Morgunblaðið - 27.04.2020, Blaðsíða 27

ÍÞRÓTTIR 27
MORGUNBLAÐIÐ MÁNUDAGUR 27. APRÍL 2020
 Knattspyrnumaðurinn Willum Þór
Willumsson var í byrjunarliði BATE
sem vann mikilvægan útisigur gegn
Gorodeya í efstu deild Hvíta-
Rússlands á laugardaginn síðasta.
Leiknum lauk með 2:0-sigri BATE en
Willum Þór lék allan leikinn með
BATE sem er í fjórða sæti hvít-
rússnesku úrvalsdeildarinnar með
10 stig, þremur stigum minna en
topplið Slutsk.
 Jesper Möller, formaður danska
knattspyrnusambandsins, segir
helmingslíkur er á því að Parken-
völlurinn í Kaupmannahöfn í Dan-
mörku geti hýst leiki á Evrópumeist-
aramóti karla í knattspyrnu næsta
sumar eins og til stóð. Upphaflega
átti EM 2020 að fara fram í sumar
en mótinu var frestað um ár vegna
kórónuveirufaraldursins. Kaup-
mannahöfn er ein tólf borga sem
áttu að hýsa EM en alls áttu þrír
leikir í riðlakeppninni að fara fram á
Parken og einn leikur í sextán liða
úrslitum keppninnar. Ástæða þess
að óvissa er um leikina á Parken er
Tour de France-hjólareiðakeppnin
sem á að fara fram í Kaupmanna-
höfn á sama tíma. Danska knatt-
spyrnusambandið á enn eftir að fá
samþykki frá yfirvöldum í Danmörku
og Kaupmannahöfn fyrir að færa
leikina til næsta árs og er óvíst að
það sé hægt vegna hjólreiðakeppn-
innar.
 Lið í bandarísku NBA-deildinni í
körfuknattleik geta byrjað að æfa á
nýjan leik í byrjun maí en það er
ESPN sem greinir frá þessu. Þetta á
aðeins við um lið í deildinni sem eru
á svæðum þar sem baráttan gegn
kórónuveirunni hefur gengið vel en
síðast var leikið í deildinni 11. mars
síðastliðinn.
Forráðamenn deildarinnar eru áfram
bjartsýnir á að hægt verði að klára
tímabilið í sumar og hefur það verið
í umræðunni að spila alla úr-
slitakeppnina í Las Vegas.
 Pierre-Emerick Aubamayeng, fyr-
irliði enska knattspyrnufélagsins
Arsenal, mun að öllum líkindum yf-
irgefa félagið í sumar en það eru
enskir fjölmiðlar sem greina frá
þessu. Aubameyang er samnings-
bundinn Arsenal til sumarsins 2021
en þénar í kringum 200.000 pund á
viku hjá félaginu en það samsvarar
rúmlega 36 milljónum íslenskra
króna. Arsenal er ekki tilbúið að
hækka Gabon-manninn, sem er orð-
inn þrítugur að árum, í launum og
því er félagið nú tilbúið að selja
hann á meðan það fær
eitthvað fyrir hann.
Aubameyang kom til
Arsenal í janúar
2018 frá Bo-
russia
Dort-
mund í
Þýska-
landi en
hann
kost-
aði 60
millj-
ónir
punda. Arsenal
vill fá svipaða
upphæð fyrir leik-
manninn í sumar
en Barcelona og
Inter Mílanó hafa
bæði áhuga á
leikmanninum.
Eitt
ogannað
HANDBOLTI
Jóhann Ingi Hafþórsson
johanningi@mbl.is
Handknattleiksmarkvörðurinn Grétar
Ari Guðjónsson er orðinn leikmaður
Nice í Frakklandi. Kemur hann til fé-
lagsins frá Haukum, þar sem hann
hefur verið aðalmarkvörður síðustu
tvö tímabil. Grétar hefur alla tíð leikið
með Haukum, fyrir utan lánsdvöl hjá
Selfossi og ÍR. Grétar, sem er 24 ára,
var fastamaður í yngri landsliðum Ís-
lands. Þá var hann aðalmarkvörður
U18 landsliðsins sem vann brons á
HM 2015. Grétar skrifaði undir
tveggja ára samning við franska félag-
ið.
Ekki pressa að fara upp
„Ég heyrði fyrst í þeim fyrir um
þremur vikum og þetta tók ekki lang-
an tíma eftir það. Í rauninni fékk ég
sólarhring til að ákveða hvað ég ætlaði
að gera, þar sem félagið var að tala við
annan markvörð á sama tíma,“ sagði
Grétar, sem hafði einhverja aðra
möguleika, en Nice var sá mest spenn-
andi að hans mati. „Það voru einhver
önnur félög, en ekki margt sem var
spennandi. Eftir að faraldurinn skall á
fækkaði möguleikunum.“
Nice hafnaði í níunda sæti af fjórtán
liðum í deildinni á síðustu leiktíð. Vann
liðið níu leiki og tapaði níu leikjum
sömuleiðis. Grétar segir markmiðið
hjá félaginu ekki endilega að fara upp
um deild. „Ég hef ekki heyrt af því.
Það hefur verið stefna hjá félaginu að
búa til leikmenn og ég held að það sé
ekki mikið stress á því að fara upp
akkúrat núna,“ sagði hann og bætti við
að hann liti á Nice sem góðan stökk-
pall, sem myndi auka möguleikana á
að komast að hjá stærra félagi.
Kirsuber á toppinn
Nice er afar falleg borg í Suður-
Frakklandi við Miðjarðarhafið, milli
Marseille og Genóa á Ítalíu. Grétar er
skiljanlega spenntur fyrir flutningum
til Nice. „Ég fór þangað einu sinni í
Evrópukeppni með Haukum. Þetta er
fallegur staður og það er kirsuber á
toppinn að vera að flytja þangað. “B-
deildin í Frakklandi er töluvert sterk-
ari en deildin hér heima og sterkari en
flestar deildir á Norðurlöndunum.
Grétar er ánægður með skrefið, sem
hann segir gott sem fyrsta skref at-
vinnumanns.
Lágmark fjórir atvinnumenn
„Ég hef ekki fylgst með þessari
deild persónulega, þar sem maður er
ekki mikið að fylgjast með B-deildum,
en ég hef heyrt að ef þú ætlar að vera
með lið í þessari deild þurfirðu að vera
með að minnsta kosti fjóra atvinnu-
menn, svo þetta er ekki léleg deild.
Mér hefur verið sagt að þetta sé sterk-
ari deild en í Noregi og Svíþjóð, en
ekki mikið sterkari. Þá er hún ekki
eins sterk og danska deildin. Þetta er
örugglega svipað sterk deild og B-
deildin í Þýskalandi og gott fyrsta
skref í atvinnumennsku.“
Eftir afar góða spilamennsku
Hauka fyrir áramót gekk allt á aft-
urfótunum hjá liðinu á nýju ári. Hauk-
ar töpuðu fjórum deildarleikjum í röð í
febrúar og féllu sömuleiðis úr leik í
undanúrslitum bikarkeppninnar gegn
ÍBV. Liðið vann hins vegar sterkan
sigur á Selfossi í síðasta leiknum áður
en Íslandsmótinu var aflýst vegna kór-
ónuveirunnar.
„Okkur gekk illa í byrjun árs en svo
vorum við hægt og rólega að rétta úr
kútnum. Við töpuðum bara með einu á
móti Aftureldingu og unnum Selfoss
mjög sannfærandi. Það hefði verið
gaman að sjá úrslitakeppnina, þar sem
mér fannst þetta galopið.“
Dreymdi um að fara fyrr út
Markvörðurinn viðurkennir að hann
hafi viljað komast út fyrr, en að sama
skapi var hann ekki að flýta sér of mik-
ið. Vildi hann frekar bíða eftir rétta
tækifærinu, heldur en fyrsta tækifær-
inu.
„Fyrst dreymdi mig um að fara út
mjög snemma. Það hefur verið mark-
miðið að komast út eftir tímabilið síðan
ég byrjaði að spila í meistaraflokki.
Það hefur alltaf verið markmiðið að
standa sig fáránlega vel yfir tímabil og
fara síðan út, en það er auðvitað léttara
að segja það en að gera það. Ég ákvað
að vera ekki að flýta mér of mikið. Það
hafa komið upp möguleikar áður, en
ekki mjög spennandi.“
Grétar hefur verið viðloðandi lands-
liðið síðustu ár og er hann klár í að
klæða sig í landsliðstreyjuna, komi
kallið frá Guðmundi Guðmundssyni
landsliðsþjálfara. „Auðvitað er gaman
að spila með landsliðinu og það væri
mjög gott að vera valinn. Samkeppnin
er hörð akkúrat núna og sama hvað
Gummi myndi velja, þá væri ekkert
vitlaust í því. Ég væri ekkert ósáttur ef
ég yrði ekki valinn, en að sama skapi
væri auðvitað gaman að vera valinn,“
sagði Grétar Ari en hann hefur leikið
níu A-landsleiki á ferlinum.
Fékk sólarhring til að ákveða
 Grétar Ari gerði tveggja ára samning við Nice  Gott fyrsta skref í atvinnu-
mennsku  Lengi verið draumurinn  Möguleikunum fækkaði vegna veirunnar
Morgunblaðið/Hari
Markvarsla Grétar Ari Guðjónsson hefur skrifað undir tveggja ára samning við Nice í Frakklandi.
Körfuknattleikskonan Keira Rob-
inson hefur framlengt samning sinn
við Skallagrím sem leikur í úrvals-
deild kvenna. Keira er 25 ára göm-
ul en hún var algjör lykilmaður í
liði Skallanna á síðasta tímabili.
Hún skoraði 24 stig að meðaltali í
leik á síðustu leiktíð, ásamt því að
taka níu fráköst og gefa fimm stoð-
sendingar. Keira átti stórleik í úr-
slitum bikarkeppninnar þegar
Skallagrímur vann sinn fyrsta bik-
armeistaratitil en hún skoraði 32
stig í úrslitum gegn KR í Laugar-
dalshöll og tók ellefu fráköst.
Lykilkona áfram í
Borgarnesi
Ljósmynd/KKÍ
Lykill Keira Robinson er einn besti
leikmaður úrvalsdeildarinnar.
Handknattleiksdeild Stjörnunnar
samdi við fimm leikmenn í bæði
karla- og kvennaflokki á dögunum.
Kvennamegin ganga til liðs við
Stjörnuna þær Heiðrún Dís Magn-
úsdóttir frá Fram, Anna Karen
Hansdóttir frá Horsens í Danmörku
og Liisa Bergdís Arnarsdóttir frá
Noregi. Þá samdi karlalið félagsins
við þá Dag Gautason frá KA og Pét-
ur Árna Hauksson frá HK. Patrek-
ur Jóhannesson mun þjálfa karlalið
Stjörnunnar á næstu leiktíð en Rak-
el Dögg Bragadóttir kvennaliðið.
sport@mbl.is
Penninn á lofti í
Garðabæ
Morgunblaðið/Eggert
Vistaskipti Pétur Árni Hauksson er
kominn til Stjörnunnar frá HK.
Yfirvöld og knattspyrnusambönd
víðsvegar í Evrópu sjá nú fyrir end-
ann á kórónuveirufaraldrinum sem
hefur herjað á heimsbyggðina und-
anfarnar vikur. Allt íþróttalíf hefur
nánast legið niðri í Evrópu og allar
knattspyrnudeildir í álfunni, nema í
Hvíta-Rússlandi, hafa verið í dvala
vegna veirunnar.
Nú sér loksins fyrir endann á far-
aldrinum en Pólverjar voru fyrstir
Evrópuþjóðanna til þess að tilkynna
um nákvæma dagsetningu fyrir
endurkomu efstu deildarinnar. Ma-
teusz Morawiecki, forsætisráðherra
landsins, gaf grænt ljós á að leikar
gætu hafist á nýjan leik í lok maí og
verður fyrsti leikur í pólsku úrvals-
deildinni, eftir hlé, þann 29. maí
næstkomandi.
Síðast var leikið í deildinni 9. mars
síðastliðinn en alls eru fjórar um-
ferðir eftir af deildarkeppninni þar í
landi og svo tekur við úrslita- og fall-
keppni. Pólverjar ætla sér að ljúka
leik í síðasta lagi 19. júlí en Böðvar
Böðvarsson er eini Íslendingurinn í
deildinni og leikur hann með Jagiel-
lonia sem er í áttunda sæti af sextán
liðum.
Þá ætla Norðmenn sér að hefja
leik í efstu deild 23. maí en upp-
haflega átti tímabilið þar í landi að
hefjast 4. apríl. Því var svo aftur
frestað til 2. maí en Norðmenn eru
vongóðir um að fyrstu leikir tíma-
bilsins geti farið fram 23. maí.
Stjórnvöld í Noregi tilkynntu um
helgina að samkomubann yrði í
landinu út ágúst en bannið miðast
við samkomur með 500 manns eða
fleiri. Það er því ljóst að engir áhorf-
endur verða leyfðir á leikjum í
norsku úrvalsdeildinni fyrr en í sept-
ember í fyrsta lagi. bjarnih@mbl.is
Evrópa sér fyrir endann á faraldrinum
Ljósmynd/@LegiaWarsa
Æfing Legia Warszawa er með átta
stiga forskot á toppnum í Póllandi.