Harmonikublaðið - 01.05.2015, Blaðsíða 22

IÞA GOMLU GOÐU
/ wra/wx
Hér birtist með góðfúslegu leyfi Hilmars Hjartarsonar og
Þorsteins Rúnars Þorsteinssonar, síða úr Harmonikunni
frá október 1993. Þá var ýmislegt um að vera hjá Eyfirð-
ingum, ekki síður en nú.
Annríki hjá
F.H.U.E. í sumar
Frá því að maí blað Harmoníkunnar
kom út hefur ýmislegt verið um að vera
hjá F.H.U.E. Priðjudagskvöldið 4. maí
gekkst félagið fyrir lagakeppni í sam-
bandi við landsmót S.Í.H.U. en alis bár-
ust 10 lög í keppnina. Þriggja manna
dómnefnd valdi 5 lög í úrslitakeppni,
sem lyktaði með sigri „Sveitavalsins"
eftir Hörð Krístinsson og í öðru sæti
varð „Suðrænar nætur" eftir Atla Helga-
son og í þriðja sæti lenti „Ómur kyrrð-
arinnar" eftir Sigurð Leósson. Sveita-
valsinn var síðan fluttur af höfundi í
lagakeppninni á landsmótinu á Egils-
stöðum í sumar. Félagið tók að sjálf-
sögðu þátt í iandsmótinu en auk þess
hélt félagið tvo dansleiki í félagsheimil-
inu Lóni á Akureyri, þann fyrri í maí og
var þá einnig spiluð félagsvist og svo
þann 4. september s.l.
Menningarmálanefnd Akureyrar stóð
fyrir ýmsum uppákomum s.l. sumar, þar
sem margir komu fram og kallaði það
„Listasumar á Akureyri" Hinn 29. ágúst
á afmæli Akureyrar var samkoma í í-
þróttahöllinni í tilefni loka Listasumars,
og komu þar fram ýmsir listamenn, þar
á meðal söngvarinn Jóhann Már Jó-
hannsson. Við þetta tækifæri spilaði
stórsveit F.H.U.E. í um það bil hálfa
klukkustund.
Þann 25. júm' fór félagið í heimsókn
til Félags Harmoníkuunnenda í Skaga-
ftrði og var þar slegið upp balli að Mið-
garði þar sem heimamenn og Eyfirðing-
ar skiptust á að spila fyrir dansleiknum
auk þess sem stórsveit F.H.U.E. lék í
eina klukkustund. Var þar mikið fjör
enda eru Skagfirðingar þekktir fyrir að
vera miklir söng- og gleðimenn.
Helgina 23,- 25. júlí var haldið í
þriðja sinn, útilegumót að Breiðumýri í
samvinnu við Harmoníkufélag Þingey-
inga. Fremur fámennt var að þessu sinni
enda gaf veðurfar ekki tilefni til útilegu
á Norðurlandi um þessa helgi. Við
þessu má svosem alltaf búast en þá er
bara að sjá til hvort ekki tekst betur til á
næsta ári.
Eins og flestum er kunnugt hafa Sigl-
firðingar undanfarin tvö ár, staðið fyrir
uppákomum um verslunarmannahelgina
og kallað þær „Sfldarævintýrið á Sigió“.
Þar hefur verið reynt að endurvekja
sfldarstemmningu fyrri ára, þegar allt
snérist um sfld, og hefur það tekist með
ágætum. f þriðja sinn nú í sumar var
„Síldarævintýrið“ haldið og sóttu það
nokkur þúsund manns, í blíðskapar
veðri. Sunnudaginn 1. ágúst hélt föngu-
legur hópur frá Akureyri til Siglufjarðar
með rútu. Þarna var komin stórsveit
F.H.U.E. ásamt stjórnanda og fylgdar-
liði til að spila á „Síldarævintýrinu".
Hópurinn var ekki fyrr kominn á stað-
inn en stórsveitin var drifin niður á tog-
arabryggju , og þar alveg fram á kant,
því sjóstangaveiðimenn voru að koma
að landi, og var tekið á móti þeim með
kröftugu harmoníkuspili. Síðan var
haldið á hátíðarsvæðið f miðbænum, þar
spilaði stórsveitin nokkur lög, einnig
léku þeir nokkur lög Einar Guðmunds-
son og Jón Hrólfsson. Þar á eftir léku
einleik tveir siglfirskir harmoníkuleikar-
ar nokkur lög. Um kvöldið var slegið
upp balli á söltunarplaninu, þar lék stór-
sveitin í hálfa aðra klukkustund. Þá var
fjör á sfldarballinu og fólk dansaði sér
til hita og veitti ekki af, því það var orð-
ið kvöldsett.
Aðalfundur F.H.U.E. var haldinn 14.
september s.l. og er stjóm félagsins nú
þannig skipuð: Jóhannes Jónsson for-
maður, Hörður Kristinsson varaformað-
ur, Jóhann Sigurðsson ritari, Gunnlaug
Heiðdal gjaldkeri og Pétur Stefánsson
meðstjómandi. Varamenn eru Sigfús §r-
elíusson, Þorgerður Jónsdóttir og Sig-
urður Indriðason.
Þetta er það helsta sem er að frétta
frá félaginu nú á haustdögum þegar
vetrarstarf fer að hefjast, en þó veður
hafi ekki verið upp á það besta hér í
Eyjafirði í sumar, hefur viðrað vel í
harmoníkumálum.
Með harmoníkukveðju
Jóhannes B.
Jóhannsson
23