Bændablaðið - 15.12.2016, Qupperneq 46

46 Bændablaðið | Fimmtudagur 15. desember 2016
Steinunn Anna Halldórsdóttir
býr ásamt sambýlismanni sínum,
Ágústi Marinó Ágústssyni, að
Sauðanesi í Langanesbyggð. Auk
þess að vera bóndi er Steinunn
einnig ráðunautur í Norðurþingi
á vegum Ráðgjafarmiðstöðvar
landbúnaðarins.
Svæðið sem Steinunn sinnir er
Langanesbyggð, Svalbarðshreppur
og yfir í Öxarfjörð, Kelduhverfi og
Vopnafjörð.
Búfræðikandídat frá Hvanneyri
„Ég er búfræðikandídat frá Hvann-
eyri og hef verið ráðunautur frá
2007, í fyrstu í Skagafirði en þetta
er þriðja árið sem ég er á þessu
svæði. Mitt sérsvið hjá RML
er hrossarækt en þegar ég var
á Hvanneyri tók ég ráðunauta-
réttindi í sauðfjár-, nautgripa- og
hrossarækt.
Ég kom frá blönduðu búi,
Brimnesi í Skagafirði, og vildi
því kynna mér þetta allt saman.
Árin sem ég var ráðunautur í
Skagafirði sinnti ég sauðfjár- og
hrossarækt til að byrja með en sér-
hæfði mig síðan í hestunum enda
Skagafjörður mikið hestahérað.
Eftir að ég flutti hingað víkk-
aði svo sviðið aftur og auk þess
að vinna mikið í kringum hross
sé ég einnig um lambaskoðanir á
svæðinu og aðstoða bændur við
skýrsluhald sé þess óskað. Í vor og
haust bætist jarðræktin að hluta við
með töku jarðvegs- og heysýna.“
Grænlendingar í verknámi
Steinunn segir að með búskapnum
og starfinu sem ráðunautur sé því
oft mikið að gera.
„Hingað koma stundum Græn-
lendingar, sem eru í námi á
Hvanneyri, í verknám í ár í senn og
það léttir talsvert undir hjá okkur.
Grænlendingarnir sem hingað hafa
komið eru ótrúlega duglegir og frá-
bær starfskraftur.
Við höfum reyndar verið hér tvö
frá því í júní og stundum fullmikið
fyrir mig að vera bóndi, húsmóð-
ir og ráðunautur í 85% starfi.
Draumurinn er að minnka smám
saman vinnu utan heimilisins og
sinna eingöngu bústörfum.“
/VH
Reynir Atli Jónsson, oddviti í
Langanesbyggð, er hestamaður
af lífi og sál. Hann tekur að sér
að temja hesta og kennir börnum
reiðmennsku bæði hérlendis og í
Þýskalandi.
„Ég bý á Þórshöfn en er með
aðstöðu fyrir hesta á Gunnars-
stöðum,“ segir Reynir. „Sem
oddviti sé ég um fundarstjórn á
sveitarstjórnarfundum og tek þátt
í ákvörðunartökum sem tengjast
sveitarfélaginu.“
Með aðstöðu fyrir hesta á
Gunnarsstöðum
„Hvað hestamennsku varðar reyni ég
að vera með eins fjölbreytta aðstöðu
og ég get hér að Gunnarsstöðum og
vera með alla anga úti til að afla
verk efna. Á haustin tek ég iðulega
að mér hesta í frumtamningu.“
Reynir segist hafa unnið við hesta
síðan um aldamótin 2000. „Ég hef
reyndar umgengist hesta frá því ég
var barn og með hestadellu frá því
að ég fæddist. Árið 2000 fór ég til
Danmerkur til að vinna með hesta
og ári seinna á Hóla og kláraði síðan
reiðkennaranámið þar 2006.“
Að sögn Reynis á hann ekki mikið
af hestum sjálfur enda er hann mikið
á þvælingi og er hann því aðallega
að temja fyrir aðra. „Ég er með átta
hross í tamningu eins og er, sem
flest koma af Austfjörðum. Ég er
svo heppinn að hafa kynnst mörgum
góðum hestum í gegnum tíðina en
farsælasti hesturinn sem ég hef tamið
frá grunni er Hektor frá Þórshöfn
sem komst í úrslit á fjórðungsmóti
hestamanna. Hektor er frábær hestur
og með nánast óraunverulegar víddir
í gangtegundum.“
Reiðkennsla skemmtileg
Reynir segir að þrátt fyrir að oft séu
miklir peningar í hestamennsku sé
hann ekki að þessu þeirra vegna. „Í
mínum huga er hestamennska lífsstíll
og líf sem ég kann vel við. Ég kenni
líka talsvert á reiðnámskeiðum bæði
hér heima og erlendis.“
Síðastliðið sumar var Reynir í
Þýskalandi að kenna reiðmennsku
auk þess sem hann kennir börnum
að sitja hesta á Æskulýðsdögum í
Norðfirði. „Námskeiðin standa í
þrjá daga og allt að fjörutíu krakkar
sem mæta. Sjálfum finnst mér mjög
gaman að kenna á þessum námskeið-
um og reyndar yfirleitt að kenna
börnum og fullorðnum að umgangast
hesta.“ /VH
Oddviti Langanesbyggðar og hestamaður:
Reiðkennsla hentar mér vel
Reynir Atli Jónsson, oddviti og hestamaður. Mynd / VH
Bóndi og ráðunautur:
Ráðunautur á flestum sviðum
Steinunn Anna Halldórsdóttir, bóndi og ráðunautur. Mynd / VH