Fréttablaðið - 17.12.2020, Qupperneq 32

Rauðar varir
eru sígildar
á jólunum.
FRÉTTABLAÐIÐ/
GETTYÞað er enginn litur jafn jólalegur og rauður. Hann hentar þó ekki öllum en litir
geta haft mikil áhrif á líðan og
tilfinningar fólks. Rauður er ákaf­
asti og tilfinningaríkasti liturinn,
enda litur ástarinnar. Rauður er
þá sagður tákna sjálfsöryggi og
er því tilvalinn fyrir þau sem eru
sorgmædd eða vantar hvatningu.
Þá er hann líka sagður góður
fyrir þau sem vilja ná árangri eða
markmiðum, vantar baráttuanda
eða leitast eftir því að vera líf­
legri.
Rauður er hins vegar ekki
sagður góður við samningagerð
eða ágreining. Þá er rauður ekki
talinn henta fólki með háan
blóðþrýsting, stuttan þráð og
þeim sem eru taugaóstyrk. Hann
hentar enn fremur ekki fólki
sem þjáist af síþreytu eða haus­
verkjum.
Áhrifaríkur litur
Victoria Beckham með svarta grímu,
í rauðum kjól og bleikum skóm.
Victoria Beckham heimsótti verslun sína í Dover Street í London fyrir nokkrum
dögum til að heilsa upp á starfsfólk
sitt. Það vakti gríðarmikla athygli
að hún var í rauðum skyrtukjól og á
bleikum hælaskóm. Haft var á orði
að hún væri tilbúin í hvaða jóla­
veislu sem væri.
Victoria er sögð hrifin af því að
blanda saman litum en einhverjum
finnst örugglega skrítið að sjá hana
í neonbleikum skóm við rauðan
kjól. Þess er reyndar getið í breska
Vogue að Victoria komi oft á óvart í
skóvali. Hún sást ganga um götur í
Los Angeles í svörtum gallabuxum,
hvítri skyrtu og neongrænum
skóm.
Þegar Beckhamhjónin mættu í
brúðkaup hjá fótboltakappanum
Sergio Ramos, leikmanni Real
Madrid, í fyrrasumar klæddist Vict­
oria sömu bleiku skónum. Þegar
hún síðan fór í hjólatúr í nágrenni
heimilis síns í Cotswold var hún í
gulum strigaskóm frá Reebok en
hún er í samstarfi við fyrirtækið.
Í ljósi þess ástands sem ríkir í
heiminum væri vel til fundið að
vera eins og Victoria og klæðast
litríkum skóm til að gleðja alla í
umhverfinu.
Í bleikum skóm
Jólakötturinn fær lyst á fólki um jól.
Í gamla sveitasamfélaginu var viðtekin venja að húsbændur gæfu heimilisfólki sínu nýja flík
og sauðskinnsskó fyrir jólin, til
að verðlauna það fyrir dugnað en
verkin sem vinna þurfti fyrir jól
voru mörg og einkenndust oft af
mikilli vinnuhörku.
Talað var um að þeir sem ekki
fengu nýja spjör fyrir jól „færu í
jólaköttinn“ og það vildi enginn
eiga á hættu, sama hvort þar væri
átt við að jólakötturinn æti þá eða
æti frá þeim matinn. Mikið kapp
var því lagt á að klára alla tóvinnu
og prjóna nýjar flíkur á heimilis­
fólkið áður en jólahátíðin gekk í
garð. Í dag er orðasambandið „að
fara í jólaköttinn“ enn notað um
þá sem ekki fá nýja flík fyrir jól og
þykir mörgum mikilvægt að vera í
nýjum klæðum frá toppi til táar, yst
sem innst, og helst með nýklippt
hár á aðfangadagskvöld.
Heimild: Árni Björnsson.
Saga daganna.
Enginn vill fara í
jólaköttinn
HÁGÆÐA KONFEKT
ÁN VIÐBÆTTS SYKURS
FULLKOMIÐ TIL AÐ DEILA
V
O
R
A
R
10 KYNNINGARBLAÐ FÓLK 1 7 . D E S E M B E R 2 0 2 0 F I M MT U DAG U R