrklands. „Ég vinn mikið og hef
alltaf gert en ég vinn líka bara við það
sem ég nýt mín í. Ég nýt þess að eiga
samskipti við fólk og að geta unn-
ið við að hitta margt fólk og kynn-
ast ólíku fólki sem kemur allsstaðar
að úr heiminum eru forréttindi. Sjálf
ferðast ég líka mikið og síðust ár hef
ég farið bæði á vorin og haustin til
Tyrklands en það er dásamlegt að
vera þar. Ég mun alveg halda áfram
að ferðast þó ég sé að vinna mikið
þess á milli. Næst fer ég til Tyrklands
í vor,“ segir Margrét að endingu.
arg
Margrét Rósa Einarsdóttir,
hótelstjóri á Glym og eig-
andi Englendingavíkur
í Borgarnesi.
„Mín áhersla verður fyrst og fremst á að halda áfram
á sömu braut og gera góða þjónustu enn betri“
-segir Margrét Rósa, nýr hótelstjóri á Hótel Glym í Hvalfirði