Bændablaðið - 15.12.2016, Blaðsíða 4

4 Bændablaðið | Fimmtudagur 15. desember 2016
Fréttir
Bændafundir í byrjun árs
Bændasamtök Íslands halda
bændafundi víða um land dag-
ana 9.–11. janúar. Fundarefnið
er tvíþætt:
Annars vegar á að ræða
breytingar sem verða um áramótin
vegna niður fellingar búnaðargjalds
og upptöku félagsgjalda.
Hins vegar verður rætt um nýjar
reglugerðir sem tengjast nýgerðum
búvöru samningum.
Bændur eru hvattir til að mæta á
fundina og ræða sín hagsmunamál
við forystufólk samtakanna.
Nánari upplýsingar um staði
og tímasetningar er að finna í
auglýsingu á bls. 65 og á nýjum vef
Bændasamtakanna, bondi.is. /BÍ
Fólk er fastheldið á jólahefðir
sínar eins og sjá mátti síðasta
sunnudag á jólamarkaðnum á
Elliðavatni. Þrátt fyrir að vot-
viðrasamt væri og vindar hafi
blásið framan af degi, lét fólk
það ekkert á sig fá og sótti þangað
jólaandann eins og áður.
Markaðurinn var opnaður laugar-
daginn 26. nóvember og verður
opinn um næstu helgi báða daga
frá 11 til 16.30.
Nostalgía og rómantík
Tinna Ottesen er jólamarkaðsstýra
fyrir Skógræktarfélag Reykjavíkur.
„Jólin og aðventan er tími nostalgíu,
rómantíkur og samveru með þínu
fólki. Eins og undanfarin ár reynum
við að skapa aðstæður svo að fólk
njóti alls þessa hér í Heiðmörk á jóla-
markaðnum – og í jólaskóginum á
Hólmsheiði. Við reynum að breyta
ekki of miklu á milli ára, svo að fólk
geti komist í sömu jólastemninguna
ár eftir ár.
Við leggjum mikið upp úr því
að eiga samtal við gesti okkar, um
skóginn, jólatré, grenitré og starfsemi
skógræktarfélagsins, þegar við finn-
um að áhugi er til staðar.
Jólamarkaðurinn á Elliðavatni,
inni í og við Elliðavatnsbæinn, er
allt í senn handverks-, hönnunar- og
matarmarkaður, auk þess sem höggv-
in jólatré eru þar til sölu. Þar er hægt
að fá fullkomin jólatré, einstök jólatré
og svokölluð tröpputré. Við erum
líka með kaffistofu þar sem er hægt
að setjast niður og fá sér heitt kakó og
með því, hlusta á upplestra eða tón-
listaratriði. Við höfum líka nýtt okkur
rjóður sem er rétt við bæinn, til að
halda barnastundir. Þá kveikjum við
upp í varðeldi og fáum ýmist barna-
bókahöfunda eða leikskólakennara til
að sjá um svolitla dagskrá, þar sem
börn og fullorðnir geta notið þess að
vera saman í skóginum,“ segir Tinna.
Dagskrá næstu helgar má nálgast
á vefnum heidmork.is/jolaskogur, en
Jólamarkaðurinn Elliðavatni er líka
með Facebook-síðu.
Jólaskógur á Hólmsheiði
„Í Jólaskóginn á Hólmsheiði kemur
fólk og heggur sitt eigið jólatré, getur
keypt heitt kakó og smákökur, ornað
sér við varðeld og hitt á jólasveininn.
Við erum helst með stafafuru, blá-
greni, rauðgreni og sitkagreni til sölu
hjá okkur – og einstaka fjallaþin,“
segir Tinna.
Með því að kaupa íslensk jólatré
í stað innfluttra er stutt við vistvæna
íslenska skógrækt og kolefnissporið
minnkað. Íslensk jólatré eru ræktuð
án eiturefna og í staðinn fyrir hvert
tré sem höggvið er og selt í jólaskóg-
inum, gróðursetur Skógræktarfélag
Reykjavíkur að minnsta kosti önnur
þrjátíu. /smh
Aðventan á Elliðavatni:
Fólk sækir ár eftir ár
í jólastemninguna
Fallegt tveggja metra hátt rauðgreni.
-
Mynd / Auðunn Níelsson
Ársfundur og bændahátíð
haldin á Akureyri
Bændasamtökin standa fyrir
bændahátíð föstudaginn 3. mars
næstkomandi í Hofi á Akureyri.
Fyrr um daginn verður ársfundur
Bændasamtakanna en hann
saman stendur af hefðbundnum
aðalfundarstörfum og ráðstefnu
þar sem landbúnaðurinn verður í
brennidepli.
Búnaðarþing er nú haldið á
tveggja ára fresti en hefðbundinn
aðalfundur Bændasamtakanna þess á
milli. Efni ársfundarins verður kynnt
þegar nær dregur og sömuleiðis
bændahátíðardagskráin. Þetta er í
fyrsta sinn sem slíkur viðburður er
haldinn en Bændasamtökin vonast til
þess að bændur taki því fagnandi að
blanda saman fræðslu og skemmtun
með þessum hætti.
Menningarhúsið Hof er
glæsilegur vettvangur til þess
að koma saman og fjölbreytt
afþreying er í boði í Eyjafirði.
Tilvalið tækifæri að taka sér hlé frá
bústörfum og gleðjast með öðrum
bændum.
Pantið gistingu í tíma
Nægt hótel- og gistirými er á
Akureyri en bændur eru hvattir til
þess að panta herbergi í tíma. Meðal
þeirra aðila sem bjóða bændum góð
kjör eru Icelandair Hotels, Hótel
Natur, Sæluhúsin á Akureyri og
Hótel Norðurland. Fjöldi annarra
gististaða er í boði en upplýsingar
um þá má finna á vefnum www.
visitakureyri.is. /TB
Verðskrá Bændablaðsins tekur
lítilsháttar breytingum um ára-
mót. Áskriftargjald hækkar úr
9.900 krónum í 10.200 krónur á
ári.
Verð á dálksentímetra í auglýs-
ingum hækkar um 3,4%, fer úr
1.450 krónum í 1.500 krónur án
virðisaukaskatts. Ástæður verð-
hækkunar á gjaldskrá eru almennar
verðlags breytingar, launaþróun og
aukinn dreifingarkostnaður. /TB
Bændablaðið:
Verðbreytingar um áramót
Áskrift 10.200 kr.
Áskrift, eldri borgara 5.100 kr.
Smá með mynd 5.400 kr.
Smáauglýsingar 2.200 kr.
Smáaugl. á netinu 990 kr.
Dálksentimetri (án vsk.) 1.500 kr.
Dálksentimetri, síða 3 og baksíða (án vsk.) 1.700 kr.
Dálksentimetri á fréttasíðum (án vsk.) 2.400 kr.
Dálks. svarthvítt (án vsk.) 1.200 kr.
Uppsetning auglýsinga, tímagjald (án vsk.) 8.200 kr.
Bændablaðið
Smáauglýsingar 56-30-300
Næsta blað kemur út 12. janúar