Morgunblaðið - 13.03.2020, Side 27

ÍÞRÓTTIR 27
MORGUNBLAÐIÐ FÖSTUDAGUR 13. MARS 2020
 Jóhann Berg Guðmundsson missir
af enn einum leiknum með Burnley á
morgun þegar lið hans á að sækja
Manchester City heim í ensku úrvals-
deildinni í knattspyrnu. Jóhann hefur
ekkert getað spilað vegna meiðsla síð-
an 4. janúar og tvísýnt er orðið um
þátttöku hans í umspilsleiknum gegn
Rúmeníu sem fyrirhugaður er á Laug-
ardalsvellinum 26. mars, eftir þrettán
daga.
 Brendan Rodgers, knattspyrnu-
stjóri Leicester, staðfesti í gær að þrír
leikmanna liðsins væru komnir í
sóttkví þar sem þeir væru með ein-
kenni kórónuveirunnar. Þar með er
óvissa um næsta leik liðsins í ensku
úrvalsdeildinni en hann á að vera gegn
Watford í hádeginu á morgun.
 Leikmenn knattspyrnu- og körfu-
knattleiksliða Real Madrid á Spáni
voru settir í sóttkví í gær eftir að leik-
maður körfuknattleiksliðsins greindist
með kórónuveiruna. Öllum leikjum á
Spáni hefur verið frestað næsta hálfa
mánuðinn.
 Íslensku U19 ára landsliðin í knatt-
spyrnu karla og kvenna fara ekki í
milliriðla EM í lok mars og byrjun apríl
eins og til stóð. Karlaliðið átti að leika
á Ítalíu en kvennaliðið í Hollandi en
UEFA ákvað í gær að báðum mótum
yrði frestað vegna kórónuveirunnar.
 Ferli Jóns Axels Guðmundssonar í
bandaríska háskólakörfuboltanum
lauk snögglega í gær. Nokkrum
klukkutímum áður en leikur Davidson
Wildcats og La Salle í fyrstu umferð
úrslitakeppninnar átti að hefjast í
Brooklyn var keppninni aflýst vegna
kórónuveirunnar. Jón Axel er því á
heimleið eftir fjögur ár
með liði Davidson
þar sem hann hefur
vakið mikla athygli
fyrir frá-
bæran
frammi-
stöðu.
Mögu-
legt er
að hann
spili með
Grindvík-
ingum í
úrslitakeppninni hér
heima, ef henni verð-
ur ekki aflýst.
Eitt
ogannað
HANDBOLTI
Guðmundur Karl
Víðir Sigurðsson
Íslandsmeistarar Selfoss eru að
heltast úr lestinni í baráttunni um
heimaleikjaréttinn í úrslitakeppn-
inni um Íslandsmeistaratitil karla í
handknattleik eftir stórt tap gegn
Haukum á heimavelli í Hleðsluhöll-
inni í gærkvöldi, 25:35.
Þetta eru sömu tölur og þegar
Selfoss sigraði Hauka fyrir tíu mán-
uðum og tryggði sér Íslandsmeist-
aratitilinn. Það er óhætt að segja að
mikið vatn hafi runnið til sjávar síð-
an. Selfyssingar hafa átt í ýmsum
meiðslavandræðum í vetur og stað-
an snarversnaði í gærkvöldi.
Haukur Þrastarson var greinilega
hálfur maður í fyrri hálfleik og fór
útaf snemma í seinni hálfleik,
meiddur framan á læri. Magnús
Öder Einarsson og Atli Ævar Ing-
ólfsson hrukku úr skaftinu snemma
leiks, Magnús líklega handarbrotinn
og Atli Ævar með heilahristing.
Fjarvera þessara lykilmanna af-
sakar þó ekki andleysið hjá Selfyss-
ingum. Haukar hreinlega pökkuðu
þeim saman í vörninni strax í upp-
hafi leiks og þeir vínrauðu voru al-
gjörlega ráðalausir og gerðu sig
seka um mörg mistök í fyrri hálfleik.
Varnarleikur Hauka var ákafur
en ekki grófur og þeir gerðu vel í að
stöðva Selfyssinga. Grétar Ari Guð-
jónsson var öflugur í markinu hjá
Haukum í fyrri hálfleik en munurinn
á liðunum lá ekki þar því markvörð-
urinn Alexander Hrafnkelsson var
besti maður Selfoss í fyrri hálfleik.
Einar Baldvin Baldvinsson tók við
keflinu í seinni hálfleik og átti góðar
vörslur sömuleiðis.
Með þessum góða varnarleik gátu
Haukar sveiflað refsivendinum
grimmilega í hraðaupphlaupum þar
sem Einar Pétur Pétursson var
fremstur í flokki að afgreiða þau.
Seinni hálfleikurinn var algjört
formsatriði fyrir Hauka. Þeir náðu
strax tíu marka forskoti og mun-
urinn varð mestur þrettán mörk,
27:14, þegar kortér var eftir. Selfoss
kláraði leikinn á unglingaliði sínu og
klóraði í bakkann þar sem Daníel
Karl Gunnarsson og Tryggvi Þór-
isson voru duglegastir að skora. Hjá
Haukum átti Ólafur Ægir Ólafsson
mjög fínan leik og Einar Pétur var
sem fyrr segir frábær í sókninni.
FH á hælum Valsmanna
FH á enn möguleika á að ná deild-
armeistaratitlinum úr höndum Vals-
manna eftir sannfærandi sigur á
KA, 32:22, í Kaplakrika í gærkvöld.
FH er tveimur stigum á eftir Val
og er með innbyrðis úrslitin til góða
og myndi því vinna deildina ef liðin
enda jöfn að stigum. Valsmenn
þurfa til þess að tapa fyrir ann-
aðhvort KA eða Stjörnunni og FH-
ingar þyrftu þá að vinna Stjörnuna
og Fram í tveimur síðustu umferð-
unum.
Jóhann Birgir Ingvarsson skoraði
8 mörk fyrir FH, Ásbjörn Frið-
riksson og Leonharð Þorgeir Harð-
arson 6 hvor. Áki Egilsnes skoraði 8
mörk fyrir KA, Patrekur Stefánsson
og Jón Heiðar Sigurðsson 4 mörk
hvor. KA hefur ekki fengið stig í sex
leikjum á þessu ári.
Svöruðu fyrir skellinn í fyrra
 Haukar unnu Selfyssinga með
tíu marka mun fyrir austan fjall
Ljósmynd/Þórir Tryggvason
Fljótur Einar Pétur Pétursson var drjúgur í hraðaupphlaupunum fyrir
Hauka og skoraði átta mörk í leiknum á Selfossi í gærkvöld.
Sundsamband Íslands tilkynnti í
gær að Eyleifur Jóhannesson hefði
verið ráðinn yfirmaður landsliðs-
mála hjá sambandinu. Eyleifur á
langan þjálfaraferil að baki og hef-
ur verið yfirþjálfari Aalborg Svøm-
meklub í Danmörku undanfarin
þrettán ár þar sem hans fólk hefur
náð frábærum árangri, m.a. mörg
verðlaun á HM og EM. Eyleifur hef-
ur sjálfur verið valinn besti þjálfari
Danmerkur, bæði sem afreksþjálf-
ari og unglingaþjálfari. Hann lýkur
þessu tímabili með Aalborg og hef-
ur störf hjá SSÍ 1. ágúst.
Sundsambandið
ræður Eyleif
Morgunblaðið/Árni Sæberg
Heimkoma Eyleifur Jóhannesson
snýr heim frá Danmörku.
Valdís Þóra Jónsdóttir fór vel af stað
á South African Women’s Open-
golfmótinu á Westlake-vellinum í
Höfðaborg í Suður-Afríku í gær en
það er liður í Evrópumótaröðinni.
Valdís lék fyrsta hringinn á 72 högg-
um, á pari vallarins, og er í 17.-28.
sæti af 132 keppendum. Hún er að-
eins þremur höggum á eftir fjórum
efstu á mótinu. Guðrún Brá Björg-
vinsdóttir átti ekki eins góðan dag
en hún lék á 80 höggum, átta högg-
um yfir pari, og er í 116.-124. sæti.
Annar hringur er leikinn í dag og
eftir hann er niðurskurður.
Valdís fór vel af
stað í Höfðaborg
Ljósmynd/LET
Par Valdís Þóra Jónsdóttir er
framarlega í flokki á mótinu.
Hleðsluhöllin, Olísdeild karla,
fimmtudag 12. mars 2020.
Gangur leiksins: 2:2, 4:5, 5:7, 6:10,
7:12, 8:15, 10:19, 11:22, 12:24, 14:27,
20:29, 21:32, 25:35.
Mörk Selfoss: Daníel Karl Gunn-
arsson 5, Tryggvi Þórisson 5, Einar
Sverrisson 4/2, Haukur Þrastarson
4/1, Guðni Ingvarsson 2, Guðjón
Baldur Ómarsson 2, Alexander Már
Egan 1, Hergeir Grímsson 1, Arnór
Logi Hákonarson 1.
Varin skot: Alexander Hrafnkelsson
8/1, Einar Baldvin Baldvinsson 8/1.
SELFOSS – HAUKAR 25:35
Utan vallar: 12 mínútur
Mörk Hauka: Einar Pétur Pétursson
8, Ólafur Ægir Ólafsson 6/1, Brynj-
ólfur Snær Brynjólfsson 6, Atli Már
Báruson 4, Adam Haukur Baumruk
4, Heimir Óli Heimisson 3, Hjörtur
Ingi Halldórsson 2, Jón Karl Ein-
arsson 1, Gunnar Dan Hlynsson 1.
Varin skot: Grétar Ari Guðjónsson
10, Andri Sigmarsson Scheving 3.
Utan vallar: 16 mínútur
Dómarar: Sigurður Hjörtur Þrast-
arson og Svavar Ólafur Pétursson.
Áhorfendur: 311.
KÖRFUKNATTLEIKUR
Úrvalsdeild karla, Dominos-deildin:
Höllin Ak.: Þór Ak – Grindavík ........... 18.30
Blue-höllin: Keflavík – Þór Þ............... 20.15
1. deild karla:
Álftanes: Álftanes – Vestri .................. 19.15
Ice Lagoon-höll: Sindri – Selfoss ............. 20
HANDKNATTLEIKUR
Úrvalsdeild kvenna, Olísdeildin:
Framhús: Fram – Stjarnan ................. 19.30
1. deild kvenna, Grill 66-deildin:
Fylkishöll: Fylkir – Víkingur .............. 18.30
1. deild karla, Grill 66-deildin:
Laugardalsh.: Þróttur – Haukar U .... 19.30
Origo-höll: Valur U – Fjölnir U........... 19.30
Víkin: Víkingur – FH U ....................... 19.30
TM-höllin: Stjarnan U – Grótta ............... 20
KNATTSPYRNA
Deildabikar karla, Lengjubikarinn:
Origo-völlur: Valur – Víkingur Ó ............. 18
Vivaldi-völlur: Grótta – HK...................... 19
Eimskipsv.: Þróttur R. – Grindavík ........ 19
Víkingsv.. Víkingur R. – Fram............ 19.15
Würth-völlur: Fylkir – Keflavík............... 20
Í KVÖLD!
Manchester United vann í gærkvöld
sinn stærsta útisigur í Evrópu-
keppni í 55 ár þegar liðið lagði
LASK að velli, 5:0, í Linz í gærkvöld,
frammi fyrir galtómum leikvangi í
austurrísku borginni.
Þar með er nánast formsatriði
fyrir United að tryggja sér sæti í
átta liða úrslitum Evrópudeildar
UEFA en liðin eiga að mætast aftur
á Old Trafford næsta fimmtudag.
Mason Greenwood skoraði fjórða
markið, nýkominn inn á sem vara-
maður, og varð yngsti leikmaðurinn
í sögunni til að skora fimm Evr-
ópumörk fyrir Manchester United.
Hann var í gær 18 ára og 163 daga
gamall en George Best skoraði sitt
fimmta Evrópumark fyrir United
þegar hann var 19 ára og 291 dags
gamall árið 1966.
Odion Ighalo kom United yfir með
glæsilegu marki og þeir Daniel
James, Juan Mata og Andreas Pe-
reira komust líka á markalistann í
Linz.
Ragnar Sigurðsson var utan 18
manna hóps FC København sem
tapaði 1:0 fyrir Basaksehir í Ist-
anbúl á marki úr vítaspyrnu rétt fyr-
ir leikslok. Ragnar hefur verið tæp-
ur vegna meiðsla og aðeins spilað
Evrópuleiki liðsins eftir að hann
kom til Kaupmannahafnar.
Wolves er með ágæta stöðu eftir
jafntefli, 1:1, gegn Olympiacos í
áhorfendalausum leik í Grikklandi.
Youssef El Arabi kom tíu leik-
mönnum Olympiacos yfir en Pedro
Neto jafnaði fyrir Úlfana. Basel,
Leverkusen og Shakhtar Donetsk
unnu góða útisigra. vs@mbl.is
AFP
Linz Daniel James og Odion Ighalo skoruðu tvö fyrstu mörk Manchester
United í gærkvöld og fagna hér markinu sem James skoraði.
Greenwood sló
met George Best
 Manchester United vann 5:0 í Linz