Bændablaðið - 05.07.2018, Blaðsíða 56

Bændablaðið | Fimmtudagur 5. júlí 201856
MATARKRÓKURINN
LÍF&LYST – BÆRINN OKKAR
Á Horni 1 er rekið hrossaræktarbú
og ferðaþjónusta.
Gæðingurinn Organisti frá Horni 1
er í keppnishópi gæðinga á Landsmóti
hestamanna 2018 sem nú fer fram í
Víðidal í Reykjavík.
Býli: Horn 1.
Staðsett í sveit: Nesjasveit í
Hornafirði.
Ábúendur: Ómar Ingi Ómarsson,
Ómar Antonsson, Kristín Gísladóttir,
Jasmina Koethe.
Fjölskyldustærð (og gæludýra):
7+1 hundur.
Stærð jarðar? Um 7.000 hektarar.
Gerð bús? Hrossarækt, hestaleiga,
tamningastöð, ferðaþjónusta,
kaffihús, malar- og steinsala.
Fjöldi búfjár og tegundir? 60 hestar
og þrjár villigeitur.
Hvernig gengur hefðbundinn
vinnudagur fyrir sig á bænum?
Allir daga byrja á að sinna skepnum
og túristum sem þurfa jú að fá
morgunmatinn sinn.
Síðan byrja tamningar og þjálfun
hrossanna. Enginn dagur er alveg
eins.
Lengstu dagarnir eru þegar þarf að
fylla skip af möl til útflutnings en við
erum með okkar eigin höfn.
Skemmtilegustu/leiðinlegustu
bústörfin? Skemmtilegast er að
njóta náttúrunnar, sérstaklega þegar
folöldin eru að koma í heiminn. Verst
er að rekar rollurnar frá nágrönnun-
um. Þær virðast alltaf koma aftur.
Hvernig sjáið þið búskapinn fyrir
ykkur á jörðinni eftir fimm ár? Það
er erfitt að segja. Reikna með stækkun
í kringum túrismann, það er alltaf að
verða vinsælla að koma.
Hvaða skoðun hafið þið á félags-
málum bænda? Bændur eru sjálf-
um sér verstir. Það þarf að einfalda
kerfið og greiða bændum eftir landi
og nýtingu, ekki sérstakt kvótakerfi
fyrir ákveðnar skepnur og aðrar
ekki.
Evrópusambandið er eitthvað sem
mætti skoða, velta steinunum betur
við og sjá hvað hægt sé að gera. Ég
er ekki að tala um að gefa frá okkur
sjálfstæðið.
Hvernig mun íslenskum land-
búnaði vegna í framtíðinni?
Vel, við erum með svo marga
bændur sem lifa fyrir ræktun
skepna og sérvitringa sem halda í
fjölbreytileikann á mjög mörgum
sviðum.
Hvar teljið þið að helstu tæki-
færin séu í útflutningi íslenskra
búvara? Hreint kjöt og skyr.

Hvað er alltaf til í ísskápnum? Skyr,
smjör, mjólk.
Hver er vinsælasti maturinn á
heimilinu? Folaldakjöt og humar.
Eftirminnilegasta atvikið
við bústörfin? Þegar draumur
ræktandans rættist og Organisti frá
Horni I vann Landsmót 2016 í 6
vetra stóðhestum. Það er eitthvað
sem gleymist ekki.
Hrossalund og -carpaccio
Í tilefni þess að Landsmót
hestamanna stendur nú sem
hæst, gefur Bjarni Gunnar
okkur uppskriftir að ljúffengum
hrossakjötsréttum.
Hrossakjöt er náttúrlega meyrt
og er fyrirtaks hráefni í margvíslega
rétti. Það er ódýrt og eitt best
geymda leyndarmál landbúnaðarins.
Hrossalund með kartöflumús
Fyrir 4–5
› 800 g hrossalund
› hvönn
› 6 kartöflur
› 100 ml rjómi
› 50 g smjör
› 100 ml mjólk
› Einn saxaður laukur
Aðferð
Takið lundina og skerið burtu fitu
og sinina sem liggur meðfram henni.
Kryddið með salti og pipar, hitið
pönnu og brúnið kjötið á öllum
hliðum. Setjið í ofn í nokkrar mínútur.
Gerið kartöflumús með smá rjóma
og smjöri. Merjið í gegnum sigti svo
kartöflumúsin verði kekkjalaus og
þynnið út með G-mjólk.
Steikið kartöfluteninga á pönnu með
lauk þangað til þeir eru eldaðir í gegn.
Kryddið með salti og pipar og færið
upp á disk. Bætið kartöflumús ofan á
ásamt hrossalundinni. Skreytið með
hvönn.
Hrossa carpaccio
› Fyrir 6 manns
› 300 g góður hrossavöðvi
› 6 þurrkaðir kóngasveppir marðir í duft
› 5 einiber og smá sjávarsalt
› Nokkrir dropar jarðsveppaolía
› 50 ml brandy
› 50 ml mabel sýróp
Aðferð
Vöðvanum er velt upp úr kryddinu og
víninu og látinn liggja í sólarhring.
Þá er hann skorinn þunnt. Gott er að
bera fram með salati, ristuðu brauði
og smjöri.
Grunnuppskrift að gröfnu kjöti
› Um eitt kíló af grófu salti (einn
poki eða svo)
› 300 g–400 g hrossalund
Kryddblanda
› Tvær teskeiðar krydd að eigin vali (til
dæmis blanda af hvönn, blóðbergi og
birkite frá Íslenskri hollustu)
› Ein teskeið hvítlauksduft
› Ein teskeið gott salt
› Ein teskeið þurrkað blóðberg
› Hálf teskeið cayenne pipar
Aðferð
Stráið salti í botninn á hæfilega stóru
íláti, leggið kjötið ofan á og hyljið
svo með afganginum af saltinu. Kjötið
þarf að vera alveg hjúpað.
Látið standa í 3 klukkustundir að
lágmarki.
Þegar kjötið er tilbúið er það tekið úr
saltinu, skolað og þerrað vel.
Blandið því næst öllu kryddinu vel
saman og stráið á disk. Veltið kjötinu
vel upp úr kryddinu og reynið að fanga
sem mest af því á kjötið.
Látið kjötið standa yfir nótt í kæli.
Skorið þunnt, helst hálffrosið, berið
fram með salati og sósu að eigin vali.
Bjarni Gunnar Kristinsson
matreiðslumeistari
Horn 1