Bændablaðið - 05.07.2018, Blaðsíða 51

Bændablaðið | Fimmtudagur 5. júlí 2018 51
ÁRA
ÁBYRGÐ
Vinnuvélar– tækjamiðlun ehf // K istumel 2 // 116 Reykjavík
Sími 480 0444 // vinnuvelar@vinnuvelar. is // www.vinnuvelar. is
Eigum til á lager
margar stærðir
af Bobcat vélum
Skeifunni 3h ll Sími: 588 5080 ll dynjandi.is
HEYRÐU
BETUR!

ALLT FYRIR ÖRYGGIÐ!
Við sérhæfum okkur í öryggisbúnaði m.a. heyrnarhlífum
og samskiptabúnaði. Hugaðu að heyrninni, hún er mikilvæg!
Hafðu samband.
Við veitum þér faglega aðstoð.

Foldarskart, Sumarsýning Heimilisiðnaðarsafnsins:
Þæfð verk með skírskotun
til íslenskrar náttúru
Sýningin Foldarskart eftir
listakonuna Louise Harris
hefur verið opnuð í Heimilis-
iðnaðarsafninu á Blönduósi.
Louise hefur undanfarin ár gert
tilraunir með íslenska ull, einkum
þel. Um er að ræða þæfð verk
eins konar teikningar úr lituðu
þeli. Verkin hafa skírskotun til
íslenskrar náttúru með öllum
sínum breytileika í litum og
tónum. Aðalsteinn Ingólfsson
listfræðingur er sýningarstjóri
og aðstoðaði listakonuna við
uppsetningu listaverkanna.
Fjölmenni var við opnun
sýningarinnar og fram kom í máli
listakonunnar Louise að hún hefði
fyrir nokkrum árum lagt leið sína
í Heimilisiðnaðarsafnið, hrifist af
sýningum þess og alið þann draum
að sýna eigin verk í safninu. Nú væri
sá draumur að rætast. Aðalsteinn,
sem opnaði sýninguna formlega,
nefndi að Heimilisiðnaðarsafnið
væri eitt fallegasta safn landsins og
þar mætti í enn meira mæli byggja
á þeim menningarauði sem safnið
geymdi.
Elín S. Sigurðardóttir, forstöðu-
maður Heimilis iðnaðarsafnsins,
sagði að 15 ár væru frá því nýja
safnhúsið var vígt og tveimur árum
síðar var byggingarkostnaður að
fullu greiddur. Aðstandendur safns-
ins hefðu því verið fullir bjartsýni á
framtíðina en ákveðið að stíga eitt
skref í einu, fara varlega og leyfa
starfseminni að þróast. Uppfyllir nú
safnið öll þau skilyrði sem sett eru
af Safnaráði til að vera viðurkennt
safn, auk þess sem safnið hefur notið
ýmissa annarra opinberra viðurkenn-
inga fyrir starfsemi sína, þannig að
það hefði svo sannarlega þróast úr
því að vera lítil stofnun á sínum
fyrstu árum.
Um fjögur þúsund gestir árlega
Elín nefndi í sinni opnunarræðu
að sem samfélagi hefði okkur
ekki borið gæfa og metnaður til
að standa saman um að byggja
meira á þeim menningarauði sem
safnið geymir. Til þess hefði bæði
skort fé til rekstrarins og víðtækari
samstöðu um framtíðarsýn fyrir
safnið. Á fjórða þúsund manns
sækja Heimilisiðnaðarsafnið heim
ár hvert, þó svo að það sé einungis
opið samfellt yfir sumarmánuðina.
Rúmlega helmingur safngesta
eru erlendir ferðamenn og í
sumum tilvikum er heimsókn í
Heimilisiðnaðarsafnið aðaltilgangur
Íslandsheimsóknar.
Kanna grundvöll að samstarfi
„Mér finnst við of oft ekki sjá
þær perlur sem á götu okkar eru
en það er mikill heiður og ábyrgð
sem okkar byggðarlagi hefur
hlotnast, að eiga dýrgrip eins og
Heimilisiðnaðarsafnið á Blönduósi,
safn sem margir vildu gjarnan
hafa í sínum ranni og hlúa að af
metnaði. Safn sem nýtur daglegrar
viðurkenningar gesta og fræðafólks
sem það heimsækja og þekkja. Þetta
er sjálfstæð stofnun sem hefur verið
rekin sem sjálfseignarstofnun í 25
ár. Sagan er hins vegar mun lengri
en eins og margir muna lögðu
kvenfélagskonur grunninn að
safninu og fyrsta sýning þess opnuð
árið 1976.“
Þess má geta að forsvarsmenn
Heimilisiðnaðarsafnsins, Byggðar-
safnsins á Reykjum og Glaumbæ,
sem öll eru viðurkennd söfn, hafa
átt viðræður til að kanna grundvöll
að nánara samstarfi safnanna.
Sumarsýningar hafa
skapað sér sess
Heimilisiðnaðarsafnið hefur þá
sýningarstefnu að bjóða upp á ný-
stárlegar sýningar á safnmunum en
bjóða einnig íslensku textíllista-
fólki að sýna list sína í safninu og
nýta til þess opið rými þess. Litið
er til þess að slíkt samstarf skapi
fjölbreytni í starfi safnsins og
auki vægi þess og að gestir hafi á
hverju ári tök á að sjá nýja sýn-
ingu. Áhersla er lögð á að sýningar
séu ólíkar á milli ára, að þær veki
athygli á textílflóru Íslands og að
þær hafi listrænt og menningarlegt
gildi, ásamt því að tengjast beint
við safnmunina. Sumarsýningar
Heimilisiðnaðarsafnsins hafa skapað
sér sérstakan sess og markað safninu
sérstöðu meðal annarra safna, en
listafólk sækist eftir að sýna þar og
margt listafólk kemur gagngert til að
skoða safnið og sýningar þess sem
og að sækja sér innblástur í eigin
listsköpun. /MÞÞ
MENNING&LISTIR
Louise Harris hefur búið hér á landi í á annan áratug og er tengd
Íslandi fjölskylduböndum,
maður hennar er Stephen
William, sonur listakonunnar
Karólínu Lárusdóttur. Lou-
ise er bresk og sótti menn-
tun sína til helstu listaskóla
Bretlands. Hún starfar sem
kenn ari í myndmennt við
Mynd listaskóla Reykjavíkur
og Landakotsskóla. Á sýning-
unni á Heimilisiðnaðarsafn-
inu eru m.a. vatnslitamyndir,
sem hún er einna þekktust
fyrir, en íslenska ullin hefur
undanfarin ár veitt henni inn-
blástur og á sýningunni Fold-
arskart gefur að líta bjartar og
fallegar þæfðar myndir.
Elín S. Sigurðardóttir frá Heimilisiðnaðarsafninu býður gesti velkomna við
opnun Sumarsýningarinnar 2018.