Fjölrit RALA - 10.04.1992, Qupperneq 62

Korpa 1991
Skynmat á gulrótum.
54
Sex starfsmenn fæðudeildar og efnagreiningastofu smökkuðu gulræturnar, bæði hráar og
soðnar. Smakkað var sameiginlega og komist að sameiginlegri niðurstöðu um hvern stofn
fyrir sig.
Gulræturnar voru burstaðar upp úr köldu vatni og skornar í sneiðar. Helmingur sýnisins
var soðinn í álformi í ofni í 15 mínútur. Fyrst voru allar tegundirnar smakkaðar hráar og
síðan soðnar í sömu röð. Lagt var mat á sömu þætti og í fyrra, þ.e. lit, áferð, sætleika og
bragðgæði í heild.
Eftirfarandi niðurstöður fengust:
Nantes Forto Liturinn er frekar ljós miðað við aðra stofna. Áferðin á hráu gulrótunum
þótti góð. Þær voru í meðallagi stökkar og meyrar. Sætar og mjög góðar á
bragðið. Eftir suðu eru þær mjúkar áferðar, í meðallagi sætar og mildar á
bragðið. Virðast tapa dálítið bragðinu við suðu.
Tourino Liturinn í meðallagi dökkur, stökkar, sætar og bragðgóðar. Eftir suðu eru
þær ennþá fremur stökkar, en frekar bragðdaufar og sykurbragðið verður
yfirgnæfandi.
Amsterd. Bak. í meðallagi dökkar á litinn, áferðin frekar mjúk, bragðdaufar og vottur af
vatnsbragði. Eftir suðu eru þær fallega appelsínugular á lit, en maukkenndar,
lítið sætar og með vatnsbragði. Virðast ekki þola suðuna vel.
Panther Litur í meðallagi, stökkar, ekki sérlega sætar, en sterkt gulrótarbragð.
Góðar. Eftir suðuna eru þær frekar dökkar á litinn, stinnar og með góða
áferð, ekki mikið sætar en bragðmiklar og mjög góðar á bragðið.
Nobles Dökkar á lit, mjög stökkar og meyrar, í meðallagi sætar, bragðmiklar og
mjög góðar. Eftir suðu eru þær dökkar á lit, stökkar og virðast ekki
fullsoðnar, lítið sætar, bragðdaufar og með vatnsbragði. Virðast ekki henta
vel til suðu.
Nantes Nant. Litur í meðallagi, góð áferð, veikt sætubragð, bragðlitlar en góðar. Eftir
suðu eru þær fallega appelsínugular á litinn, svolítið seigar, í meðallagi
sætar, mjög mildar á bragðið, en góðar.
Nantes Tops. Litur í meðallagi, harðar og seigar áferðar, ekki mjög sætar, stingandi
eftirbragð. Ekki sérlega góðar hráar. Eftir suðu eru þær frekar ljósar á
litinn, trefjakennd (en góð) áferð, frekar sætar, bragðmiklar og mjög góðar.
Suða virðist henta þeim afskaplega vel.
Rondino Frekar ljósar, stökkar og svolítið harðar, í meðallagi sætar, bragðmildar.
Eftir suðu eru þær ennþá dálítið harðar, bragðlausar fyrir utan sykurbragð.
Frekar vondar.