Morgunblaðið - 22.02.2020, Síða 43

Sad Party er fimmta breiðskífa
Sin Fang. Hér leitar hann aftur
í ræturnar, eftir dans við r og b-
skotna strauma á síðasta verki.
TÓNLIST
Arnar Eggert Thoroddsen
arnareggert@arnareggert.is
Það fór ekki sérstaklega mikið fyrir þess-ari plötu Sin Fang, sem er listamanns-nafn Sindra Más Sigfússonar, hérlendis.
Platan kom út í nóvember síðastliðnum á vegum
Morr Music, sem á varnarþing í Berlín, en
starfssvið Sin Fang hefur einkanlega verið á al-
þjóðavettvangi og það skýrir mögulega hversu
lítt vatnið gáraðist hér heima.
Síðasta plata Sin Fang, Spaceland (2016),
var ákveðinn spássitúr utan alfaraleiðar. Eftir
að hafa gefið út gjörsamlega pottþéttar plötur
fram að því (Clangour, 2008; Summer Echoes,
2011 og Flowers, 2013), allt verk sem dönsuðu
fullkomlega á mörkum aðgengilegheita og til-
raunastarfsemi, var einfaldlega kominn tími á
eitthvað annað. Formið á
þessum þremur fyrstu plöt-
um, knýjandi rafpopp með
dassi af sýru, marglaga flæði
í lögum sem hljómuðu sum
hver eins og það væru fjögur
lög í gangi í einu (en samt
bara eitt!) var glæsilegt.
Fagurfræðin fullmótuð og urðu plöturnar bara
betri eftir því sem á leið (dómar mínir í Morg-
unblaðinu einkenndust af æ fleiri upphróp-
unarmerkjum og „hvernig fer hann að þessu?“
vangaveltum). Á Spaceland reyndi Sin Fang sig
hins vegar við hálfgert r og b eins og það er
stundum kallað, en samt með sínu lagi. Nauð-
synlegt hliðarspor mætti segja, ekki var hægt
að gera fjórðu plötuna í röð með gamla laginu,
og hið Sin Fang-skotna r og b var með hinu
besta móti, enda virðist Sindri eiga erfitt með
að skila frá sér slöppu verki, að minnsta kosti
hefur ekkert slíkt gerst á minni vakt. Og er hún
orðin giska löng. Á milli þessarar plötu og
Spaceland kom svo Team Dreams út, samvinnu-
verkefni hans, Sóleyjar og Örvars Smárasonar
og var sú samvinna með miklum ágætum. Þrír
plúsar bjuggu þar til risastóran plús, tónlistin
glettilega vel heppnuð samsuða af stílum þeirra
allra.
Sad Party er hins vegar ekki af þeim tog-
anum. Sindri er búinn að skipta úr „svörtu“ yfir
Társtokkið teiti
í „hvítt“ á nýjan leik, ef svo mætti segja. Út með
sálartónlistarspretti, inn með gamla góða ný-
bylgjuskapalónið sem stendur undir fyrri verk-
um. Platan byrjar á tæplega sjö mínútna ósung-
inni stemmu, „Planet Arfth“, eins og þriðja
Blade Runner-myndin sé að fara í gang. Svo er
skellt í „Hollow“, sungið af angurværri rödd
Sindra, melódískt og með þessum endalausu
tónþráðum sem eru einkennismerki Sin Fang.
Ágætlega hamingjurík framvinda einkenn-
ir „Hollow“, sem var fyrsta smáskífa plötunnar.
En þó er að finna þar línuna „When you feel so
hollow inside“. Snilld! Platan rennur svo með
líkum hætti, nefni þó sérstaklega hið frábæra
„Smother“. Þetta er sumpart svo erlendis eitt-
hvað, drengurinn ætti í raun að vera mun
þekktari en hann raunverulega er. Platan er
brotin upp um miðbikið með annarri ósunginni
stemmu, ögn víraðri en hinni fyrstu. „Con-
stellations“ lokar svo verkinu með reisn. Stönd-
ug og gerðarleg plata eins og allt sem maður
hefur heyrt frá pilti. Umslagið, hannað af Ingi-
björgu Birgisdóttur eins og fyrri umslög, er þá
enn ein neglan á því sviðinu. Sin Fang færir
okkur enda alltaf mjög svo heildstæðan pakka,
þar sem allt, hvort sem það eru lög, ljósmyndir
eða svipbrigði, er í fullkomnu jafnvægi. Er það
vel, svo ég noti einn af mínum uppáhalds-
frösum.
»Út með sálartónlistar-spretti, inn með gamla
góða nýbylgjuskapalónið sem
stendur undir fyrri verkum.
Tvíeind Sindri Már Sigfús-
son stendur á bak við lista-
mannsnafnið Sin Fang.
MENNING 43
MORGUNBLAÐIÐ LAUGARDAGUR 22. FEBRÚAR 2020
Leikfélag Kópa-
vogs frumsýnir í
kvöld kl. 20 leik-
ritið Fjallið í hús-
næði sínu að
Funalind 2. „Við
sem lifum venju-
legu lífi þekkjum
ekki hvað það er
að vera stöðugt
metin í skoðana-
könnunum. Stjórnmálamenn eru
ávallt undir smásjá, metnir í skoð-
anakönnunum og þurfa að taka mið
af niðurstöðum. Stíga niður eða
stíga fram. Þegar persónan „Einar
ráðherra“ fær afleita niðurstöðu úr
slíkri könnun rétt fyrir kosningar,
er aðeins um eitt að ræða. Að koma
með krassandi hugmynd, svo magn-
aða að allir kjósendur kikna í
hnjánum og kjósa hann aftur. Sum-
ir lofa öllu fögru en aðrir eru menn
framkvæmda og láta verkin tala.
Slíkur ráðherra er Einar í gaman-
leikritinu Fjallið eftir Örn Alexand-
ersson,“ segir í tilkynningu. Höf-
undur leikstýrir og aðstoðarleik-
stjóri er Sigrún tryggvadóttir.
Leikfélag Kópa-
vogs sýnir Fjallið
Einar ráðherra.
Nánari upplýsingar um sýningartíma á sambio.is
SÝND MEÐ ÍSLENSKU OG ENSKU TALI
 Rás 2
 FBL
m.a.
ÓSKARSVERÐLAUN3
BESTA KVIKMYNDATAKAN
BESTA MYNDIN
m.a.
ÓSKARSVERÐLAUN4
ÓSKARSVERÐLAUN
BESTI LEIKARINN: Joaquin Phoenix
BESTA TÓNLISTIN: Hildur Guðnadóttir2
Útgáfu fyrstu
hljómplötu
hljómsveit-
arinnar The
Ghost Choir
verður fagnað í
dag í versluninni
Lucky Records
sem jafnframt er
útgefandi plöt-
unnar. Teitin
hefst kl. 15 og verður platan fyrst
leikin og kl. 16 tekur hljómsveitin
við og leikur nokkur lög. Áður en
teitin hefst, frá kl. 12 til 15, mun
King Lucky taka „Soul 45’s“ DJ sett
og boðið verður upp á léttar veit-
ingar. Hljómsveitina skipa Magnús
Trygvason Eliassen, Hálfdán Árna-
son, Pétur Hallgrímsson, Hannes
Helgason og Jóhannes Pálmason.
Tónlist The Ghost Choir er lýst sem
blöndu af „cinematic groove“,
djassi og súrkálsrokki og er hún
sögð tvinna saman á skemmtilegan
hátt ólíka og fjölbreytta bakgrunni
hljómsveitarmeðlima.
The Ghost Choir
fagnar frumburði
Magnús T. Eliassen