Fréttablaðið - 26.03.2020, Blaðsíða 2

„Fólk er mikið að velta fyrir sér
skipulagningu útfara,“ segir Pétur.
En útfarir verða að fara fram þrátt
fyrir 20 manna samkomubann,
ólíkt fermingum, giftingum og
skírnum sem f lestum hefur verið
slegið á frest. Við útfarir geta því
aðeins nánustu aðstandendur verið
viðstaddir en Pétur segir að fólk sé
að nýta sér netstreymi fyrir aðra.
„Ég var staddur í Víðistaðakirkju
í dag, þar sem var verið að jarða
ungan mann, og við vorum að reyna
að útfæra kistulagningu til að allra
nánustu aðstandendur kæmust.
Þetta er raunveruleiki kirkjunnar
alla daga.“
Vitjanir eru stór hluti af sálgæslu­
hlutverki kirkjunnar en reynt er að
halda samneyti þessa dagana. Er
fólki bent á Netkirkjuna, þar sem
sé prestur á vakt og hægt sé að fá
faglega sálgæslu.
„Fyrsta skrefið er samtal í gegn­
um tölvuna og ef þörf er á í gegnum
síma. Ef ástandið er mjög alvarlegt
vitjum við fólks en viljum halda
því í lágmarki,“ segir Pétur. „Það
eru margir óttaslegnir og óviss­
ir núna. Kirkjan kjarnar sig, ef svo
má segja, í krefjandi aðstæðum, og
sannar tilveru sína og hlutverk.“
kristinnhaukur@frettabladid.is
Við vorum að reyna
að útfæra kistu-
lagningu til að allra nánustu
aðstandendur kæmust.
Pétur Markan
samskiptastjóri
Biskupsstofu
Veður
Suðlæg átt, 3-10 m/s og él S- og
V-lands, en þurrt að kalla N- og A-
lands. Hægt vaxandi SV-átt S-lands
síðdegis. SV 8-15 og éljagangur í
kvöld og á morgun, en þurrt að
mestu A-lands. SJÁ SÍÐU 18
Háannatími í heimsfaraldri
COVID-19 Þjóðkirkjan reynir eftir
bestu getu að halda úti sálgæslu
og helgihaldi í samkomubanni, en
vitaskuld með breyttu sniði. Helgi­
stundum er nú streymt í gegnum
netið og f lestum athöfnum hefur
verið frestað.
Sameiginlegt verkefni kirkj­
unnar er streymi á Vísi klukkan
17 á sunnudögum, sem skipt er á
milli kirkna og kallast heimahelgi­
stund. Í Laugarneskirkju síðasta
sunnudag, Lindakirkju næsta og
Vídalínskirkju þar á eftir. Þá hafa
einstaka kirkjur tekið upp á því að
streyma til dæmis ritningarlestrum
og bænastundum.
Frá síðasta sunnudegi var ákveð­
ið að hringja kirkjuklukkunum í
hverju hádegi. Í kjölfarið er sam­
eiginleg bænastund í öllum kirkjum
og beðið fyrir landi og þjóð.
Pétur Markan, samskiptastjóri
Biskupsstofu, segir að vel sé tekið
í þetta starf og sýni vel að þjóðin
hafi þörf á að „kjarna sig“ andlega
á tímum sem þessum. Aðspurður
hvort innileikinn haldi sér segir
hann það vissulega hafa verið
áskorun.
„Maður er manns gaman og inni­
leikinn kemur þegar við erum í nánd
við hvert annað,“ segir hann. „Við
þurfum því að búa þetta til og það
hefur tekist vel. En við vitum að við
erum í tímabundnu ástandi.“
Kirkjur landsins sinna miklu
eldriborgarastarfi dags daglega en
vegna samkomubanns liggur það
niðri. Samkvæmt Pétri setur þetta
mikið skarð í félagslíf hóps, sem
þar að auki er í mestri áhættu og
margir eldri borgarar bangnir um
sig og sína. Síminn stoppar ekki
þessa dagana, hvorki hjá einstaka
prestum né Biskupsstofu.
Símar stoppa ekki hjá
biskupi og prestunum
Í ljósi samkomubanns hefur þjóðkirkjan endurskipulagt allt sitt starf. Helgi-
stundum er streymt, sálgæsla veitt á neti og símleiðis og flestum athöfnum
frestað. Útfarir fara fram en með miklum skorðum vegna COVID-19.
Heimahelgistund var í Laugarneskirkju á sunnudag. FRÉTTABLAÐIÐ/GVA
COVID-19 Í gær höfðu 737 manns
greinst með COVID­19 á Íslandi.
Fjölgaði þeim um 89 í gær. Þá eru
um níu þúsund manns í sóttkví
en rúmlega tvö þúsund hafa lokið
sóttkví.
Fimmtán liggja nú á Landspítal­
anum, tveir af þeim á gjörgæslu­
deildinni og einn í öndunarvél.
Á meðan COVID­19 faraldurinn
gengur yfir munu rúmlega 1.500
manns á Íslandi greinast með
COVID­19, en talan gæti náð nær
2.300 samkvæmt svartsýnustu spá.
Þetta kemur fram í grein sem
hópur vísindamanna á vegum
Háskóla Íslands, Embættis land­
læknis og Landspítalans birta
ásamt spálíkani um COVID­19 í
Fréttablaðinu í dag. Alþjóðlegur
samanburður á skimunartíðni á
COVID­19 (það er fjölda greiningar­
prófa miðað við höfðatölu) sýnir að
greiningin er hæst á Íslandi og Fær­
eyjum. – khg / sjá síðu 14
Bjartsýnni spá
um útbreiðslu
COVID-19 Sigurður Ingi Jóhannsson,
samgöngu­ og sveitarstjórnarráð­
herra, sagði í fréttaþættinum 21 á
Hringbraut í gærkvöld að til greina
komi að taka neysluverðsvísitöluna
úr sambandi.
Ráðherrann sagði vísitöluna
ómarktækt mælitæki því eftirspurn
í mörgum neysluflokkum sé hverf­
andi eða jafnvel engin. Þar fyrir
utan friðaði slíkt heimilin í landinu
sem óttist verðbólguskot.
„Kannski 30 til 35 prósent af
reiknuðum stærðum í vísitölunni
eru farnar og það er ekki hægt að
nota þá vísitölu sem verið hefur,“
sagði Sigurður Ingi sem kvað Hag­
stofuna og hagstofur nágranna­
landa hafa verið í samtali um þetta.
„Kannski væri gáfulegast að við
segðum, alveg eins og við erum að
reyna að fresta launum og breyting­
um og öllu; Erum við ekki bara með
fasta vísitölu í einhvern x mánuð og
við ætlum bara að reyna að komast
yfir þessa gjá.“
Sigurður Ingi ítrekaði að þjóð­
félagið hafi líklega aldrei verið
betur í stakk búið til að takast á við
efnahagsáföll af stærðargráðunni
sem nú blasi við. Aldrei hafi hag­
stjórnin haft jafn mörg tól og þá
séu auðlindir landsins þess eðlis að
viðspyrnan geti orðið kröftugri hér
en víða annars staðar.
Kvaðst ráðherra þó óttast að jafn
útf lutningsdrifið hagkerfi, eins
og Ísland sé, bíði skaða af harðari
landamærapólitík, sem ef laust
verði að veruleika í ljósi viðbragða
um allan heim. – bb
Sigurður Ingi
vill taka vísitölu
úr sambandi
Sigurður Ingi
Jóhannsson, ráð-
herra samgöngu-
og sveitar-
stjórnarmála.
Á háannatíma líta gatnamótin við Kringlumýrarbraut og Miklubraut oftast öðruvísi út. Bílastraumurinn liðast hægt en þó ekki örugglega því
þetta eru slysahæstu gatnamót landsins samkvæmt Samgöngustofu. Er ljósmyndari Fréttablaðsins leit þar við um hálf fimm leytið í gær leit
umferðin út eins og lítill bílalækur í samanburði við strauminn sem þar annars f lýtur um þegar kórónaveirur eru ekki á stjái. FRÉTTABLAÐIÐ/ERNIR
2 6 . M A R S 2 0 2 0 F I M M T U D A G U R2 F R É T T I R ∙ F R É T T A B L A Ð I Ð