Víkurfréttir - 02.04.2020, Blaðsíða 36
36 // VÍKURFRÉTTIR Á SUÐURNESJUM Í 40 ÁR fimmtudagur 2. apríl 2020 // 14. tbl. // 41. árg.
Bryndís Jóna Magnúsdóttir var nýlega ráðin skólastjóri Heiðarskóla í Reykjanesbæ en
þar hefur hún starfað frá árinu 2009. Hún fer lítið annað en í matvörubúðir og í vinnuna
og aðrir fjölskyldumeðlimir vinna og læra heima. Í samkomubanninu er skólastarfið
með allt öðrum hætti en venjulega.
Hvernig ert þú að upplifa ástandið
í kringum COVID-19?
Þetta er svo óvenjulegt ástand að
ég á eiginlega ekki til réttu orðin sem
lýsa upplifun minni á því. Þetta er
allt voða skrítið.
Hefurðu áhyggjur?
Já, ég hef áhyggjur af stöðunni og
þróuninni, það er ekki annað hægt.
Hvaða áhrif hefur faraldurinn á þitt
daglega líf?
Dóttir mín á grunnskólaaldri lauk
sóttkví á föstudaginn síðasta en á
meðan á henni stóð gerðum við til-
heyrandi ráðstafanir á heimilinu. Það
var vont að þurfa að halda henni frá
sér en við erum annars mjög iðnar
við það að gefa hvorri annarri víta-
mín fyrir sálina með faðmlögum.
Hjartað var því hálf marið. Samneyti
við fjölskyldu og vini hefur verið í
algjöru lágmarki og vinnutilhögun
er breytt. Ég fer lítið annað en í mat-
vörubúðir og í vinnuna og aðrir fjöl-
skyldumeðlimir vinna og læra hér
heima. Undir eðlilegum kringum-
stæðum er mikil umferð hérna á
heimlinu þar sem farið er til og
komið frá vinnu og æfingum svo til
allan daginn. Það hefur hægst mjög
mikið á þeirri umferð.
Hvernig eru dagarnir hjá þér núna?
Hefur þú gert miklar breytingar í
daglegu lífi?
Ég er annan hvern dag á vinnustað
mínum, Heiðarskóla og á móti vinn
ég við tölvurnar heima. Í vinnunni er
samgangur fólks í algjöru lágmarki
og ég sé lítið sem ekkert af krökk-
unum. Hvort tveggja finnst mér voða
leiðinlegt. Skilaboðasendingar, sím-
töl og fjarfundir hafa svo gott sem
alveg komið í staðinn fyrir samtöl
augliti til auglitis. Að vinnu lokinni
fer ég heim, reyni þá að fá mér
göngutúr og banka þá stundum upp
á hjá mínu nánasta fólki til að athuga
hvernig það hefur það en fer helst
ekki inn. Ég hef hringt meira í fólkið
mitt og sent texta- og myndskilaboð.
Svo erum við fjölskyldan farin að
nýta okkur fjaræfingarnar hjá Helga
Jónasi í Metabolic. Hann er í beinni
frá Grindavík og gerir það allra besta
úr stöðunni, svona eins og honum
einum er lagið. Ég hef reynt að draga
mikið úr búðarferðum og svo eru
þrif hérna heima miklu tíðari. Við
förum reglulega með sótthreinsiefni
í tusku yfir helstu snertifleti. Við
vinkonurnar hittumst einu sinni í
mánuði í saumaklúbbi en nú er það
ekki í boði svo við skelltum í fjar-
fundasaumó í síðustu viku. Hluti af
vinnufélögunum hittist líka á netinu
í lok vikunnar, svona til gamans.
Hvenær fórstu að taka COVID-19
alvarlega?
Ég starfa sem skólastjóri í Heiðar-
skóla og um mánaðamótin janúar/
febrúar fór viðbúnaður vegna CO-
VID-19 að gera vart við sig. Þá var
ráðist í að uppfæra viðbragðsáætlun
almannavarna fyrir skólann, leið-
beiningar um handþvott voru festar á
veggi á öllum salernum og komið var
á skipulagi fyrir dagleg sótthreinsi-
þrif á helstu snertiflötum skólans.
Þegar hættustigi var líst yfir um
mánaðamótin febrúar/mars fór ég að
gera mér grein fyrir að við værum
líklega að sigla inn í fordæmalausa
tíma. Í framhaldi fór verkefnum í
tengslum við veiruna að fjölga. Þegar
samkomubannið var loks boðað
föstudaginn 13. mars blasti alvar-
leiki málsins við og yfir þá helgina
unnu skólastjórar skólanna í Reykja-
nesbæ saman að því að skipuleggja
skert skólastarf. Heilmikil vinna fór
fram á mjög skömmum tíma og mér
leið svolítið eins og ég væri persóna
í skáldsögu. Þegar ég fékk síðan
boð frá skóla dóttur minnar um að
hún þyrfti að fara í sóttkví bankaði
ástandið upp á mitt eigið heimili sem
var sérstakt.
Hvernig ert þú að fara varlega?
Með auknum handþvotti og
þrifum, með því að halda mig sem
mest heima hjá mér, er í hönskum
þegar ég fer t.d. út í búð, dreg eins
og hægt er úr snertingum, hósta og
hnerra í olnbogabótina og huga að
andlegri og líkamlegri heilsu.
Hvernig finnst þér stjórnvöld
standa sig í sóttvörnum?
Einstaklega vel. Traust er gríðar-
lega mikilvægt á óvissutímum sem
þessum. Ég ber fullt traust til bæði
ríkisstjórnarinnar og þríeykisins. Ég
trúi því og finn að það eru allir að
gera sitt allra besta í verkefnum sem
erfitt er að máta við nokkur önnur.
Hvað finnst þér mikilvægast á
þessum tímum?
Traust og trú á að við komumst í
gegnum þennan tíma eins fljótt og
vel og hægt er. Náungakærleikur, eitt
bros getur dimmu í dagsljós breytt,
sérstaklega þegar ekki má knúsast.
Yfirvegun og raunsæi. Húmor og
bjartsýni.
Finnst þér að sveitarfélagið þitt
gæti gert meira? Hvernig finnst
þér sveitarfélagið standa sig í
þessum málum?
Það er eflaust alltaf hægt að gera
meira en mér finnst sveitarfélagið
vera að standa sig eins vel og hægt er
í alvarlegu ástandi. Það eru allir að
reyna að gera sitt besta.
Er samkomubannið að hafa áhrif á
þig?
Ekki þannig. Ekki enn sem komið
er a.m.k. Ég er frekar heimakær svo
það fer ekkert sérstaklega illa í mig
að þurfa að vera sem mest heima. Ef
samkomubannið verður framlengt
og jafnvel hert þá mun það þó vafa-
laust valda einhverjum óróleika.
Hvernig hagar þú innkaupum í
dag? Notar þú netið meira?
Það fer ekki fyrir miklu öðru en
matarinnkaupum en ég er ekki farin
að panta matvörur á netinu. Ég hef
pantað matarsendingar frá Eldum
rétt, sem er svo sem ekkert nýtt fyrir
mér.
Leið svolítið eins og ég
væri persóna í skáldsögu
Bryndís Jóna Magnúsdóttir er nýr skólastjóri Heiðarskóla í Reykjanesbæ.
Í samkomubanni er skólastarfið með allt öðrum hætti en venjulega.
Hvernig hefur skólastarfið gengið á tímum COVID-19?
Í samkomubanninu er skólastarfið með allt öðrum hætti en venju-
lega. Nemendum í 1. - 6. bekk er skipt upp í tvo hópa sem koma í
skólann annan hvern dag. Þetta hefur allt saman gengið vel í mjög
stífum ramma þar sem nemendur þurfa að koma í skólann og fara
heim stundvíslega á ákveðnum tíma og um ákveðna innganga skólans.
Hópar mega ekki blandast, hvorki innan dyra né utan og starfsfólk
tilheyrir svokölluðum sóttvarnarteymum. Aðgengi foreldra og utan-
aðkomandi aðila að skólanum er mjög takmarkað. Nemendahópar
halda til í heimastofum sínum og fara ekki í hefðbundna íþrótta-,
sund-, list- eða verkgreinatíma. Eldri nemendur vinna heimavinnu
eftir fyrirmælum kennara og með stuðningi þeirra. Þeir tilkynna sig
til umsjónarkennara sinna kl. 9 á morgana, fá fyrirmæli og geta leitað
eftir aðstoð þeirra fram eftir degi. Þetta hefur gengið furðu vel og þarna
eru notaðar samskiptaleiðir sem ekki hafa verið nýttar áður. Þetta
hefur allt saman verið mjög lærdómsríkt og möguleikar tækninnar
nýst sérstaklega vel. Starfsfólk skólans á mikið hrós skilið og foreldrar
sömuleiðis en við vitum vel að ástandið er ekki auðvelt fyrir heimilin.
Þó að fyrirkomulagið gangi vel þá hugsa ég að allir hlakki til þess að
skólastarfið komist í eðlilegt horf. Það geri ég svo sannarlega.
Ég hef reynt að draga mikið úr búðarferðum
og svo eru þrif hérna heima miklu tíðari. Við
förum reglulega með sótthreinsiefni í tusku
yfir helstu snertifleti. Við vinkonurnar hitt-
umst einu sinni í mánuði í saumaklúbbi en
nú er það ekki í boði svo við skelltum í fjar-
fundasaumó í síðustu viku. Hluti af vinnufé-
lögunum hittist líka á netinu í lok vikunnar,
svona til gamans.
Hvað gerir þú ráð fyrir að ástandið
muni vara lengi?
Ég vona að við verðum komin yfir
erfiðasta tímann um miðjan eða undir
lok maí og getum þá farið nokkuð kát
inn í sumarið.
Þegar faraldurinn er yfirstaðinn,
gerir þú ráð fyrir að ferðast innan-
lands eða utan?
Við fjölskyldan vorum búin að
sjá fyrir okkur að ferðast innan-
lands næsta sumar og ég vona að við
getum gert það. Það á eftir að koma í
ljós hvort farið verður í íþróttaferðir
til útlanda sem eru á dagskrá fjöl-
skyldunnar í júlí og ágúst.
Hvað getur þú sagt okkur um
menntun þína og fyrri störf?
Ég hef starfað í Heiðarskóla frá árs-
byrjun 2009 og verið í stjórnunarteymi
skólans frá 2013, fyrst sem deildar-
stjóri, síðan sem aðstoðarskólastjóri og
undanfarið ár hef ég sinnt starfi skóla-
stjóra tímabundið. Staðan var auglýst
í byrjun árs eins og lög gera ráð fyrir,
ég sótti um og mér var boðið starfið
að loknu ráðningarferli. Það hefur
verið frekar sérstakt að fara í gegnum
ráðningarferli á svona óvenjulegum og
sérstaklega krefjandi tímum en ég er
spennt fyrir framhaldinu. Heiðarskóli
er frábær skóli. Þar starfar einstakur
starfsmannahópur og nemendur
skólans eru ekki síðri. Heiðarskóli á
gott samfélag sem gaman er að vera
partur af.
Ég lauk kennaranámi með B.Ed
gráðu árið 2006 og stunda nú
meistaranám við Háskóla Ísland með
áherslu á stjórnun menntastofnanna.
Nú var skólinn fyrstur til að prófa
spjaldtölvur í námi fyrir nokkrum
árum. Hvernig hefur það þróast?
Það hefur þróast þannig að í dag
leiðum við almennt ekki hugann
sérstaklega að því að í Heiðarskóla
séu nýttar spjaldtölvur á unglinga-
stigi. Það er engin saga til næsta
bæjar. Þær eru orðnar mjög eðli-
legur partur af skólastarfinu okkar.
Spjaldtölvur og bækur eru notaðar
jöfnum höndum og nemendur ráða
því sjálfir hvort þeir vilji hafa bækur
sínar rafrænar í spjaldtölvunum eða
ekki. Bekkjarsett nýtast svo yngri
nemendum og þurfum við helst
að fjölga þeim því kennarar yngri
bekkja eru alltaf að nýta möguleika
tækninnar betur og betur. Spjald-
tölvurnar auka fjölbreytni í námi og
kennslu, auðvelda aðgengi nemenda
að upplýsingum og hafa nýst afar
vel í því að einstaklingsmiða nám
nemenda.
Ertu eitthvað farinn að sjá fram í
vorið með skólastarfið, hvort þið
klárið á sama tíma eða ekki?
Við slítum skólunum líklega á
réttum tíma en það er ómögulegt að
segja núna með hvaða hætti skóla-
starfið verður fram að því. Í þessu
ástandi er í raun bara hægt að taka
einn dag í einu, í allra mesta lagi eina
viku. Heilbrigðisyfirvöld stýra þess-
ari ferð og við förum að tilmælum
þeirra.
LÆRDÓMSRÍKT