Morgunblaðið - 11.01.2020, Blaðsíða 31

MINNINGAR 31Messur á morgun
MORGUNBLAÐIÐ LAUGARDAGUR 11. JANÚAR 2020
✝ Sóley Magnús-dóttir viðskipt-
afræðingur fæddist
á Akureyri 17. júní
1969. Hún lést á
heimili sínu 26. des-
ember 2019.
Foreldrar henn-
ar voru Margrét
Halldóra Harðar-
dóttir, húsmóðir og
fiskvinnslukona frá
Akureyri, f. 26.
ágúst 1947, d. 18. ágúst 1986, og
Magnús Halldórsson sjómaður
frá Akranesi, f. 7. desember
1942, d. 18. febrúar 1989.
Systkini Sóleyjar eru: Ottó
Hörður Guðmundsson, f. 22. nóv-
ember 1965, maki Kolbrún Erna
Magnúsdóttir, f. 12. maí 1968;
Halldór Magnússon, f. 8. apríl
1971; Ása Huldrún
Magnúsdóttir, f. 26.
nóvember 1978,
maki Gunnar Björg-
vin Arason, f. 25.
september 1981;
Kristján Þór Krist-
jánsson, f. 7. desem-
ber 1985.
Sóley eignaðist
þrjú börn með fyrr-
verandi eiginmanni
sínum, Sævari Þor-
steinssyni, f. 7. nóvember 1969.
Börn Sóleyjar og Sævars eru:
Aldís Freyja Sævarsdóttir, f. 10.
júní 1996; Sindri Snær Sævars-
son, f. 16. september 1999 og
Þorsteinn Darri Sævarsson, f. 12.
apríl 2001.
Útför Sóleyjar fór fram frá
Akureyrarkirkju 9. janúar 2020.
Elsku Sóley, mín kæra systir
sem ég elskaði svo heitt. Það var
svo mikið áfall annan í jólum að fá
símtal um að þú værir farin, þetta
er óbærilegt og ég veit ekki
hvernig verður hægt að halda
áfram án þín. Þegar við vorum
unglingar og Ása systir aðeins
barn að aldri kom í ljós hjartalag
þitt þegar áföllin dundu yfir okk-
ur. Þá varst þú kletturinn fyrir
okkur systkinin og varst klettur-
inn okkar alla tíð. Ég var heim-
alningur á þínu heimili þar sem
ég bjó á köflum og alltaf tekið vel
á móti mér. Mér leið alltaf svo vel
á þínu heimili, þú sýndir mér svo
mikinn kærleika og góðmennsku.
Heimilið þitt var alltaf svo fallegt
og hlýlegt og alltaf fullt af þeim
góðu vinum sem þú áttir og
reyndust þér svo vel. Þegar
Magnús minn fæddist varstu
stolt föðursystir og þegar hann
stækkaði eyddi hann mörgum
góðum stundum hjá þér og leið
svo vel hjá þér. Þú leist eftir hon-
um eins og hann væri þitt eigið
barn og hann elskaði að vera í
kringum þig.
Þú varst yndisleg mamma og
svo stolt af börnunum þínum. Þú
bjóst þeim gott heimili og elsk-
aðir þau svo mikið og það sem þú
varst stolt af þeim. Þau sakna þín
svo mikið, elsku Sóley. Alltaf
þegar erfiðleikar komu upp í lífi
mínu þá varst þú sú manneskja
sem ég hringdi í og leitaði til, þú
varst alltaf til staðar og hjálpaðir
mér ávallt. Ég reyndi að endur-
gjalda greiðann síðustu misseri
þegar þú gekkst í gegnum erfið
veikindi og mikla erfiðleika í lífi
þínu. Mér finnst að mér hafi ekki
gengið það nógu vel og vildi að ég
hefði getað verið meira eins og þú
og tekist að hjálpa þér. Mig tekur
þetta svo sárt elsku Sóley mín, ég
vildi að ég hefði getað hjálpað þér
með sama hætti og þú hjálpaðir
mér. Við vorum alltaf svo sam-
heldin og til staðar hvort fyrir
annað. Það var vegna þín, þú
varst sterkust af okkur og við
leituðum öll til þín. Þú varst svo
klár og sterk, fórst í gegnum há-
skólanám og kláraðir viðskipta-
gráðu samhliða vinnu. Ef ein-
hvern vantaði aðstoð með
lærdóm var leitað til þín, sérstak-
lega með stærðfræði, ef einhvern
vantaði aðstoð með skattframtal-
ið var leitað til þín, þú varst svo
klár og hjálpsöm og alltaf til stað-
ar.
Ég elska þig mín kæra systir
og mig tekur þetta svo sárt.
Elsku Aldís, Sindri og Þorsteinn,
ykkar missir er svo mikill. Á
sama tíma og þú varst að ganga í
gegnum erfið veikindi varstu að
ganga í gegnum sáran skilnað
sem tók mikið á þig, elsku Sóley
mín. Við systkinin vorum svo ná-
in og sterk saman með þig sem
leiðtoga því þú hélst okkur saman
og við leituðum öll ráða hjá þér og
nú hef ég fundið svo sterkt hvað
mig vantar þig og þarfnast leið-
sagnar frá þér.
Ég er óendanlega þakklátur
fyrir þær stundir sem við áttum
saman dagana fyrir andlát þitt og
sérstaklega kvöldið áður en þú
kvaddir. Við vorum sátt og góðir
vinir og þú baðst mig um aðstoð
sem var mér gríðarlega mikil-
vægt.
Mín eina huggun nú er sú að
þú sért hjá mömmu og pabba og
hafir fundið frið í hjartanu og
sért laus við allar þrautir. Ég
mun alltaf muna þig og tala um
þig við elsku Freyju Sóleyju
Magnúsdóttir sonardóttur mína.
Ég trúi því að við munum hittast
síðar ásamt mömmu og pabba og
eiga góðar stundir.
Þangað til þá, farðu í friði
elsku systir og ég hlakka til að sjá
þig aftur.
Þinn bróðir
Halldór Magnússon.
Elsku yndislegi engillinn
minn, nú kveð ég þig í síðasta
skiptið.
Það er svo sorglegt þegar fólk
er tekið frá okkur í blóma lífsins,
svo sárt að horfa upp á börnin þín
þrjú kveðja yndislega móður,
systkini sem sjá á eftir systur,
ömmu sem horfir á eftir yndis-
lega barnabarninu sínu, og alla
vinina sem horfa á eftir góðri vin-
konu og vini. Ég var svo lánsöm
að eignast þig sem frænku og
mikla vinkonu í gegnum lífið, við
brölluðum margt saman á okkar
yngri árum, sumt prenthæft en
annað ekki, já við vorum grall-
arar. Fyrstu minningarnar eru
um hitting hjá Helgu ömmu okk-
ar á Akranesi, svo er við heim-
sóttum hvor aðra.
Þegar við fórum að eignast
börnin okkar urðum við mjög
samstiga, við fórum saman í sum-
arbústaðaferðir með börnin okk-
ar, gistum heima hjá hvor ann-
arri, spjölluðum oft langtímum
saman í síma, lengsta símtalið
okkar var 8 klst., eins og heill
vinnudagur, við urðum aldrei
þreyttar á að spjalla, höfðum svo
margt að segja hvor annarri, svo
margt sem var bara okkar á milli,
elskan mín, við tökum upp þráð-
inn er við hittumst á ný.
Þegar þú lást inni á lungna-
deild og gjörgæslu á LSH heim-
sótti ég þig daglega, það var svo
skrýtið að sjá þig svona mikið
veika, þú opnaðir augun og brost-
ir til mín.
Þú varst svo máttfarin, þú
sagðir ekki orð, ég hélt fast í
höndina á þér og við þögðum
saman sem gerðist ekki oft á okk-
ar lífsleið. Ég sat með þér kvöldið
áður en þú fórst aftur norður, þá
fyrst áttaði ég mig á hvað þessi
sjúkdómur hafði gert yndislegri,
uppáhaldsfrænku minni, já hann
var búinn að ná henni á sitt vald.
Það sem glymur í eyrunum á mér
er setningin sem þú sagðir svo oft
við mig að þrátt fyrir aldur okkar
værum við ekki sloppnar við fjöl-
skyldusjúkdóminn sem tekið hef-
ur sinn toll hjá okkur. Þegar upp
er staðið varð það raunin og tók
hann þig frá okkur að lokum.
Elskan mín, nú hef ég trú á að
þér líði miklu betur, þar sem þú
situr ásamt heittelskuðum for-
eldrum þínum, ömmu, öfum og
öllum hinum sem fóru á undan
þér, þú segir þeim vonandi fréttir
af okkur, sem syrgjum ykkur hér
á jörðu niðri. Ljúfa, góða frænka,
ég kveð þig, takk fyrir tryggan
góðan vinskap þinn, kveð þig með
tregatárum og miklum söknuði,
söknuði að heyra ekki rödd þína
aftur, sjá þig ekki brosa aftur.
Minningarnar um þig lifa um
ókomna tíð, þær lifa í börnunum
þínum. Börnunum þínum verð ég
ávallt stoð í þeirra lífsins ólgusjó.
Elsku Aldís Freyja, Sindri
Snær, Þorsteinn Darri, Hörður,
Halldór, Ása og Sóley, hugur
minn er hjá ykkur, guð styðji
ykkur og styrki á þessum erfiða
tíma.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(Valdimar Briem)
Góða ferð, elsku gullið mitt.
Þín frænka og vinkona
Dýrleif Ólafsdóttir.
Elsku fallega, klára, skemmti-
lega ljúfa og sterka vinkona mín
Sóley kvaddi okkur nú á jólunum
eftir erfið veikindi, eftir sitja
söknuðurinn, hugsanirnar og
minningarnar sem ylja. Við átt-
um samleið um langan tíma, bún-
ar að vera vinkonur frá barnæsku
og á þeim tíma höfum við átt svo
ótal góðar stundir sem hafa skap-
að minningar. Ég sakna þín
meira en orð fá lýst. Eina huggun
mín er sú að þú sért í faðmi for-
eldra þinna sem þú saknaðir svo
óskaplega.
Mig langar að segja svo margt,
okkar tími saman var ekki búinn,
andlát þitt ekki tímabært. Þú
varst besta og elsta vinkona mín,
við þurftum sjaldan orð til að
skilja hvor aðra. Við áttum svo
mörg lífsskeið saman í gleði og
sorg. Það feta fáir í þín fótspor
hvað varðar elju og þrautseigju
og fáir hafa þurft að takast á við
jafn krefjandi verkefni og þú og
þín fjölskylda.
Það var aldrei lognmolla hjá
okkur, alltaf fundum við okkur
eitthvað að gera, misgáfulegt
eins og gengur. Við fórum líka
saman ógleymanlegar ferðir inn-
an- og utanlands.
Á unglingsárum og lengi fram
eftir spiluðum við heilu kvöldin
og næturnar. Óli og Sævar þoldu
sjaldan að spila á móti okkur –
sögðu að við svindluðum - en sú
var ekki raunin. Við þekktum
hvor aðra svo inn og út að við gát-
um til að mynda með einu bog-
astriki á blað í Pictionary myndað
bogabrúna yfir í Vaglaskóg. Eftir
slíka frammistöðu neituðu þeir að
spila meira við okkur.
Elsku Sóley. Ég var og er svo
endalaust stolt af afrekum þínum
og vegferð, ég er þakklát fyrir að
hafa fengið tækifæri til að segja
þér það.
Eftir standa börnin þín þrjú
sem þú varst svo stolt af, þeirra
missir er mikill. Elsku Aldís,
Sindri, Þorsteinn og systkini,
Höddi, Halldór, Ása og aðrir að-
standendur, megi allar góðar
vættir styrkja ykkur í sorginni.
Elsku vinkona, takk fyrir allt
og allt.
Þín
Alda Stefánsdóttir.
Sóley
Magnúsdóttir
AKUREYRARKIRKJA | Guðsþjónsta
kl. 11. Prestur er Sindri Geir Óskars-
son. Sönghópurinn Synkópa syngur.
Organisti er Eyþór Ingi Jónsson.
Sunnudagaskóli í Safnaðarheimilinu
kl. 11. Umsjón Sonja Kro og Jón Ágúst
Eyjólfsson.
ÁRBÆJARKIRKJA | Fjölskylduguðs-
þjónusta kl. 11. Brúðuleikhús, Bibl-
íusaga og söngur. Sr. Petrína Mjöll Jó-
hannesdóttir, Ingunn Björk Jónsdóttir
djákni og Anna Sigríður Helgadóttir
þjóna. Aðalheiður Þorsteinsdóttir leik-
ur á flygilinn. Kaffi og spjall eftir stund-
ina.
ÁSKIRKJA | Messa og barnastarf kl.
11. Séra Sigurður Jónsson prédikar
og þjónar fyrir altari. Sunnudagaskól-
inn hefst á ný eftir jóla- og áramótahlé.
Jóhanna María Eyjólfsdóttir djákna-
kandídat annast samverustund hans
ásamt Ingu Steinunni Henningsdóttur.
Félagar úr Kór Áskirkju leiða sönginn.
Organisti Bjartur Logi Guðnason.
Kaffisopi og safi eftir messu.
BESSASTAÐAKIRKJA | Fjölskyldu-
guðsþjónusta kl. 11. Öll börn á Álfta-
nesi fædd árið 2014 eru sérstaklega
boðin velkomin. Umsjón með stund-
inni hafa sr. Hans, Ástvaldur organisti,
Sigrún Ósk og hljómsveitin Lærisvein-
ar hans. Kaffi í Holtakoti að stund lok-
inni.
Sameiginleg guðsþjónusta eldri borg-
ara í Garðaprestakalli og Víði-
staðasókn í Vídalínskirkju kl. 14. Gafl-
arakórinn, organisti er Helga Þórdís
Guðmundsdóttir, sr. Bragi Ingibergs-
son þjónar fyrir altari. Kirkjukaffi,
Garðálfarnir syngja.
BÚSTAÐAKIRKJA | Barnastarf kl.
11. Daníel og Sóley Adda leiða stund-
ina. Hressing eftir samveruna. Guðs-
þjónusta kl. 11. Sr. Eva Björk Valdi-
marsdóttir prédikar og þjónar ásamt
sóknarpresti og messuþjónum. Org-
anisti: Jónas Þórir. Trompetleikari:
Gunnar Kristinn Óskarsson. Ein-
söngur: Gréta Hergils Valdimarsdóttir,
Vox Gospel og Barnakór kirkjunnar
syngur undir stjórn Þórdísar Sævars-
dóttur. Þetta er útvarpsmessa og því
er messutíminn kl. 11 en ekki 14.
Heitt á könnunni eftir messu.
DIGRANESKIRKJA | Fjöl-
skyldumessa kl. 11 í Hjallakirkju. Við
syngjum saman og sjáum leikrit.
Messan er í umsjá presta Digra-
neskirkju og Hjallakirkju ásamt leið-
togum barnastarfsins og organisti er
Kristján Hrannar.
Að messu lokinni verður boðið upp á
hádegisverð þar sem við bjóðum ferm-
ingarbörn og foreldra velkomin.
Messan er sameiginleg fyrir Hjalla-
kirkju og Digraneskirkju.
DÓMKIRKJA Krists konungs,
Landakoti | Messa á sunnud. kl.
8.30 á pólsku, kl. 10.30 á íslensku,
kl. 13 á pólsku og kl. 18 á ensku.
Virka daga kl. 18, og má. mi. og fö. kl.
8, lau. kl. 18 er vigilmessa.
DÓMKIRKJAN | Messa kl. 11. Séra
Sveinn Valgeirsson prédikar og þjónar
fyrir altari. Dómkórinn syngur og Kári
Þormar er organisti.
FELLA- og Hólakirkja | Fjölskyldu-
guðsþjónusta kl. 11 í umsjá sr. Jóns
Ómars, Mörtu og Ásgeirs. Meðhjálpari
er Kristín Ingólfsdóttir. Kaffi og djús
eftir stundina.
FRÍKIRKJAN Hafnarfirði | Sunnu-
dagaskóli kl. 11. Guðsþjónustua kl.
13. Fermingarstarfið hefst að nýju og
eru fermingarbörn og foreldrar hvattir
til þess að mæta.
GLERÁRKIRKJA | Messa og sunnu-
dagaskóli kl. 11. Sameiginlegt upphaf
í messu. Sr. Gunnlaugur Garðarsson
þjónar. Kór Glerárkirkju leiðir söng
undir stjórn Valmars Väljaots org-
anista. Umsjón með sunnudagaskóla:
Sunna Kristrún djákni.
GRAFARVOGSKIRKJA | Messa kl.
11. Séra Grétar Halldór Gunnarsson
þjónar og prédikar. Organisti er Hákon
Leifsson og Kór Grafarvogskirkju leiðir
söng.
Sunnudagaskóli á neðri hæð kirkj-
unnar kl. 11. Umsjón hefur Þóra Björg
Sigurðardóttir og Hólmfríður Frosta-
dóttir. Undirleikari er Stefán Birki-
sson.
GRAFARVOGUR – kirkjuselið í
Spöng | Selmessa kl. 13. Séra Grétar
Halldór Gunnarsson prédikar og þjón-
ar. Organisti er Hilmar Örn Agnarsson
og Vox Populi leiðir söng.
GRENSÁSKIRKJA | Messa kl. 11.
Bjarni Gíslason, framkvæmdastjóri
Hjálparstarfs kirkjunnar, prédikar í til-
efni af 50 ára starfsafmæli Hjálp-
arstarfsins. Sr. María G. Ágústsdóttir
þjónar ásamt messuhópi og ferming-
arfjölskyldum. Organisti er Ásta Har-
aldsdóttir og Vox Feminae annast
sönginn. Málverk Sigrúnar Sigurð-
ardóttur til sölu til styrktar Hjálpar-
starfi kirkjunnar, næstsíðasta sýning-
arhelgi. Messukaffi. Þriðjudagur:
Kyrrðarstund kl. 12. Fimmtudagur: Nú-
vitundarstund í kapellu kl. 18.15-
18.45.
GUÐRÍÐARKIRKJA í Grafarholti |
Guðsþjónusta og barnastarf kl. 11.
Prestur er Karl V. Matthíasson. Kamm-
erkór Mosfellsbæjar syngur undir
stjórn Símonar Ívarssonar, organisti
er Hrönn Helgadóttir. Barnastarf í
Safnaðarheimili í umsjá Péturs Ragn-
hildarsonar, Pétur verður í barnastarf-
inu. Kirkjuvörður er Lovísa Guðmunds-
dóttir, kaffisopi í boði eftir messuna.
HAFNARFJARÐARKIRKJA | Messa
og sunnudagaskóli kl. 11. Sameigin-
legt upphaf. Félagar úr Barbörukórn-
um syngja. Organisti er Guðmundur
Sigurðsson. Prestur er Þórhildur
Ólafs, leiðtogi sunnudagaskólans er
Bylgja Dís Gunnarsdóttir, henni til að-
stoðar er Jasper. Kaffi og kex í Ljós-
broti Strandbergs eftir stundirnar.
Miðvikudagur 15. janúar: Morgun-
messa kl. 8.15. Léttur morgunverður í
Odda safnaðarheimili Strandbergs eft-
ir messu.
HALLGRÍMSKIRKJA | Messa og
barnastarf kl. 11. Sr. Irma Sjöfn Ósk-
arsdóttir prédikar og þjónar fyrir altari.
Messuþjónar aðstoða. Félagar úr Mót-
ettukór Hallgrímskirkju syngja. Org-
anisti er Björn Steinar Sólbergsson.
Umsjón barnastarfs: Ragnheiður
Bjarnadóttir og Rósa Árnadóttir.
Bænastund mánud. kl. 12.15. Fyrir-
bænaguðsþjónusta þriðjud. kl. 10.30.
Árdegismessa miðvikud. kl. 8. Kyrrð-
arstund fimmtud. kl. 12.
HÁTEIGSKIRKJA | Messa kl. 11.
Séra Helga Soffía Konráðsdóttir pré-
dikar og þjónar fyrir altari. Kordía, kór
Háteigskirkju syngur. Organisti er
Kristín Jóhannesdóttir. Samskot dags-
ins renna til Hjálparstarfs kirkjunnar.
HJALLAKIRKJA Kópavogi | Fjöl-
skyldumessa kl. 11. Syngjum saman
og sjáum leikrit. Messan er í umsjá
presta Digraneskirkju og Hjallakirkju
ásamt leiðtogum barnastarfsins, org-
anisti er Kristján Hrannar.
Að messu lokinni verður boðið upp á
hádegisverð þar sem við bjóðum ferm-
ingarbörn og foreldra sérstaklega vel-
komin til samtals.
Messan er sameiginleg fyrir Hjalla-
kirkju og Digraneskirkju.
HVÍTASUNNUKIRKJAN Fíladelfía |
Samkoma kl. 11. Service. Translation
into English. Samkoma á ensku kl.
14. English speaking service. Sam-
koma á spænsku kl. 16. Reuniónes
en español.
Samkoma Fíló+ kl. 20.
KEFLAVÍKURKIRKJA | Messa kl.
11, á sama tíma hefst barnastarfið.
Séra Fritz Már þjónar fyrir altari ásamt
messuþjónum. Kór Keflavíkurkirkju
leiðir söng undir stjórn Arnórs Vil-
bergssonar organista. Helga, Jóhanna
og Ingi sjá um sunnudagaskólann.
Súpusamfélag er í Kirkjulundi í kjölfar
stundarinnar.
Miðvikudaginn 15. janúar kl. 12 er
kyrrðarstund í Kapellu vonarinnar.
Súpa í boði í Kirkjulundi.
KÓPAVOGSKIRKJA | Guðsþjónusta
kl. 11. Sr. Sigurður Arnarson prédikar
og þjónar fyrir altari. Kór Kópavogs-
kirkju syngur undir stjórn Lenku Má-
téová, kantors. Sunnudagaskólinn
hefst á ný eftir jólafrí kl. 11 í safn-
aðarheimilinu Borgum. Mál dagsins
hefst að afloknu jólafríi þriðjudaginn
14. janúar nk. kl. 14.30.
LANGHOLTSKIRKJA | Messa og
sunnudagaskóli kl. 11. Léttur hádeg-
ismatur að messu lokinni. Guðbjörg
Jóhannesdóttir sóknarprestur þjónar,
Magnús Ragnarsson er organisti og
Sönghópurinn Cantoque syngur.
LAUGARNESKIRKJA | Fjölskyldu-
guðsþjónusta kl. 11 með þátttöku
ungleiðtoga úr æskulýðsstarfi kirkj-
unnar. Sr. Davíð Þór Jónsson leiðir
stundina. Kaffi og samvera í safn-
aðarheimilinu á eftir.
Miðvikudagur 15.1. kl. 10-12. For-
eldrasamvera í safnaðarheimilinu.
Fimmtudagur 16.1. kl. 12. Sameig-
inleg kyrrðarstund Laugarnes- og Ás-
sókna í Áskirkju. Opið hús á eftir.
Hásalurinn Hátúni 10 kl. 4. Helgi-
stund með sr. Davíð Þór Jónssyni.
LÁGAFELLSKIRKJA | Guðsþjónusta
kl. 11, sr. Ragnheiður Jónsdóttir þjón-
ar fyrir altari. Aðalbjörg Egilsdóttir, líf-
fræðingur og fulltrúi unga fólksins á
loftslagsráðstefnunni í Madríd, heldur
ræðu. Kirkjukór Lágafellssóknar syng-
ur og leiðir söng undir stjórn Þórðar
Sigurðarsonar organista. Kirkjuvörður
er Bryndís Böðvarsdóttir.
Sunnudagaskóli kl. 13 í umsjá Berg-
lindar Hönnudóttur og Þórðar Sigurð-
arsonar.
Sjá www.lagafellskirkja.is
LINDAKIRKJA í Kópavogi | Sunnu-
dagaskóli kl. 11. Messa kl. 20. Kór
Lindakirkju syngur undir stjórn Óskars
Einarssonar. Sr. Guðmundur Karl
Brynjarsson þjónar.
NESKIRKJA | Messa og barnastarf
kl. 11. Sameiginlegt upphaf. Félagar
úr Kór Neskirkju leiða safnaðarsöng.
Organisti er Steingrímur Þórhallsson.
Prestur er Skúli S. Ólafsson. Söngur
og gleði í sunnudagaskólanum. Um-
sjón Margrét Heba Atladóttir, Gunnar
Th. Guðnason, Árni Þór Þórsson og Ari
Agnarsson. Samfélag og kaffisopi eft-
ir messu á Torginu.
NJARÐVÍKURKIRKJA Innri-
Njarðvík | Kvöldsamvera kl. 20.
Gestafyrirlesari.
ÓHÁÐI SÖFNUÐURINN | Messa
sunnudag kl. 14. Fjölskyldumessa,
tónlist við hæfi unga fólksins og
barnanna. Séra Pétur Þorsteinsson
þjónar, Kristján Hrannar stjórnar
hljómlist og kór. Barnastarf og maul
eftir messu. Messugutti er Petra Jóns-
dóttir og Ólafur Kristjánsson mun taka
vel á móti kirkjugestum.
SALT kristið samfélag | Sameig-
inlegar samkomur Salts og SÍK kl. 17
alla sunnudaga í Kristniboðssalnum
Háaleitisbraut 58-60. Barnastarf.
Túlkað á ensku.
SELJAKIRKJA | Barnaguðsþjónusta
kl. 11. Jóhanna Elísa og Erla Björg
leiða stundina. Guðsþjónusta kl. 14.
Sr. Jón Ómar Gunnarsson prédikar,
Kór Seljakirkju leiðir söng. Organisti er
Tómas Guðni Eggertsson.
SELTJARNARNESKIRKJA |
Fræðslumorgunn kl. 10. Kristján 10.
og dagbækur hans. Borgþór V.
Kjærnested, leiðsögumaður og túlkur,
talar.
Guðsþjónusta og sunnudagaskóli kl.
11. Hljómsveitin Sóló kemur í heim-
sókn og leikur í athöfninni. Sóknar-
prestur þjónar. Organisti kirkjunnar
leikur á orgelið. Leiðtogar sjá um
sunnudagaskólann. Félagar úr
Kammerkór Seltjarneskirkju leiða al-
mennan safnaðarsöng. Kaffiveitingar
eftir athöfn í safnaðarheimilinu.
SKÁLHOLTSDÓMKIRKJA | Messa
sunnudag kl. 11. Sr. Egill Hall-
grímsson annast prestsþjónustuna.
Organisti er Jón Bjarnason.
VÍDALÍNSKIRKJA | Sunnudaga-
skólahátíð kl. 11. Leikkonurnar Ást-
hildur Úa Sigurðardóttir, Berglind
Halla Elíasdóttir og Steinunn Arin-
bjarnardóttir flytja leikritið Vitringarnir
snúa aftur heim eftir Matthildi Bjarna-
dóttur. Barnakórar Vídalínskirkju
syngja. Sameiginleg messa Víðistaða-
sóknar og Garðaprestakalls kl. 14. Sr.
Bragi Ingibergsson prédikar og sr.
Hans Guðberg Alfreðsson, sr. Henning
Emil Magnússon og Margrét Gunn-
arsdóttir djákni þjóna. Gaflakórinn.
Kaffi í safnaðarheimilinu. Garðálfarnir
syngja.
Orð dagsins: Þegar
Jesús var tólf ára.
(Lúk. 2)
Morgunblaðið/Sigurður Ægisson
Reykjahlíðarkirkja.