Morgunblaðið - 21.03.2020, Blaðsíða 42

42 MENNING
MORGUNBLAÐIÐ LAUGARDAGUR 21. MARS 2020
Skeifunni 8 | Sími 588 0640 | casa.is
ER08 hægindastóll
Leður – verð 285.000,-
Tónlistarmenn hafa kallað eftir því
að Spotify greiði þeim hærri fjár-
hæð fyrir að streyma tónlist
þeirra, nú á tímum kórónuveir-
unnar með tilheyrandi tekjutapi
hinna ólíku atvinnugreina og þeirra
á meðal tónlistarmanna. Segir í
frétt dagblaðsins Guardian að ósk-
að sé eftir þrefaldri hækkun
greiðslna.
Nú hefur tónleikastöðum verið
lokað víða um heim þar sem
samkomubann ríkir og hefur það í
för með sér mikið tekjutap fyrir
tónlistarmenn. Þá hefur fjölmörg-
um tónleikaferðum líka verið slegið
á frest. Bandaríski tónlistarmaður-
inn Evan Greer stofnaði bænaskjal
þessa efnis á netinu og óskar þess
að Spotify þrefaldi greiðslur sínar
og leggi auk þess hálfa milljón doll-
ara í sjóðinn Sweet Relief sem ætl-
að er að styrkja tónlistarmenn sem
berjast í bökkum vegna veirunnar.
Í frétt Guardian segir að Spotify
gefi ekki upp hversu mikið veitan
greiði tónlistarmönnum fyrir hvert
streymi á verkum þeirra en sér-
fróðir munu hafa reiknað út að
0,00318 dollarar séu greiddir fyrir
hvert streymi, jafnvirði um 45 aura
í íslenskum krónum.
AFP
Stuð Maggie Rogers á sviði í teiti Spotify í Los Angeles sem helguð var
bestu nýju tónlistarmönnunum og hljómsveitunum í janúar síðastliðnum.
Óska eftir þrefalt
hærri greiðslu
Marteinn Þórsson kvikmyndagerð-
armaður mælir með kvikmyndum
og sjónvarpsþáttum sem hægt er
að horfa á heima hjá sér á meðan á
samkomubanni stendur.
„Það fyrsta sem maður á að
horfa á þegar maður er í sóttkví er
auðvitað Contagion eftir Steven
Soderbergh,
mjög fín vírus-
mynd sem fer
vel inn í ástandið
eins og það er
núna. Svo er
Outbreak eftir
Wolfgang Peter-
sen, ekki alveg
jafngóð en fínt
Hollywood-
popp.
Ef maður vill
meira blóð, þá er ein fyrsta mynd
Cronenbergs, Rabid, algjört svona
„must see“. Svo er athyglisverð
spænsk mynd, Los Ultimos Dias (e.
The Last Days), eftir Alex og Dav-
id Pastor. Hún gæti kveikt í
einhverjum.
Ef maður vill frí frá vírus-
myndum þá er ágætt að skoða
stórslysamyndir eins og Airport,
frá 1970 (og allar framhaldsmynd-
irnar) – það er hvort eð er enginn
að fljúga þessa dagana. Svo er gott
að hlæja aðeins að þessu öllu sam-
an og horfa á Airplane en sú mynd
tók fyrir stórslysamyndirnar á
eftirminnilegan hátt. Af því að við
búum á eldfjalli og vonumst öll eft-
ir smá gosi þessa dagana, þá eru
Dante’s Peak og Volcano ómiss-
andi, engir vírusar í gangi þar,
bara móðir jörð í „action“.
Þegar maður er búinn með þenn-
an skammt, þá er kannski ágætt að
horfa á eitthvað mannbætandi og
þar kemur Terrence Malick sterk-
ur inn með Tree of Life, ein falleg-
asta mynd um mannskepnuna sem
gerð hefur verið og ein mín uppá-
haldsmynd er finnska heimildar-
myndin Steam of Life, en meiri
fegurð er vandfundin.
Svona í lokin þá langar mig að
benda á HBO-seríuna Watchmen,
þar vantar nú ekki hugmyndaflug-
ið og útsjónarsemi kvikmynda-
gerðarmannanna/-kvennanna al-
veg einstök.
Það er ágætt að klára þetta á
annarri HBO-seríu sem heitir
Succession því þar er fjallað um
þetta margfræga 1% sem stjórnar
heiminum og er örugglega búið að
koma sér vel fyrir í sínum fínu bön-
kerum og fylgist með öllu úr fjar-
lægð og gæðir sér á eðalkampavíni
með nóg af gullbrydduðum klósett-
pappír nálægt dollunni.“
Mælt með í samkomubanni
Grín Úr kvikmyndinni Airplane.
Vírusar, slys og
náttúruhamfarir
Hryllingur Úr hrollvekjunni Rabid.
Marteinn
Þórsson
Silja Björk Huldudóttir
silja@mbl.is
„Þetta er okkar viðleitni til að halda
lífi í lokuðu húsi, gefa af okkur með-
an á samkomubanninu stendur og
vera í virku samtali við okkar góðu
gesti. Fyrst áhorfendur komast ekki
til okkar þá för-
um við til
þeirra,“ segir
Brynhildur Guð-
jónsdóttir
borgarleikhús-
stjóri um
streymisveitu
Borgarleik-
hússins sem fór í
loftið í upphafi
vikunnar, en við-
burðum er
streymt alla daga vikunnar kl. 12.
„Listin skiptir öllu máli á tímum
sem þessum til að létta fólki lund og
sýna samstöðu,“ segir Brynhildur og
tekur fram að dagskráin sé í stöð-
ugri mótun. „Enda erum við að fylla
inn í óþekktan ramma og búa til dag-
skrá sem ekki var fyrirséð fyrir
nokkrum dögum að við værum yfir-
höfuð að fara að búa til,“ segir Bryn-
hildur og hrósar samstarfsfólki sínu
fyrir elju. „Við höfum fengið afar
sterk viðbrögð við streyminu og það
gleður okkur,“ segir Brynhildur.
Reglulegur pestarlestur
Meðal þess sem boðið var upp á í
liðinni viku var listamannaspjall þar
sem Brynhildur ræddi við Ólaf Egil
Egilsson um sýningarnar Níu líf og
Elly, en Ólafur Egill skrifaði hand-
ritið og leikstýrði Níu lífum, sem
hlotið hefur afar góðar viðtökur
gagnrýnenda, og skrifaði handritið
að metsölusýningunni Elly í sam-
vinnu við Gísla Örn Garðarsson.
Í gær mætti Bubbi Morthens í
Borgarleikhúsið með gítarinn, tók
nokkur lög og sagði sögurnar á bak
við lögin. Bubbi verður með tónleika
alla föstudaga kl. 12 þar til sam-
komubanni lýkur. „Hugsanlega fær
hann með sér gestasöngvara úr sýn-
ingunni,“ segir Brynhildur og vísar
þar til söngleiksins Níu líf.
Maríanna Clara Lúthersdóttir og
Hjörtur Jóhann Jónsson hófu í vik-
unni upplestur á Tídægru eða
Decameron eftir Giovanni Bocc-
accio. Verkið setti Boccaccio saman
á árunum 1349-51 eftir að svarti-
dauði hafði geisað á Ítalíu með
gríðarlegu mannfalli. Streymt var
frá uppfærslu leikhópsins Ást & ka-
rókí á Skattsvik Development Group
og leiklesið var verkið Bláskjár eftir
Tyrfing Tyrfingsson. Í dag les Har-
aldur Ari Stefánsson söguna um
Gosa, en hann fer með hlutverk
spýtustráksins í uppfærslu Borgar-
leikhússins á Gosa. Á morgun verða
sýndar upptökur á bak við tjöldin frá
uppsetningu Borgarleikhússins á
söngleiknum Mary Poppins árið
2013. Upptökurnar má nálgast á
Youtube-rás Borgarleikhússins.
Ríkharði streymt á sunnudag
Spurð hvað verði á boðstólum
næstu daga segir Brynhildur að á
fimmtudag verði Hótel Volkswagen
eftir Jón Gnarr leiklesið. Í vikunni
verður einnig boðið upp á lista-
mannaspjall um Ríkharð þriðja eftir
Shakespeare þar sem þátt taka auk
Brynhildar þeir Hjörtur Jóhann,
sem fór með titilhlutverkið, og
Kristján Þórður Hrafnsson, þýðandi
verksins. „Upptöku af uppfærslu
Borgarleikhússins á Ríkharði þriðja
verður streymt sunnudaginn 29.
mars,“ segir Brynhildur, en um er
að ræða upptöku sem nemendur í
Borgarholtsskóla unnu sem hluta af
námi sínu í grafískri hönnun, kvik-
myndagerð og leiklist. „Þarna eru
listamenn og tæknimenn framtíðar-
innar, en þetta nám er til algjörrar
fyrirmyndar. Nemendur skólans
hafa síðustu ár tekið upp eina sýn-
ingu í Borgarleikhúsinu á ári og gef-
ið okkur,“ segir Brynhildur og bend-
ir á að sýningarnar séu teknar upp á
sex myndavélum og ávallt í miklum
gæðum. „Við höfum ekki sýnt þetta
opinberlega áður, en í ljósi aðstæðna
fannst okkur tilvalið að deila þessu
með almenningi.“ Aðspurð segir
Brynhildur allar æfingar liggja niðri
í Borgarleikhúsinu sem stendur.
„Vinna hefur haldið áfram með eina
sýningu,“ segir Brynhildur og vísar
þar til Veislunnar. „Aðstandendur
sýningarinnar eru að skrifa hand-
ritið og vinna það í fjarvinnu með
fundum gegnum netið,“ segir Bryn-
hildur að lokum.
Ljósmynd/Grímur Bjarnason
Leiksigur Hjörtur Jóhann Jónsson í hlutverki sínu sem Ríkharður þriðji.
„Okkar viðleitni til að
halda lífi í lokuðu húsi“
Brynhildur
Guðjónsdóttir
 Borgarleikhúsið með beint streymi alla daga kl. 12
Regina King í
Watchmen
Brian Cox í
Succession