Feykir - 27.08.2017, Blaðsíða 10

Hvernig nemandi varstu? Afskap-
lega prúður og stilltur.
Hvað er eftirminnilegast frá ferm-
ingardeginum? Langtíma minnið
er ekki gott en man þó að ég tók
ferminguna mjög alvarlega.
Hvað ætlaðir þú að verða þegar
þú yrðir stór? Ég held að undir
niðri hafi ég alltaf ætlað að verða
bóndi.
Hvert var uppáhalds leikfangið
þitt þegar þú varst krakki? Við
systkinin lékum okkur mikið með
skeljar og höfðum þær fyrir kindur
Besti ilmurinn? Ilmur af þornandi
töðu.
Hvað varstu að hlusta á þegar þú
fékkst bílprófið? Spilverk þjóð-
anna, Bob Marley, Elo og Bítlarnir
koma upp í hugann.
Hvaða lag er líklegast að þú takir
í Kareókí? Rósin (Undir háu hamra
belti).
Hverju missirðu helst ekki af í
sjónvarpinu? Horfi lítið á sjónvarp
fyrir utan fréttatengt efni.
Besta bíómyndin? Groundhog Day
er klassa mynd.
Hvaða íþróttamanni hefurðu
mestar mætur á? Er stoltur af öllu
íslensku afreksfólki.
Hvað gerir þú betur en allir aðrir á
þínu heimili? Rollusálfræði er mín
sérgrein.
Hvert er snilldarverkið þitt í
eldhúsinu? Ég er að eigin áliti
snillingur í að grilla lambakjöt.
Hættulegasta helgarnammið?
Hiklaust blessaður bjórinn.
Hvernig er eggið best? Linsoðið
Hvað fer mest í taugarnar á þér í
fari þínu?
Er alltof stressuð týpa.
Hvað fer mest í taugarnar á þér í
fari annarra? Fals og óheiðarleiki.
Uppáhalds málsháttur eða til-
( RABB-A-BABB ) oli@feykir.is
NAFN: Þorleifur Ingvarsson.
ÁRGANGUR: 1958.
FJÖLSKYLDUHAGIR: Kvæntur Kristínu L Árnadóttur og faðir
fjögurra uppkomina barna.
BÚSETA: Sólheimar Húnavatnshreppi
HVERRA MANNA ERTU OG HVAR UPP ALINN: Uppalinn í Sólheimum og
hef aldrei flutt að heiman. Faðir minn ól allan sinn aldur í
Sólheimum en móðir mín er ættuð af Ströndum.
STARF/NÁM: Búrekstur hefur verið aðal ævistarfið en hef jafn-
framt unnið ýmis störf meðfram bústörfum
HVAÐ ER Í DEIGLUNNI: Fór í bókaranám á gamals aldri og stefni að
því að verða viðurkenndur bókari fyrir sextíu ára afmælið.
Leifur í Sólheimum
vitnun? Morgundagurinn kemur
aldrei.
Hver er elsta minningin sem þú
átt? Minnið er svikult en ég man
þó vel eftir Reykjavíkurdvöl og
spítalavist um sex ára aldur.
Hvaða teiknimyndapersóna höfð-
ar mest til þín? Hómer Simpson
Hvaða fræga manneskja mundir
þú helst vilja vera (og af hverju)?
Ég er lítið fyrir frægt fólk.
Hver er uppáhalds bókin þín og/
eða rithöfundur (og af hverju)?
Fer mikið eftir aðstæðum. Hrúta-
skráin er td. mjög vinsæl síðla
hausts.
Orð eða frasi sem þú notar of
mikið? Þetta er fínt svona.
Hver var mikilvægasta persóna
síðustu 100 ára að þínu mati?
Ég get ómögulega nefnt neina sér-
staka persónu enda er líklegra að
áberandi persónur verði til vegna
aðstæðna á hverjum tíma en ekki
vegna eigin verðleika.
Ef þú gætir farið til baka í tímann,
hvert færirðu? Vilja ekki allir verða
tvítugir á ný.
Hver væri titillinn á ævisögu
þinni? Þetta er fínt svona.
Framlenging:
Nefndu eitthvað þrennt sem þér
finnst þú mega til að gera áður
en þú gefur upp öndina:
Ferðast meira, bæði innanlands
og erlendis, læra spænsku
og tefla í það minnsta á einu
Reykjavíkurskákmóti.
Telur að ekki hafi hallað á
Sveitarfélagið Skagafjörð
Akrahreppur tekur ekki þátt í sameiningarviðræðum
Sveitarstjórnarfólk á Norður-
landi vestra hefur undan-
farnar vikur verið að kanna
áhuga kollega sinna á
sameiningu sveitarfélaga á
svæðinu. Hafa ýmsar leiðir
verið ræddar og áhugi á
sameiningu verið nokkur í
Austur- Húnavatns-sýslu þó
sitt sýnist hverjum um
útfærslur. Þá er helst verið að
skoða hvert Skaga-byggð
muni snúa sér. Akra-
hreppur hafnaði þátttöku
viðræðna um sameiningu Svf.
Skagafjarðar og Skaga-
byggðar fyrr í sumar.
Í Skagafirði eru tvö sveitarfélög
og hefur mörgum fundist sem
tímaspursmál væri hvenær þau
gangi í eina sæng. Allur vafi var
þó tekinn af í málinu á fundi
Byggðarráðs Skagafjarðar fyrir
skömmu þegar svar kom frá
Akrahreppi við boði um að taka
þátt í viðræðum Sveitarfélagsins
Skagafjarðar og Skagabyggðar
um hugsanlega sameiningu
sveitarfélaganna. Þar afþakkaði
hreppsnefnd Akrahrepps boð
um þátttöku.
Aðspurður um ástæður þess
að Akrahreppur komi ekki að
málinu, segir Agnar H. Gunn-
arsson að hreppsnefnd og vara-
menn í hreppsnefnd Akra-
hrepps telji sig eingöngu hafa
verið kosin til að reka sveitar-
félagið en ekki til að leggja það
niður. Hann segir að ekki hafi
farið fram formleg skoðana-
könnun meðal íbúanna um vilja
þeirra til sameiningar við önnur
sveitarfélög né hafi verið tekin
ákvörðun um að gera það.
Sveitarstjóri Svf. Skagafjarð-
ar, Ásta Pálmadóttir, segist ekki
eiga von á því að það að Akra-
hreppur taki ekki þátt í samein-
ingarumleitunum hafi einhver
áhrif á samstarf sveitarfélaganna
í framtíðinni.
Endurskoðun samnings
Mikið samstarf er á milli sveitar-
félaganna tveggja, Akrahrepps
og Skagafjarðar, og til grund-
vallar liggur 18 ára gamall sam-
starfssamningur en til stendur
að endurnýja samninginn, sem
er frá árinu 1999. Í fundargerð
samstarfsnefndar með Akra-
hreppi, frá því í júní, segir að
þróunin í samstarfi sveitarfé-
laganna hafi síðan þá verið í þá
átt að þjónusta gagnvart íbú-
unum og fyrirsvar hvað rekstur
varðar hafi í sífellt meiri mæli
verið veitt af hálfu Sveitarfé-
lagsins Skagafjarðar en Akra-
hreppur greitt sinn hluta í
sameiginlegum rekstri og
stofnkostnaði.
Við stjórnsýsluskoðun hjá
Sveitarfélaginu Skagafirði fyrir
árið 2015 komst KPMG ehf. að
þeirri niðurstöðu að samstarfs-
samningur Sveitarfélagsins
Skagafjarðar og Akrahrepps
uppfyllti ekki sveitarstjórnarlög
nr. 138/2011. Á fundi samstarfs-
nefndar Sveitarfélagsins Skaga-
fjarðar og Akrahrepps 5. desem-
ber 2016 var því samþykkt að
ráðast í endurskoðun á samn-
ingum á milli sveitarfélaganna
tveggja.
Sveitarfélagið Skagafjörður
hefur ákveðið að fá liðsinni
KPMG ehf. við að undirbúa
gerð nýs þjónustusamnings
milli þess og Akrahrepps sem
uppfyllir sveitarstjórnarlög og
önnur lög, reglur og samþykktir
sem lúta að stjórnsýslu sveitar-
félaga og tekjustofna þeirra.
Skal samningurinn ná til allra
sameiginlegra mála sveitarfé-
laganna tveggja og skulu drög
að slíkum samningi verða
tilbúin fyrir gerð fjárhagsáætl-
unar sveitarfélaganna fyrir árið
2018.
Raunverulegur
kostnaður vandfundinn
Gunnsteinn Björnsson, aðalfull-
trúi Svf. Skagafjarðar í sam-
starfsnefndinni, telur að það
halli yfirleitt á þann aðila sem
veitir þjónustu og segist vita af
mörgum liðum sem ekki er
rukkað raunvirði af. „Enda líka
oft erfitt að finna það ná-
kvæmlega út hvað er rétt tala.
Hins vegar er samstarfssamn-
ingurinn barn síns tíma og
stenst ekki stjórnsýslulög,“ segir
Gunnsteinn.
Hann segir að nú sé bara í
boði, skv. stjórnsýslulögum, að
sveitarfélög eins og Akrahrepp-
ur framselji vald til Svf.
Skagafjarðar eða þá að stofna
byggðasamlag. „Það er varla
kostur í okkar tilfelli. Það er nú
svo í raunveruleikanum að
mikill meirihluti tekna Akra-
hrepps er greiddur til Svf.
Skagafjarðar fyrir þjónustu sem
Svf. Skagafjörður veitir íbúum
Akrahrepps. Í mínum huga er
alger tímaskekkja að í héraði
eins og Skagafirði séu tvö
sveitarfélög. Hagsmunir íbú-
anna fara saman í öllum málum
að mínum dómi,“ segir Gunn-
steinn.
Aðspurður um það hvort
hallað hafi á Sveitarfélagið
Skagafjörð í núverandi samn-
ingi hvað kostnað við þjónustu
og rekstur mannvirkja við
kemur segir Agnar Gunnarsson
svo ekki vera. „Nei, ég tel að ekki
hafi hallað á Sveitarfélagið
Skagafjörð í núverandi sam-
starfi. Akrahreppur hefur átt
ágætt samstarf við Sveitarfélagið
Skagafjörð og ég vona að svo
verði um ókomna framtíð.“
UMFJÖLLUN
Páll Friðriksson
10 36/2017