Bændablaðið - 15.12.2016, Blaðsíða 80

Bændablaðið | Fimmtudagur 15. desember 201680
JÓLAÞRAUTIR FYRIR UNGA FÓLKIÐ
Að þessu sinni eru lagðar þrjár
þrautir fyrir unga fólkið.
Lesendum er heimilt að túlka
hugtakið „ungt fólk“ eftir eigin
tilfinningu þar sem það getur
verið afstætt hvernig á það er litið.
Öllum er því heimilt að spreyta sig
á þessum gátum óháð því hvað
kennitalan segir. Skemmtilegt væri
að gera úr þessu keppni milli yngri
og eldri og sjá hverjum gangi betur
að leysa þrautirnar.
Við á Bændablaðinu lítum svo
á að enginn sé eldri en hann hefur
sjálfur tilfinningu fyrir þó skrokk-
ur og fallþungi virðist stundum
benda til einhvers annars. Hjá
sumum heitir það víst að vera
ungur í anda og þar sem jólin eru
á næsta leiti þá höldum við okkur
bara við það.
Lausnir á þessum gátum má
finna á smáauglýsingasíðum hér
fyrir aftan.
Reykhúshjónin höggva jólatré:
Engin vandræði að komast
um skóginn í snjóleysinu
„Við förum að huga að því
næstu daga að höggva jólatrén,“
segir Anna Guðmundsdóttir,
skógarbóndi í Reykhúsum í
Eyjafjarðarsveit, en hún og maður
hennar, Páll Ingvarsson, hafa
stundað skógrækt um árabil og
er nú svo komið að þau hafa færi
á að selja nokkra tugi jólatrjáa
fyrir komandi jól.
Anna og Páll buðu sveitungum
sínum fyrr í haust að líta við í skógi
sínum og velja sér tré og var það
merkt kaupanda. Veðrið hefur ekki
verið að angra landsmenn og er skóg-
urinn marauður og færð nánast eins
og á góðum haustdegi. „Það hefur
viðrað vel og verða engin vandræði
að komast um skóginn, en við förum
að hefjast handa við að höggva trén
nú næstu daga,“ segir Anna.
Anna og Páll eru þeirrar skoðunar
að Íslendingar ættu að geta framleitt
öll þau jólatré sem landsmenn
nota hér á landi, í stað þess að
flytja bróðurpartinn inn einkum
frá Danmörku. Þau bjóða upp á
rauðgreni og er Anna sannfærð um
að hægt sé að auka vinsældir þess á
komandi árum og hefja á sinn fyrri
stall sem ákjósanlegt jólatré. Mestu
skiptir í þeim efnum að höggva trén
skömmu fyrir notkun og meðhöndla
þau rétt. Sé það gert heldur það barri
sínu með ágætum.
Auðvelt að rækta rauðgreni
fyrir norðan
„Rauðgrenið hefur mjög átt undir
högg að sækja hin síðari ár, en ég
hef fulla trú á að breyting verði þar
á, með réttum aðferðum ætti það að
ná sínum fyrri vinsældum,“ segir
Anna og bendir á að auðvelt sé að
rækta rauðgreni á Norðurlandi, þar
séu kjörin svæði til slíkrar ræktunar
og bændur sem áhuga hefðu á að
sinna slíkri ræktun meðfram öðrum
búskap ættu til framtíðar litið að geta
fengið góða uppskeru. /MÞÞ
Ronja Sif Björk, barnabarn Önnu og Páls, brá sér í leiðangur um skóg ömmu sinnar og afa og var í sannkölluðu
Myndir / MÞÞ