Bæjarbót - 18.12.1987, Side 21

Bæjarbót, óháð fréttablað 21
Liverpool F.C. er í raun og veru mjög stórt fyrirtæki. Her sjást nokkrir þeirra muna sem fást í minja-
gripaversluninni á Anfield Road.
mætt. Svo sem stjórnir félag-
anna, Joe Fagan fyrrverandi
framkvæmdastjóri Liverpool og
margir fleiri sem of langt yrði
upp að telja. Þó vil ég geta Alex
Fergussons framkvæmdastjóra
Man. Utd. en hann kom þarna í
blaðamannastúkuna og virtist
nokkuð glaðbeittur og lék á alls
oddi.
í blaðamannastúkunni
Ég var meðal fyrstu manna í
stúkuna og tyllti mér niður við
hliðina á blaðamanni þeim sem
mér leist best á af þeim sem
komnir voru. Við tókum tal
saman og kom þá í ljós að hann
var íþróttafréttamaður frá BBC
sjónvarpsstöðinni og lýsti hann
leiknum beint í sjónvarpinu. Þar
með fékk ég leikinn „beint í
æð“ ef svo má segja. Ekki hafði
ég lengi setið er annar og öllu
frægari maður kom og settist
hjá mér. Var þar kominn Ian St.
John fyrrum leikmaður Liver-
pool og Englands og nú blaða-
maður Shoot. Þegar hann vissi
að ég var frá íslandi hafði hann
margs að spyrja. Hann kom
nefnilega hingað með Liverpool
árið 1964 er Liverpool og K.R.
léku sína fyrstu Evrópuleiki.
Vildi hann vita allt um K.R. og
íslenska knattspyrnu yfirleitt.
Hann var mjög ánægður þegar
ég sagði honum að Ian Ross,
fyrrum þjálfari Vals, tæki nú
við K.R., en þeir léku samtímis
með Liverpool. Sagði hann að
þar færi góður maður og þá
ættu K.R.-ingarnir að geta farið
að spjara sig betur en undanfar-
ið! Var þetta sem happdrættis-
vinningur fyrir mig að hitta
þessa menn svo gaman hafði ég
af spjallinu við þá. Fleiri fræga
garpa hitti ég þennan dag og má
þar nefna Gary Gillespie og
John Aldridge leikmenn Liver-
pool.
Góðir vinir
og svarnir fjendur
Ekki ætla ég að fara að lýsa
leiknum því bæði hafa þeir sem
áhuga hafa lesið um hann í blöð-
unum og séð hann í sjónvarp-
inu, heldur ætla ég aðeins að
reyna að lýsa stemmningunni
sem var á Anfield þennan frá-
bæra sunnudag. Þarna voru
mættir 44.760 áhorfendur eða
eins og hægt var að troða þarna
inn. Langflestir voru að sjálf-
sögðu á bandi Liverpool en
Everton hafði fengið 15.000
miða fyrir sína aðdáendur.
Hávaðinn og lætin í fólkinu var
með eindæmum. Tryggustu
stuðningsmenn liðanna eiga sér
stæði fyrir aftan sitt hvort
markið. Þaðan steyttu menn
hnefa hvorir á móti öðrum og
létu alls konar óprenthæfa orða-
leppa fylgja með. í fyrstu voru
þeir Everton menn öllu boru-
brattari því Everton hafði lánast
að vinna síðasta innbyrðis leik
félaganna, sem reyndar var í
vikunni áður. En það átti allt
eftir að breytast og að lokum
voru það Liverpool áhangendur
sem yfirgnæfðu ,,andskota“
sína sem létu lítið fyrir sér fara
þegar staðan var orðin 2-0
Liverpool í vil. Þannig lauk
reyndar leiknum. Eftir leik datt
mér ekki annað í hug en hverfið
logaði í götuóeirðum slík var
heiftin í mönnum. En það fór á
aðra leið því um leið og leiknum
lauk voru allt í einu allir orðnir
bestu vinir og gengu á braut arm
í arm heim á leið eða á næstu krá
og ræddu gang leiksins. Þannig
eru stuðningsmenn Liverpool og
Everton, svarnir fjendur meðan
á leik stendur en vinir fótboltans
og borgarinnar sinnar eftir leik.
Það er sem ævintýri líkast að
koma á Anfield og allt öðru vísi
en að koma á aðra enska knatt-
spyrnuvelli. Það ættu menn að
sannreyna sjálfir.
Gary Gillespie gefur eiginhandaráritanir.
I
heimsókn
á
Bítlaslóðum
Daginn eftir dvöldum við
áfram í Liverpool og skoðuðum
sögustaði Bítlanna. Þá er farið
með ,,mini-bus“ og æskuheimili
þeirra skoðuð, skólar og aðrir
staðir sem fjórmenningarnir
voru tengdir. Var það hin
skemmtilegasta ferð og svaraði
fararstjórinn skemmtilega
öllum spurningum sem baunað
var á hann og voru mjög svo
mismerkilegar. Það sem kom
mest á óvart í þessari ferð var að
sjá við hverskonar fátækt
Ringo, Paul og George bjuggu.
þegar maður hafði séð það
finnst manni ekki skrýtið þó
unglingar sem búa við slíka
fátækt breytist örlítið þegar þeir
verða síðan milljónerar í pund-
um talið á einni nóttu.
Ég gæti sjálfsagt haldið áfram
til vors, að skrifa um þessa ferð
en það ætla ég ekki að gera. Ég
vil leyfa mér að hvetja alla
knattspyrnu- og Bítlaaðdáendur
Styttan heimsfræga, „Elenor
Rigby“.
til að heimsækja Liverpool. Ég
get næstum lofað að slík ferð er
ógleymanleg.
Að lokum vil ég þakka Flakk-
aranum og Bæjarbót fyrir
skipulagningu á þessari ferð, en
það var á blaðamannapassa frá
Bótinni sem ég komst inn á leik-
inn.
Guðni Ölversson.
GOTT A GOLFIÐ!
Eiginkona höfundar, Inga Erlingsdóttir fyrir framan æskuheimili
John Lennon.
DUKAR
fra kr. 650,- ferm.
Ný mynstur og litir,
og parketlíki frá
TARKETT.
Armstrong-dúkurinn
— sem þarf ekki að líma.
Er til í 2ja, 3ja og 4ra metra breiddum.
EEÍSAR
nýkomnar
í miklu úrvah.
ATH: Utvegum vana teppa-
og dúklagningamenn fljótt og vel
Kaupfélagið Grindavík
Víkurbraut 44 - Sími 68462
TEPPl 2
frá kr. 590,- term.
Troðfutt teppadettd af
teppum á verði við
Berber teppin vinsaelu.
pýsku Globus
ullarteppiu.
Stigateppi-
Reuuiugar og
Járn & Skip
v/Víkurbraut
dreglar.
Sími 11505