Feykir - 29.03.2017, Blaðsíða 21

13/2017 21
Íslandsmeistari í trésmíði
Eins og sagt var frá í seinasta Feyki stóðu Skagfirðingar sig vel á Íslandsmóti
iðn- og verkgreina sem haldið var í Laugardalshöllinni dagana 16. – 18. mars sl.
Kristinn Gísli Jónsson, Alexander Svanur Guðmundsson og Þröstur Kárason
hömpuðu allir Íslandsmeistaratitli eftir keppnina.
Kristinn Gísli er nemi í matreiðslu hjá
Dill Restaurant en Alexander í bifvéla-
virkjun við Borgarholtsskóla. Þriðji
Íslandsmeistarinn, Þröstur Kárason, býr
og starfar á Sauðárkróki, sonur Margrétar
Helgadóttur og Kára Árnasonar.
Þröstur, sem er árgerð 1995, er á
lokametrunum í trésmíðanámi frá
Fjölbrautaskóla Norðurlands vestra á
Sauðárkróki. segist reyndar búinn með
námið en á nokkra mánuði eftir af
samningi til sveinsprófs. Hann starfar hjá
„Fíunum“, eða Friðriki Jónsyni ehf.
Aðspurður um hvað honum þætti
skemmtilegast við smíðarnar, segir hann
flest allt í kringum smíðarnar skemmti-
legt. „Mjög margt fjölbreytilegt sem hægt
er að gera í þessari starfsgrein.“
Í iðn- og verkgreinakeppninni var
verkefni smíðanemanna að smíða
dúkkurúm og segir Þröstur það hafa
verið ágætt. „Mér fannst nú ekkert eitt
erfiðara en annað við verkefnið, þetta
gekk nokkuð þægilega fyrir sig. Auðvitað
voru ýmsir hlutir sem þörfnuðust meiri
þolinmæði en aðrir, en allt endaði
þokkalega vel finnst mér,“ segir Þröstur
og bætir við þegar hann er spurður um
hvað hann haldi að hafi orðið til þess að
hann sigraði: „Tja, ég get varla sagt til um
það. Kannski að smámunasemin geti
skorið úr á milli fólks í þessu.“
Hver eru framtíðaráform þín? „Það er
nú ekkert ákveðið núna. Ég er allavega
búinn með nám í þessu fagi, þannig að
planið núna er að vinna við þetta eitthvað
áfram, þangað til annað kemur upp ef svo
verður.“
Eitthvað sem þú vilt koma á framfæri?
„Ég vil bara þakka fyrir mig, það er alltaf
gaman að fá tækifæri til að taka þátt í
viðburðum eins og þessum.“ /PF
Þröstur Kárason
Við verðlaunaafhendingu. Þröstur Kárason í miðið ásamt Steinari Frey Hafsteinssyni, VMA
og Ester Mee Hwa Herman, FB.
Guðmundur Sævar Þórsson
Mamma að fara á límingunum
Guðmundur Sævar Þórsson verður fermdur í Bólstaðarhlíðarkirkju
þann 1. apríl af sr. Bryndísi Valbjarnardóttur. Foreldrar hans eru
Guðmunda S. Guðmundsdóttir og Þór Sævarsson.
Hvers vegna valdir þú að fermast? -Af því að ég vil ganga inn í kristna trú.
Hefur þú velt trúmálum mikið fyrir þér? -Já.
Hvernig hefur fermingarundirbúningnum verið háttað? -Mamma er að fara á límingunum
yfir undirbúningnum, æðandi út um allt, talandi við nunnur og
blómafólk og er að gera Siggu frænku geðveika en hún ætlar að
sjá um veisluna. Pabbi leitar, ásamt öðrum, ljósum logum að
fólki til að syngja við athöfnina. Bryndís prestur djammar bara í
útlöndum og ég er að smíða herbergi til að gefa sjálfum mér í
fermingargjöf. En allt hefst þetta nú og fer vel.
Hvar verður veislan haldin? -Í Félagsheimilinu Húnaveri.
Er búið að ákveða hvað verður á matseðlinum? -Já. Það sem
verður á hlaðborðinu verður grafinn lax, lambalæri, kjúklingur
með tilheyrandi meðlæti og auðvitað ísterta og fleiri kökur í
eftirrétt.
Er búið að ákveða fermingarfötin?
Já. Það var farið í Joe‘s á Akureyri og keypt hin fínustu jakkaföt.
Hver er óska fermingargjöfin?
Samsung Galaxy S7 eða hinn fínasti hnakkur.
Fermingin mín
Júlíus Guðni Kuhne Sveinsson
Veislan í veisluhúsnæði heima
Júlíus Guðni Kuhne Sveinsson á Lýtingsstöðum verður fermdur þann
13. apríl í Mælifellskirkju af sr. Döllu Þórðardóttur. Foreldrar hans eru
Evelyn Ýr Kuhne og Sveinn Guðmundsson.
Hvers vegna valdir þú að fermast? -Því að ég trúi á guð.
Hefur þú velt trúmálum mikið fyrir þér? -Ekki mjög mikið
utan við fermingarfræðsluna.
Hvernig hefur fermingarundirbúningnum verið háttað?
-Ég fer í fermingarfræðslu í skólanum og hef tekið þátt í
nokkrum guðsþjónustum. Í sameiningu við foreldra mína
hef ég ákveðið hvernig fermingardagurinn verður.
Hvar verður veislan haldin? -Ég verð með hana heima hjá
mér í veisluhúsnæði.
Er búið að ákveða hvað verður á matseðlinum? -Nei, ekki
enn.
Er búið að ákveða fermingarfötin? -Já, fyrir löngu síðan.
Hver er óska fermingargjöfin? -Ég er ekki með neina
sérstaka ósk.