Feykir - 18.04.2018, Blaðsíða 3

Frá aðalfundi KS sl. laugardag. Mikið var rætt um stöðu sauðfjárbænda og hvernig hægt væri að blása til sóknar í markaðsmálum.
MYND: PF
Góð afkoma KS 2017
Heildartekjur rúmir 33 milljarðar
Aðalfundur Kaupfélags
Skagfirðinga fór fram í
Selinu í Kjötafurðastöð
KS sl. laugardag að
viðstöddu fjölmenni. Árið
2017 er stærsta einstaka
fjárfestingaár í allri sögu
félagsins sem námu allt að
14 milljörðum króna.
Í árslok voru dótturfélögin
14 talsins en nokkur þeirra
mynda sjálf samstæðu
með dótturfélögum sínum.
Hagnaður félagsins var rúmir
2,3 milljarðar.
Eignir félagsins eru metnar
á tæpa 50 milljarða og jókst um
tæpa 10 milljarða milli ára og
eru veiðiheimildir og aðrar
óefnislegar eignir hæstar eða
tæpir 14 milljarðar. Fasteignir
námu rúmum 9 milljörðum og
skip 3,8 milljarðar.
Í inngangsorðum Þórólfs
Gíslasonar, kaupfélagsstjóra,
kom fram að rekstur Kaup-
félagsins 2017 samanstóð af
sömu fyrirtækjum og mynduðu
rekstarsamstæðu félagsins 2016.
Eina breytingin var sú að undir
lok rekstarársins 2017 keypti
FISK Seafood útgerðar- og
fiskvinnslufyrirtækið Soffaníus
Cecilsson í Grundarfirði, en það
félag hefur með höndum fisk-
vinnslu og útgerð á tveimur
bátum. Kaupin höfðu hins vegar
í för með sér verulega stækkun
á efnahagsreikningi félagsins.
Heildartekjur á árinu 2017
voru 33,1 milljarður sem er
hækkun um tæpa tvo milljarða
frá fyrra ári, rekstrarafkoma
fyrir afskriftir og fjármagnsliði
var jákvæð um 4,2 milljarða
sem er sama tala og 2016. Fjöldi
ársverka var tæplega 950, sem er
lítilsháttar fjölgun miðað við
árið 2016 og laun og launatengd
fjöld voru um 7,8 milljarðar á
árinu 2017.
Stærstu einstöku rekstrar-
þættir samstæðunnar miðað við
tekjur á árinu 2017 voru:
Kaupfélag Skagfirðinga svf. 11,6
milljarðar, FISK Seafood ehf. 7,4
milljarðar og Fóðurblandan hf.
5,6 milljarðar.
Vilja taka á
markaðsmálum fyrir
sauðfjárafurðir
Á fundinum skapaðist mikil
umræða um stöðu sauðfjár-
bænda en hún hefur verið erfið
undanfarin misseri. Voru menn
sammála um að spýta þyrfti í
lófana og taka á markaðs-
málunum fyrir sauðfjárafurðir.
Þórólfur Gíslason upplýsti
fundarmenn um það hve sterk
króna er erfið fyrir allan
útflutning, hvort það eru sjávar-
eða landbúnaðarafurðir, steinull
eða annað.
„Mikilvægt er að samstaða
náist meðal sauðfjárbænda og
sláturleyfishafa um aðgerðir er
gagnist atvinnugreininni til
framtíðar litið. Annars er hætt
við óæskilegri og neikvæðri
búseturöskun,“ sagði Þórólfur.
Þrátt fyrir erfitt rekstarum-
hverfi vegna hás gengis íslensku
krónunnar á síðasta ári varð
hagnaður Kaupfélags Skagfirð-
inga rúmir 2,3 milljarðar. /PF
15/2018 3