Harmonikublaðið - 01.05.2015, Blaðsíða 11

Að vökva blómið í 38 ár
Félag Harmonikuunnenda Reykjavík er brátt
að ljúka sínu 38. starfsári. I gegnum þessi ár
hefur starf félagsins einkennst af miklum
áhuga fyrir því verkefni sem félaginu var upp-
haflega ætlað. Haldið hefur verið uppi gegnum
árin skemmtifundum og dansleikjum m.m.
ásamt ferðalögum, innanlands sem utan af og
til og nú hin síðari ár var harmonikumóti um
verslunarmannahelgina bætt við starfsemina.
Allt hefur þetta nú gengið nær áfallalaust fyrir
sig sem betur fer, en menn sem stjórnað hafa
félagsskapnum vita vel að hlutirnir gengju
aldrei upp nema að þeir sem koma að málum
vinni allt sem hugsjónastarf, án launa.
Að halda uppi merki harmonikunnar er auð-
vitað hugsjón. Með þessu hljóðfæri hefur á
samkomum alþýðunnar verið haldið uppi
gleði við dans og söng áratugum saman eða
svo lengi sem elstu menn muna. Undir merki
hennar hefur fólk um allt land lært að dansa
hina fjölskrúðugu gömludansa eða þá dansa
sem við líði eru í það sinnið. Hér er óum-
deilanlega um menningararf að ræða sem þó
nær ekki til eyrna fjölmiðla, þrátt fyrir fjölda
þeirra í landinu.
Mitt félag (FHUR) hefur ævinlega lagt sig
fram um að stilla bæði félagsgjöldum og
aðgangseyri að samkomum í hóf, sem auð-
vitað hefur mælst vel fyrir en með því er ekki
öll sagan sögð. Sú starfsemi sem haldið hefur
verið uppi, krefst salarleigu í hvert sinn.
Umræddir salir eru leigðir fyrir umtalsverða
peninga þar sem inní kemur ákveðið starfs-
mannahald og ýmis önnur gjöld sem ríkis-
valdið hirðir.
Eg nefni þetta nú af þeirri ástæðu að mann
hefur undrað það að stjórnvöld hafi ekki reynt
að styðja við bakið á félögum sem halda uppi
menningarstarfi sem þessu, því engum
blöðum er um það að fletta að þjóðin yrði
fátækari án þessa. Eg kann ekki að nefna þær
mörgu milljónir sem Sinfoníuhljómsveit
Islands fær í styrk frá ríkinu, þó starf harmo-
nikufélaganna þyki ekki samanburðarhæft - og
þó? Málið er líka það að harmonikuleikur
flokkast ekki undir menningarblómann í
tónlistinni. Ætli það sé ekki líkt hvað varðar
hið stórmerka kórastarf í landinu.
Fyrir nokkrum árum tók ég þátt í alþjóðlegu
þjóðdansamóti í Rúmeníu þar sem m.a.
Rúmenar sýndu listir sínar á því sviði og
leyndist engum að þarna var á ferðini fagfóik.
Það kom á daginn að hinn mikli harðstjóri
Sjáseskú, sem ekki var þekktur fyrir að klappa
þjóð sinni með silkihönskum, studdi samt
ríkulega við bakið á þjóðdansahefðinni, sem
hefur virkilega blómstrað og viðhaldist fram
á þennan dag.
Ekkert launungarmál er að flest harmoniku-
félög í landinu eru á mörkum þess að geta
rekið sig. Hví ekki að senda inn smá styrkt-
arumsókn til síns sveitarfélags að kanna við-
brögðin, eða SIHU þreifi á stjórnvöldum svo
kanna megi viðhorfin þar á bæ?
Hvað sem öllu þessu líður er enn haldið uppi
mikilli starfsemi hjá FHUR þrátt fyrir að
Hilmar Hjartarson
reksturinn standi í járnum. Dansleikirnir eru
vinsælir enda boðið uppá fjölbreytta dans-
tónlist og ævinlega þrjár hljómsveitir, sem
koma fram í hvert sinn. Skemmtifundirnir
draga líka til sín drjúgt af fólki, enda reynt að
hafa þar fjölbreytt efni s.s. tónskáldakynn-
ingar. Svo er það stórhátíðin að Varmalandi
ekki síst, í hana er lögð mikil undirbúnings-
vinna sem skilað hefur fjölda gesta. Þangað
er líka oftast boðið erlendum gestaspilurum.
Með baráttukveðjum,
Hilmar Hjartarson.
Kveðja frá H.U.H.
Gleðilegt sumar góðir félagar!
Héðan úr Húnaþingi er lítið að frétta, nema það að stóri dagurinn
okkar var núna 18. apríl síðastliðinn er við fengum Harmonikuunn-
endur við Eyjafjörð í heimsókn til okkar. Er skemmst frá því að segja
að í Osbæ héldum við sameiginlegan dansleik, því við eigum gott
húsnæði en Eyfirðingar hafa marga og hreint frábæra hljóðfæraleikara,
sem héldu uppi miklu fjöri frá níu til eitt um nóttina.
Þessi heimsókn verður okkur hér ógleymanleg, svo skemmtileg var
hún í alla staði og þökkum við Eyfirðingum hjartanlega fyrir komuna
og minnum harmonikuunnendur sem áhuga hafa á, að þeir eru ávallt
velkomnir í Osbæ, á meðan við eigum húsnæðið og höfum getu til
að taka vel á móti þeim.
Að lokum viljum við minna á hátíð okkar og vina okkar, Dalamanna
í Ásbyrgi 12.-14. júní nk. Þar verða Nikkólína og Svenni Sigurjóns
í aðalhlutverki, ásamt skemmtun, kaffi og happdrætti á laugardeginum.
Sjáumst hress í sumar.
Kœr kveðja,
Sólveig I. Friðriksdóttir
EyfirSingar í Ósbœ á Blönduósi. Frá vintri: Jóhann Möller, Magnús Kristinsson, Steinunn
Einarsdóttir, Pálmi Bjömsson, Valberg Kristjánsson. Mynd: Filippía J. Sigurjónsdóttir
f ~ h
Heiðursfélagar SÍHU
Aðalsteinn ísfjörð, Baldur Geirmunds-
son, Bragi Hlíðberg, Karl Jónatansson
og Reynir Jónasson.
V______________________________________
11