Bændablaðið - 16.05.2019, Side 34

Bændablaðið | Fimmtudagur 16. maí 201934
UTAN ÚR HEIMIFURÐUVÉLAR&FARARTÆKI
Rússar framleiða kannski ekki
stærstu jarðýtur í heimi, en
samt alveg þokkalegar vélar
eins og Chetra T40 sem er
þeirra stærsta ýta.
Rússar selja Chetra til meira en
30 landa í Suður-Ameríku, Mið-
Austurlöndum, Suðaustur-Asíu
og á heimamarkaði í Rússlandi og
í Úkraínu, Kasakstan, Kyrgyzstan
og í Úsbekistan.
Chetra er einn af stærstu
framleiðendunum í Rússlandi í
smíði stórra vinnuvéla. Framleiðir
fyrirtækið níu gerðir af jarðýtum
frá 150 og upp í 590 hestöfl.
Minnsta ýtan er Chetra T6, sem
er 9,4 tonn að þyngd.
Vökvakerfið kemur frá
evrópskum og amerískum
framleiðendum. Vökvaskiptur
gírkassi léttir mönnum líka störfin
svo ekki þarf nein vöðvastælt
heljarmenni til að stjórna þessum
gripum. Miðað er við að vélarnar
séu líka auðveldar í viðhaldi og
einfalt að gera við þær.
Vegur nær 65 tonn
Chetra T40 vegur 64.600 kg með
tönn og ripper. Jarðvegsþrýstingur
á hefðbundnum 71 sentímetra
breiðum beltum er 1,17 kg á
fersentímetra sem er heldur minna
en Chetra T25 sem er 16 tonnum
léttari vél, en hún er líka á 10
sentímetra mjórri beltum.
Chetra T40 er með Cummins
QSK19-C650 mótor sem skilar
435 kílówöttum (kW), eða 590
hestöflum.
Lengdin á vélinni er 6.050
millimetrar (6,05 metrar) og
breiddin er 3.296 mm, eða 3,2
metrar. Hæðin er 4.250 mm.
Pólverjar með svipaða vél
Mjög sambærileg jarðýta í stærð
og gerð er Dressta TD-40E Extra
frá fyrirtækinu Liugong Dressta
Machinery, sem framleiddar eru
í Stalowa Wola verksmiðjunum í
Póllandi. Tæki frá þessu fyrirtæki
eru seld í Mið-Evrópu undir
nafninu Huta Stalowa Wola
(HSW). Dressta TD-40E er
einnig með Cummins mótor, en
heldur kraftminni, eða 515 hestöfl.
Hún er samt örlítið stærri en sú
rússneska, eða 67,7 tonn og telst
vera fimmta stærsta jarðýta í heimi.
Til samanburðar er stærsta
ýta heims hin japanska Komatsu
D575A-3SD, nær 152 tonn að
þyngd og með 1.150 hestafla vél.
Hin rússneska Chetra T40 nær því
ekki að vera hálfdrættingur á við
þennann risa frá Komatsu, hvorki
í þyngd né afli.
Stærsta ýta Bandaríkjamanna er
Caterpillar D11R, sem er tæp 113
tonn og með 935 hestafla mótor.
/HKr.
Chetra T40 er stærsta jarðýtan sem framleidd er í Rússlandi og er tæp 65 tonn að þyngd.
Rússar vel gjaldgengir í
framleiðslu á jarðýtum
AIRPod 2.0 er þróaður af MDI (www.mdi.lu) og á að leysa úr þörfum fyrir
mengunarlaus lítil ökutæki í borgum.
AIRPod 2.0 á Bandaríkjamarkað:
Gengur fyrir lofti
Zero Pollution Motors
(ZPM) er ökutækja-
framleiðandi í Lúxem-
borg sem hyggst
nú leggja undir sig
markað í Banda-
ríkjunum. Það á gera
með sölu á örbílunum
AIRPod sem ganga
á loftinu einu saman.
Þá eru þeir byggðir að
hluta úr náttúrulegum
líntrefjum.
Nei, þetta er engin
falsfrétt og reyndar hafa
ýmsir glímt við að búa
til bíla sem ganga fyrir
þjöppuðu lofti og engu
öðru. Meira að segja á
Íslandi hafa verið gerðar
slíkar tilraunir fyrir
áratugum síðan. Þar var að
verki aflraunamaðurinn
Reynir Örn Leósson,
sem breytti venjulegum
bensínknúnum Skoda í
loftknúið farartæki. Tata
bílaverksmiðjurnar á Indlandi hafa
líka fengist við svipað verkefni með
framleiðslu á Tata/MDI One Cat.
Upprunann má reyndar rekja
til franska fyrirtækisins Motor
Development International SA sem
skammstafað er MDI. Smíðaði það
svonefndan Air Car sem síðar fékk
nafnið OneCAT Air Car og var svo
endurnefndur OneFlowAIR. Hann var
sýndur á New York bílasýningunni í
Chrystal Palace sýningarhöllinni 2008
undir skilti sem á stóð „Autiomotive
X-Prixe“. Stofnandi fyrirtækisins
heitir Guy Nègre og var hönnuður
upphaflegu aflvélarinnar, en hann lést
24. júní 2016.
AIRPod 2.0, sem er þróaður af
MDI (www.mdi.lu), á að leysa úr
þörfum fyrir mengunarlaus lítil
ökutæki í borgum. Ekki sakar að
hönnunin þykir afar framúrstefnuleg
og ekki þarf merkilegri búnað en
loftþjöppu til að dæla „eldsneyti“ á
bílinn. Svo á ökutækið að vera ódýrt
í innkaupum og rekstri.
Ef allt gengur upp er áætlað að
hefja framleiðslu nú á vordögum.
Er þetta sagður fyrsti bíllinn sem
gengur fyrir þrýstilofti sem boðinn
er til sölu á almennum markaði í
Bandaríkjunum.
MDI hefur sýnt ýmsar gerðir
af loftknúnum bílum og má þar
nefna MDI AirPod sem sýndur var
á bílasýningu í Genf 2009. Þar var
einnig sýndur stærri bíll sem kallaður
var MDI OneFlowAir. /HKr.
AIRPod 2.0 þykir afar framúrstefnulegt farartæki.
MDI AirPod á sýningu 2009.
Þótt Rússar framleiði þokkalega stórar jarðýtur, þá er samt ekkert sem
slær út Komatsu D475D-5E0 frá Japan. Hún er meira en tvöfalt þyngri
og kraftmeiri en stærsta ýta Rússa.
KH Vinnuföt Nethyl 2a 110 Reykjavík Sími: 577 1000 info@khvinnufot.is www.khvinnufot.is
Fáið sent frítt eintak með því að hafa samband í síma: 577 1000,
í gegnum facebook eða með tölvupósti á info@khvinnufot.is
Vörubæklingurinn er 80 bls. í A5 broti.
Nýr vörubæklingur 2019
4 - MULTINORM 24 - 27
1 - VINNUFÖT 4 - 17
5 - SÝNILEIKI 28 - 37
2 - REGNFÖT 18 - 21
6 - SKÓR & STÍGVÉL 38 - 47
3 - KULDAFÖT 22 - 23
7 - HANSKAR 48 - 55
8 - ÖRYGGISVÖRUR 56 - 65
9 - MATVÆLAIÐNAÐUR 66 - 67
10 - NÝJAR VÖRUR 68 - 71
11 - ANNAÐ 72 - 79
KH VINNUFÖT - VÖRUBÆKLINGUR