Feykir - 22.08.2018, Blaðsíða 4

2. deild karla : Tindastóll - Kári
Kári hirti öll stigin
á föstudaginn
Strákarnir í meistaraflokki Tindastóls
þurftu að láta í minni pokann fyrir liði
Kára frá Akranesi sl. föstudagskvöld er
liðin áttust við í 2. deildinni í knattspyrnu
á Sauðárkróksvelli. Staða Stólanna er
ansi þung þar sem þeir sitja í næstneðsta
sæti deildarinnar og því í fallsæti.
Það voru Káramenn sem skoruðu tvö
fyrstu mörkin, það fyrra Alexander
Már Þorláksson á 31. mínútu og Andri
Júlíusson á þeirri 42. og því 2-0 í hálfleik
fyrir gestina.

Það var svo Jónas Aron Ólafsson sem minnkaði
muninn fyrir heimamenn á 50. mínútu og þar
við sat allt til enda leiks. Dómari leiksins var
gjafmildur á gula spjaldið en alls lyfti hann því
sjö sinnum, tvisvar til Káramanna en fimm
sinnum til Stóladrengja.
Eins og áður segir er Tindastóll í fallsæti, situr í
11. og næst neðsta sætinu með 11 stig en
baráttan er hvergi nærri búin þar sem sex leikir
eru eftir til að laga stöðuna. Höttur er sæti ofar
með 14 stig og Víðir og Leiknir Fjarðabyggð eru
í 8. og 9. sætinu, bæði með 16 stig en Þróttur úr
Vogunum virðist hafa náð að hrista falldrauginn
af sér og er með 23 stig.
Þau skemmtilegu tímamót urðu hjá
reynsluboltanum og varnarjaxlinum Bjarka
Árnasyni að hann spilaði sinn 200. leik með
Tindastól og ástæða til að óska honum til
hamingju með þann merka áfanga.
Stólarnir léku gegn Hetti í gær en úrslit lágu ekki
fyrir þegar blaðið fór í prentun. /PF
Bjarki Árna náði þeim áfanga að spila sinn 200. leik fyrir Tindastól. Vel gert!
MYND: ÓAB
Margt á döfinni í skólasamfélaginu í Skagafirði
Fræðsludagur skólanna í Skagafirði
Um 200 starfsmenn leik-,
grunn- og tónlistarskóla í
Skagafirði voru saman-
komnir í Miðgarði á
miðvikudag í síðustu viku
þegar Fræðsludagur skól-
anna í Skagafirði var hald-
inn. Dagskráin var fjölbreytt
og skemmtileg og segir
Herdís Á. Sæmundardóttir,
sviðsstjóri fjölskyldusviðs
Sveitarfélagsins Skaga-
fjarðar, að ekki hafi verið
annað að merkja en
starfsmenn skólanna væru
ánægðir með daginn og
þættu erindin sem flutt voru
áhugaverð og gott veganesti
inn í nýtt skólaár.
Meðal þess sem á dagskránni
var má nefna umfjöllun Sunnu
Bjarkar Atladóttur, lögmanns hjá
PACTA og persónuverndar-
fulltrúa Sveitarfélagsins Skaga-
fjarðar, og Helgu Harðardóttur,
kennsluráðgjafa hjá Fræðslu-
þjónustu Sveitarfélagsins Skaga-
fjarðar, um nýju persónuverndar-
löggjöfina, erindi frá Blátt áfram
um heimilisofbeldi og erindi
Ingva Hrannars Ómarssonar,
kennsluráðgjafa og verkefna-
stjóra hjá Sveitarfélaginu Skaga-
firði sem nefndist Sáttmáli um
skjánotkun. Aðalfyrirlesari
dagsins var Kári Stefánsson,
forstjóri Íslenskrar erfða-
greiningar, sem fjallaði um
menntun og uppeldi. Það er
óhætt að segja að erindi Kára hafi
vakið óskipta athygli þeirra sem á
hlýddu enda er Kári ekki þekktur
fyrir að lúra á skoðunum sínum.
Þessa dagana eru skólarnir að
hefja göngu sína að loknu
sumarleyfi. Að sögn Herdísar Á.
Sæmundardóttur er nemenda-
fjöldi grunnskólanna í Skagafirði
svipaður og í fyrra eða rétt um
500 nemendur. Rúmlega 200
nemendur eru í leikskólum
fjarðarins en skráningu í
tónlistarnám er enn ekki lokið.
Heildarfjöldi starfsmanna í
grunn-, leik- og tónlistarskólum
eru rúmlega 200 manns í u.þ.b.
190 stöðugildum.
Herdís segir að sem betur fer
sé starfsmannaveltan ekki mjög
mikil hjá í skólasamfélaginu í
Skagafirði sem eigi því láni að
fagna að hafa á að skipa stóran
hóp starfsmanna með mikla
reynslu og þekkingu þó alltaf sé
eitthvað um breytingar og
nýráðningar í svo stórum hópi
starfsmanna.
Skóli snýst um að hlúa að
þörfum barnanna
Aðspurð að því hvort
eitthvað nýtt sé á döfinni í
skólamálum í héraðinu segir
Herdís: „Það er mjög margt á
döfinni í skólasamfélaginu í
Skagafirði. Á næsta skólaári
verður unnið með svokallað
ytra mat á skólastarfi en lög
um leik- og grunnskóla gera
ráð fyrir að gæðamat á
skólastarfi sé þríþætt, þ.e.
innra mat eða sjálfsmat, ytra
mat sveitarfélagsins og síðan
ytra mat á landsvísu. Það
sjálfsmatskerfi sem við
notum er að skoskri
fyrirmynd og við höfum
notað það í áraraðir og erum
afar ánægð með það. Á
undanförnum misserum
höfum við svo verið að þróa
ytra mat sveitarfélagsins,
einnig að skoskri fyrirmynd,
sem við munum fara af stað
með í vetur.
Umræðan um skaðleg
áhrif mikillar skjánotkunar
hefur verið mikil í
samfélaginu og eins og
kunnugt er hafa skólar í
Skagafirði tekið upplýsinga-
tæknina kröftuglega í sína
þágu. Eins og allt sem nýtt er
þarf að skoða allar hliðar vel
og við viljum bregðast við
vangaveltum og áhyggjum af
mikilli skjánotkun með gerð
svokallaðs sáttmála um
skjánotkun á milli barna,
foreldra og skóla.
Árið 2008 var samþykkt
skólastefna fyrir Sveitar-
félagið Skagafjörð. Sú stefna
var vel unnin og hefur staðist
tímast tönn að mjög mörgu
leyti. Það er þó kominn tími
til að taka hana til
endurskoðunar m.a. með
tilliti til breyttra viðhorfa í
samfélaginu sem og breyttra
kennsluhátta. Næsta skólaár
munum við hefjast handa
við endurskoðun stefnunnar
og við vonumst til að allt
skólasamfélagið, og raunar
íbúar allir, leggi okkur lið í
þeirri vinnu. Stefnan, sem
mun heita Menntastefna
Sveitarfélagsins Skagafjarðar
2018-2033, verður sem sagt
unnin í víðtæku samráði.
Við vonumst til að geta
kynnt fyrstu drög að
stefnunni á fræðsludegi 2019
en verkefnið er stórt og
viðamikið og mun taka
tíma,“ segir Herdís.
„Það er alltaf gaman á
þessum tíma þegar skólarnir
eru að hefja starf aftur eftir
gott sumarleyfi og fræðslu-
dagurinn er gott upphaf á
vetrarstarfinu. Skóli snýst
um að hlúa að þörfum
barnanna í samfélaginu
okkar, menntun þeirra,
þroska og líðan. Okkar
hlutverk er að hjálpa þeim
áfram veginn og því er afar
mikilvægt að íbúar allir, ekki
síst þeir sem starfa í
skólunum og skólaþjónust-
unni snúi bökum saman og
rækti jákvæðan skólabrag
þar sem nemandinn og
velferð hans er í fyrirrúmi,“
segir Herdís Á. Sæmundar-
dóttir, sviðsstjóri fjölskyldu-
sviðs Sveitarfélagsins Skaga-
fjarðar. /FE
Kári Stefánsson flutti erindi um menntun og uppeldi. MYNDIR FE Um 200 starfsmenn skóla voru samankomnir í Miðgarði.
4 31/2018