Bændablaðið - 15.12.2016, Blaðsíða 82

Bændablaðið | Fimmtudagur 15. desember 201682
MENNING&LISTIR
Mótun framtíðar
Ný bók Trausta Valssonar,
SHAPING THE FUTURE,
er nú hægt að lesa ókeypis á
netinu.
Bókin SHAPING THE
FUTURE er þýðing Trausta á
ævisögu sinni Mótun framtíðar
sem hann gaf út haustið 2015.
Þessar tvær bækur hafa núna
verið birtar á heimasíðunni
https://hi.is/~tv/ auk tveggja
annarra bóka Trausta: Planning
in Iceland (2003) og How
the World will Change - with
Global Warming (2006). Alls
hefur Trausti gefið út fjórtán
bækur um skipulag, hönnun
og framtíðarmál. Facebook-síða
bókarinnar Shaping the Future
heitir eins og hún, Shaping the
Future: https://www.facebook.
com/ShapingtheFuturebook/?fref=ts
Facebook-síða bókarinnar Mótun
framtíðar heitir er: https://www.face-
book.com/MotunFramtidar/?fref=ts
Útdráttur úr umsögnum
um bókina:
Joe McBride PhD, prófessor við
LAEP deild í Kaliforníuháskóla í
Berkeley:
… „Bókin Mótun framtíðar ætti
að vera skyldulesning í fyrstu nám-
skeiðum í arkitektúr, landslagsarki-
tektúr og í skipulagi. Þetta ætti að
vera vegna þess að bókin veitir
innsýn í skipulagsmál á 20. öld, og
einnig vegna þess að bókin mun geta
örvað stúdenta til að verða hugrakkir
og skapandi hugsuðir.“
Galen Cranz PhD, prófessor í
arkitektúr í Kaliforníuháskóla í
Berkeley:
„Ég sé að…þú hefur þjónað landi
þínu af köllun og af heilum hug.“
Guðmundur Freyr Úlfarsson
PhD, prófessor í samgönguverk-
fræði við umhverfis- og byggingar-
verkfræðideild HÍ:
… „Bókin er því ekki aðeins
fróðleikur um söguna heldur einnig
leiðarvísir fram á við, sem sýnir
okkur mikilvægi þess að hugsa langt
fram í tímann…“
Birgir Jónsson, dósent í jarð-
verkfræði við UB-deild Háskóla
Íslands:
„…þar valtar hann hressilega
yfir módernista í arkitektúr (kassa-
stefnumenn), en hampar klassískri
og þjóðlegri byggingarlist…“
Hrafn Gunnlaugsson kvik-
myndahöfundur:
… „Í mínum huga er Trausti
frumlegasti hugsuður sem Ísland
hefur átt þegar kemur að skipulags-
málum; stórra hugmynda, sem eins
og sjái fram í tímann, ekki bara fyrir
næsta horn, heldur það þar-næsta
líka.“
Harpa Þórsdóttir, forstöðu-
maður Hönnunarsafns Íslands:
„… Trausti skapar kerfi og fer-
ilshugsun við hina fjölhliða hönnun
sína... Þar kemur hann böndum á
frjóa skapandi hugsun og byggir
ofan á með rökrænni aðferð, sem er
undirstaða framúrskarandi hönnun-
ar.“
„… Frásagnir Trausta og myndir
á DVD-diski sem fylgir bókinni, eru
mjög upplýsandi.“
Sigurður Örlygsson listmálari:
„… Þarna kemur næmni Trausta á
persónuleika, og gríðarlegt mynd-
listartalent, í ljós.“
Pétur H. Ármannsson, arki-
tekt:
„… Í þessari bók horfir helsti
framtíðarhugsuður þjóðarinnar,
Trausti Valsson, í gagnstæða átt.“
„… skyldulesning fyrir námsmenn
og alla sem áhuga hafa á hugmynda-
sögu skipulags og mótun manngerðs
umhverfis.“
Goddur – Guðmundur Oddur
Magnússon, prófessor við
Listaháskóla Íslands:
„… Bókin er verðmæt vegna
þess að hún er einlæg, afhjúpandi og
opinská...“ „Hún er boðberi, grund-
völluð á upplýsingum, þekkingu og
visku!“
Norður yfir Vatnajökul
Norður yfir Vatnajökul eða Um
ókunna stigu á Íslandi er með
bestu ferðabókum sem hafa verið
skrifaðar um landið.
Höfundurinn, Englend ingurinn
William Lord
Watts, kom
fyrst til Íslands
árið 1871. Hann
var að eðlisfari
ævintýragjarn
landkönnuður
og metnaðarfull-
ur vísindamaður.
Markmið hans
var að komast
fyrstur manna yfir
Vatnajökul. Það
tókst honum ásamt
fimm Íslendingum
árið 1875 og er sú
saga sögð í bókinni.
Félagarnir hrepptu
illviðri og voru tólf
daga yfir jökulinn,
gengu síðan yfir
auðnirnar að Grímsstöðum. Watts
var sjónarvottur að eldum í Öskju
og á Mývatnsöræfum. Hann sýndi
framförum landsins mikinn áhuga.
Um náttúru Íslands segir hann á
einum stað: “Hið undarlega sam-
bland af frosti og funa á Íslandi gerir
landslagi hrikalega fagurt, svo að
ég efast um, að það eigi
nokkurs staðar sinn
líka í víðri veröld.”
Jón Eyþórsson,
fyrsti formaður
Jöklarannsóknafélags
Íslands, sneri bókinni
á íslensku og kom
hún út árið 1962. Í
formála segir Jón
að höfundurinn
hafi látist tveimur
árum eftir ferðina,
þá 26 ára að aldri.
Athugun hefur leitt
annað í ljós. Hér er
þýðing Jóns endur-
prentuð en í nýjum
formála Gerðar
Steinþórsdóttur er
fjallað um bókina,
leitina að höfundinum og Wattsfell
í Dyngjufjöllum.
Vinir Vatnajökuls styrktu útgáfuna.
Útgefandi: Eldjökull.
Trausti Valsson.
Fallegar andlitsmyndir af nýlega
fæddum lömbum í sínu náttúru-
lega umhverfi prýða lambadaga-
talið fyrir árið 2017 sem er nýlega
komið í sölu.
Ragnar Þorsteinsson, sauðfjár-
bóndi í Sýrnesi í Aðaldal, gefur
það út og þetta er í þriðja sinn sem
hann stendur fyrir útgáfu á sérstöku
lambadagatali með stórum andlits-
myndum af íslenskum unglömbum.
Dagatalið er í A4 stærð, hver
mánuður er á einni blaðsíðu og það
er gormað með upphengju, þannig
að auðvelt er að hengja það upp,
þar sem henta þykir. Á dagatalinu
eru merktir allir hefðbundnir helgi-
og frídagar en einnig eru merkingar
fyrir fánadaga, komu jólasveinanna,
gömlu mánaðaheitin og ýmsa aðra
daga er tengjast sögu lands og þjóð-
ar. Þannig er þjóðlegum fróðleik
fléttað inn í dagatalið en það, auk
fallegra mynda af nýfæddum lömb-
um, veitir því lengri líftíma umfram
það ár sem venjan er með dagatöl.
Ragnar gaf út svipuð dagatöl fyrir
árin 2015 og 2016 og voru viðtökur
góðar. Í ár var verkefnið fjármagnað
á Karolina Fund og sú leið tókst vel
og viðtökur frábærar. Sú fjármögnun
byggist á að dagatölin eru keypt þar
í forsölu. Það minnnkar þá fjárhags-
legu áhættu sem óhjákvæmlega er í
svona útgáfustarfsemi. Auk daga-
talsins og lambakorta með mynd-
um af venjulegum unglömbum, er
Ragnar einnig með fjögurra mynda
seríu á kortum af ungum íslenskum
forystulömbum. „Ég er nú mest að
selja þetta beint frá býli einsog sagt
er og þá í gegnum www.facebook.
com/lambidmitt/ og lambidmitt@
gmail.com. Einnig eru dagatöl-
in til sölu í nokkrum verslunum.
Megintilgangur þessarar útgáfu er
fyrst og fremst að breiða út fegurð
og fjölbreytni íslensku sauðkindar-
innar og auka enn á þá jákvæðni sem
hún á í þjóðfélaginu. Ég veit ekki til
þess að áður hafi verið gerðar við-
líka ljósmyndaseríur af íslenskum
unglömbum og hér er unnið með.“
Nærir sál og líkama
að mynda lömb
Ragnar er sauðfjárbóndi í Sýrnesi í
Aðaldal, en hann tekur einnig mikið
af ljósmyndum og á m.a. allmargar
myndir í metsölubókinni „Forystufé“
er nýverið kom út. „Það er tímafrekt
og krefjandi að taka myndir af lömb-
um, líkt og af öðru ungviði. Þau er
sjálfstæð og á sífelldri hreyfingu,
fylgjast vel með því sem er í gangi
í kringum sig og eru lítið fyrir að
standa kyrr og pósa á meðan mynda-
vélinni er stillt upp. Flestar mynd-
anna eru teknar þegar sauðburður er
í fullum gangi og þá er skiljanlega
ekki mikill tími til annarra verka.
En myndatakan er mjög skemmtileg
og það nærir bæði sál og líkama að
leggjast út á tún og taka myndir af
lömbum. Þau mynda ég ýmist með
mæðrum sínum eða ein og þá þarf
að vera búið að vinna sér inn traust
þeirra svo þau hlaupi ekki skelkuð í
burtu,“ segir Ragnar. /MÞÞ
Ragnar í Sýrnesi gefur út Lambadagatal 2017:
Tímafrekt og krefjandi að
taka myndir af lömbum
Ragnar Þorsteinsson, sauðfjárbóndi
í Sýrnesi í Aðaldal, gefur lamba-
dagatalið nú út í þriðja sinn.