Harmonikublaðið - 01.05.2015, Page 15

Skagfirðingar í Skagafirði
Félag harmonikuunnenda í
Skagafirði heldur sína árvissu fjöl-
skylduhátíð harmonikuunnenda
á nýjum stað um Jónsmessuna,
19.-21. júní 2015.
Að undanförnu hafa þessar
hátíðir verið í Húnaveri, en að
þessu sinni var ákveðið að færa
hátíðina í Skagafjörð og urðu
Steinsstaðir í Lýtingsstaðahreppi
hinum forna fyrir valinu. Steins-
staðir eru um það bil 10 kíló-
metrum sunnan Varmahlíðar. A
Steinsstöðum er hin besta aðstaða
fyrir útilegufólk, auk þess sem
mjög stórt samkomuhús og sund-
laug er á staðnum. Síðast en ekki
síst er gistiheimili á Steinsstöðum,
en á þá aðstöðu hefur ætíð skort
í Húnaveri. Þar geta þeir haft það
notalegt, sem vilja komast á ekta
harmonikumót, án þess að eiga
færanlega gistiaðstöðu.
Dagskráin verður með hefð-
bundnum hætti, dansleikur á
föstudagskvöldi, skemmtidagskrá
um miðjan dag á laugardegi og
þá verður Kvenfélag Lýtings-
staðahrepps með kaffihlaðborð á
1 norðlenskri sumarblíSu. Mynd: Sigurður Harðarson
vægu verði. Fljótlega upp úr því
verður kveikt í kolunum á fjöl-
skyldugrillinu, þannig að heitt
verði orðið í þeim á kvöldverðar-
tíma. Dansleikur verður síðan að
kvöldverði loknum og gæðingar
teknir til kostanna.
Skemmtidagskráin er ekki full-
mótuð ennþá, en til að nefna
eitthvað má geta pistlahöfundar
og einnig verða á svæðinu ungir
harmonikuleikarar. Þá má reikna
með happdrætti og EG tónar
verða með árlega sölusýningu á
harmonikum, fylgihlutum og
fleiru.
Harmonikuleikarar í Skagafirði
hafa heimsótt leikskóla, eftir því
sem tækifæri hafa gefist en ferða-
veður hefur oftar en ekki verið
fremur óhagstætt í vetur, sem sett
hefur verulegt strik í reikninginn.
Ekki reyndist nægur áhugi fýrir
námskeiðinu í Reykjaskóla, sem
kynnt var í vor, en hugmyndin er
mjög góð og vel þess virði að
halda þessu máli vakandi.
Nú er á vegum félagsins verið að
æfa fýrir „Manstu gamla daga 5“,
sem er skemmtidagskrá í tali og
tónum, sem gengið hefur hjá
okkur nokkur undanfarin ár, en
tekið er fýrir að þessu sinni efni
áranna 1955 og fram yfir 1960.
Flutt verða lög sem vinsæl voru á
þessum tíma en sögumaður og
kynnir segir sögur og fréttir á
milli laga, sem tengjast tíma-
bilinu.
Hljómsveitina skipa: Jón St.
Gíslason og Aðalsteinn Isfjörð
með harmonikur, Margeir Frið-
riksson leikur á bassa, Jóhann
Friðriksson trommur. Sigfús
Benediktsson og Guðmundur
Ragnarsson leika á gítara. Söngv-
arar með hljómsveitinni eru þau
Guðrún Jónsdóttir og Róbert
Ottarsson. Mynddiskar frá þess-
ari skemmtidagskrá okkar verða
fáanlegir á Steinsstöðum um
Jónsmessuhelgina.
Með sumarkveðju,
Gunnar Agústsson
&
v
Árviss fjölskyldnhátið
lamoiihraiaeila íSkagalii®
Jónsmessuhelgina 19. - 21. júní - 2015
Fjölbreytt dagskrá í félagsheimilinu Árgarði. Tónleikar, dansleikir, glens og gaman.
Sameiginleg grillveisla þar sem gestgjafinn leggur til kol og grill.
Á Steinsstöðum er rekin fjölbreytt ferðaþjónusta. Þar er góð aðstaða fyrir húsbíla og
ferðavagna, auk þess sem seld er gisting á gistiheimili og í sumarhúsum.
Á staðnum er sundlaug með heitum pottum. Boðið er upp á morgunmat, hádegismat og
kvöldmat eftir pöntunum. Allar nánari upplýsingar um þjónustuna eru í síma 8998762
Taktu helgina frá og pantaðu tímanlega ef þú villt nýta þér gistiþjónustuna.
15