Feykir - 10.10.2018, Blaðsíða 9
Frumsýning á leikritinu Ævintýrabókin hjá Leikfélagi Sauðárkróks
Þegar ævintýra-
persónurnar sýna attitúd
Frumsýning er alltaf sérstök
hátíð í hjörtum leikhúsfólks.
Hvort heldur sem þú ert
leikari í sýningunni eða
leikhúsgestur á frumsýningu,
þá er alltaf viss spenningur
sem fyllir hjartað og
tilhlökkunin gífurleg, og þá
sérstaklega þegar um er að
ræða barnaleikrit. Þannig
leið mér þegar ég settist í
sætið mitt á frumsýningu
Ævintýrabókarinnar.
Leikritið byrjar á því að Dóra,
leikin af Birgittu Pétursdóttur,
les fyrir okkur ævintýrið um
Rauðhettu og úlfinn, en
eitthvað eru sögupersónur
ævintýrsins ósáttar við eigin
örlög og að upplifa þau aftur
og aftur, og segja upp starfi
sínu. Það kemur í hlutverk
Dóru litlu að reyna að koma
skikki á ævintýrin aftur og er
söguþráðurinn vægast sagt
hin frábærasta skemmtun!
Nokkrir af góðkunningjum
Leikfélags Sauðárkróks svífa
um sviðið og gefa leikritinu
kunnuglegan sjarma, aðrir eru
að koma fram í annað eða
þriðja sinn en tók ég eftir því
að nokkrir eru að stíga á stokk
í fyrsta skipti og stóðu þau sig
öll með glæsibrag. Það er alltaf
gaman að sjá ný andlit á
sviðinu og ég sé ekki betur en
að framtíð Leikfélags Sauðár-
króks sé björt með þessa
krakka á fjölunum.
Þó að allir hafi staðið sig
með sóma þá eru þó alltaf
einhverjir sem fanga hug
manns. Haukur Skúlason sem
úlfurinn í Rauðhettu er nátt-
úrulega bara gangandi meist-
arastykki og stígur ekki
feilspor hér frekar en fyrri
daginn. Ingi Sigþór Gunnars-
son var í hlutverki stígvélaða
kattarins og var einstaklega
sannfærandi, skemmtilegur
og lifandi á sviðinu. Róbert
Smári Gunnarsson var í
hlutverki gleymna vinnu-
mannsins og lék hann svo
skemmtilega að manni var
eiginlega orðið sama um það
úr hvaða ævintýri hann var,
svo lengi sem hann væri áfram
á sviðinu. Prins öskubusku var
leikinn af Ásbirni Waage.
Þetta er lítið hlutverk og er
Ásbjörn ekki lengi á sviðinu
sem er algjör synd því þarna er
á ferðinni mjög flottur leikari.
Hann átti alla athygli um leið
og hann steig á sviðið með
fagmannlegri og flottri
sviðsframkomu sinni, og hélt
hann athygli minni þangað til
hann gekk út. Óskar Marteinn
Helgason og Inga Dóra Ingi-
marsdóttir léku skógarhöggs-
manninn og konu hans, og eru
þau án efa kómískasta par sýn-
ingarinnar. Óskar Marteinn
var frábær og stórfyndinn sem
hinn taugaveiklaði og undir-
gefni eiginmaður og átti Inga
Dóra stjörnuleik sem hin
stjórnsama húsmóðir. Dverg-
ana sjö finnst mér ég verða að
nefna, en þeir voru algjörlega
frábærir allir sem einn en var
þó þar fremstur í flokki Hlífar
Óli Dagsson. Hlífar lék
dverginn Kát og stóð hann
algjörlega undir nafni og kætti
okkur úti í sal í leiðinni.
Það sem mér fannst mjög
sjarmerandi við þessa sýningu
er það að í sviðsmyndinni eru
engir leikmunir að undan-
skildu rúminu sem er vinstra
megin á sviðinu allan tímann.
Þetta finnst mér brilliant
ákvörðun hjá leikstjóranum,
Ingrid Jónsdóttur, enda eru
svona minimalískar sviðs-
myndir alltaf í miklu uppá-
haldi hjá mér. Mér fannst það
skína í gegn alla sýninguna að
Ingrid er mikill húmoristi, og
er leikritið svo uppfullt af
fyndnum smáatriðum að
maður þyrfti eiginlega að sjá
leikritið tvisvar til að ná þeim
öllum. Það getur verið vanda-
samt að leikstýra svona stórum
leikarahóp en Ingrid valdi
augljóslega í hlutverkin af
kostgæfni með styrkleika
hvers leikara í huga. Ég vona
svo sannarlega að þetta sé ekki
hennar seinasta uppfærsla
með Leikfélagi Sauðárkróks.
Leikritið Ævintýrabókin er
stórkostleg skemmtun! Ævin-
týrin í verkinu eru sögur sem
allir kunna, stórir og smáir, og
þó svo að þetta sé flokkað sem
barnaleikrit þá er þetta verk
fyrir alla. Ég tók dóttur mína
og systurdóttur með mér og ég
er ekki viss hver af okkur
skemmti sér best, ég verð
allavega með strengi í magan-
um eitthvað fram í miðja viku
af hlátri. Í verkinu er eitthvað
fyrir alla og því er það full-
komin skemmtun fyrir alla
fjölskylduna á þessum fallegu
haustdögum.
Ég mæli svo innilega með
því að allir kíki á þessa sýningu
a.m.k. einu sinni, ég allavega
mun reyna að kíkja aftur á
sýningu áður en þeim lýkur.
KÍKT Í LEIKHÚS
Hrafnhildur Viðarsdóttir
Stelpurnar í meistaraflokki
Tindastóls voru í miklum ham
í 2.deildinni í fótbolta sumar,
unnu ellefu leiki, gerðu eitt
jafntefli og töpuðu tveimur.
Endaði liðið með 34 stig,
jafnmörg og Augnablik sem
stóð uppi sem sigurvegari
deildarinnar með betra
markahlutfall. Vigdís Edda
Friðriksdóttir stimplaði sig
rækilega inn í liðið með góðum
leik og mikilli hörku, skoraði
tíu mörk í 14 leikjum og krækti
í fjögur gul spjöld.
Árangur hennar vakti athygli víðar
en á Króknum því hún var valin
í lið ársins hjá Fótbolta.net þar
sem þjálfarar og fyrirliðar liðanna
í deildinni völdu á listann. Vigdís
Edda býr á Sauðárkróki er af
árgangi 1999 og er íþróttagarpur
Feykis að þessu sinni.
Hvar ólst þú upp? - Ég er alin
upp á Sauðárkróki, en þegar ég
var sex ára flutti ég til Noregs og
bjó þar í tvö ár. Þar byrjaði ég
að æfa fótbolta með Koll í Osló,
sama liði og Katrín Jónsdóttir
fyrrum landsliðsfyrirliði æfði með.
Hverra manna ertu? -Foreldrar
mínir eru Ingibjörg Huld
Þórðardóttir, talmeinafræðingur,
og Friðrik Þór Ólafsson, smiður.
Íþróttagrein: -Fótbolti
Íþróttafélag/félög: -Tindastóll,
Sauðárkróki og Koll, Osló.
Helstu íþróttaafrek: -Að koma
liðinu aftur upp um deild, það
gerðist í sumar og munum við
spila í Inkasso deildinni á næsta
ári. Fékk einnig þann heiður
að vera valin í lið ársins í 2.
deild af þjálfurum og fyrirliðum
deildarinnar.
Skemmtilegasta augnablikið:
-Það mun vera þegar við lentum
2-5 undir á móti Gróttu fyrr í
sumar og kláruðum leikinn með
sigri 6-5 og komum okkur í
virkilega góða stöðu í deildinni.
Neyðarlegasta atvikið: -Held að
það hafi verið á Reycup 2014
þar sem ég tók miðju, sendi
boltann fram og missteig mig á
fyrstu mínútu leiksins. Kom svo
í ljós að ég var með rifið liðband
í ökklanum og var meidd í
einhverja mánuði.
Einhver sérviska eða hjátrú?
-Nei, engin þannig en spila alltaf
með vettlinga.
Uppáhalds íþróttamaður? -Auð-
vitað Frank Lampard.
Ef þú mættir velja þér and-
stæðing, hver myndi það vera
og í hvaða grein mynduð þið
spreyta ykkur? -Veit það ekki …
keppa við Önnu Margréti í glímu,
myndi pottþétt vinna...
Hvernig myndir þú lýsa þeirri
rimmu? -Ég er með mikið
keppnisskap, sniðglíma á lofti
yrði mitt leynivopn og það myndi
gera útaf við Önnu. Þótt hún vinni
reyndar flest alla slagi.
Helsta afrek fyrir utan íþrótt-
irnar? -Kláraði framhaldskólann
í vor.
Lífsmottó: -Að hafa trú á sjálfum
sér.
Helsta fyrirmynd í lífinu: -Ég
lít mikið upp til ömmu minnar
Eddu Lúðvíksdóttur sem var sjálf
mikil íþróttakona. Hún hefur alltaf
haft mikla trú á mér og þeim
verkefnum sem ég tek mér fyrir
hendur. Hef eytt miklum tíma
með henni í gegnum tíðina og
lært mikið af henni.
Hvað er verið að gera þessa
dagana? -Það er komið stutt frí í
boltanum, þannig að það er bara
verið að taka því rólega. Ég klára-
ði framhaldskólann í vor, svo nú
er ég að vinna.
Hvað er framundan? -Halda
áfram að æfa vel og verða betri
leikmaður, en sumarið er alveg
óljóst og framtíðin öll.
Vigdís Edda Friðriksdóttir
Valin í lið ársins í 2. deild
( ÍÞRÓTTAGARPURINN ) palli@feykir.is
Vigdís Edda á fullri ferð gegn leikmanni Völsungs í sumar. MYND: ÓAB
38/2018 9