Fréttablaðið - 18.12.2020, Blaðsíða 10

Hafðu samband í síma 568 8000
eða pantaðu gjafakort á borgarleikhus.is
Gefðu
barninu
Gosa
um jólin
STJÓRNSÝSLA „Við fögnum niður-
stöðu kærunefndar útboðsmála.
Það er hagur samfélagsins að farið
sé að lögum í útboðum hins opin-
bera og ekki síst í eins stórum og
mikilvægum málaflokki og þarna
var undir,“ segir Ómar S. Gíslason
viðskipta- og verkefnastjóri hjá
Reykjafelli ehf.
Kærunefnd útboðsmála segir að
Reykjavíkurborg og Vegagerðin
hafi átt að bjóða út innkaup á stýri-
búnaði fyrir umferðarljós en ekki
semja beint við fyrirtækið Smith
& Norland um búnað og þjónustu.
Þá sé Reykjavíkurborg skaðabóta-
skyld gagnvart Reykjafelli ehf.
vegna kostnaðar fyrirtækisins af
þátttöku í útboði á stýribúnaði
umferðarljósa.
Í lok nóvember í fyrra sendi
Reykjafell tvíþætta kæru til kæru-
nefndar útboðsmála. Annars vegar
kærði fyrirtækið samningsgerð
Reykjavíkurborgar og Vegagerðar-
innar við Smith & Norland hf. um
vélbúnað og hugbúnað auk þjón-
ustusamnings vegna uppfærslu á
miðlægri stýringu umferðarljósa
í Reykjavík. Hins vegar kærði
Reykja fell útboð borgarinnar á
rammasamningi um stýringu
umferðarljósa.
Vildi Reykjafell að samningarnir
við Smith & Norland yrðu gerðir
óvirkir og að útboðið á ramma-
samningnum yrði gert ógilt og að
það færi fram að nýju. Um viku eftir
að kæran barst hætti borgin sjálf við
útboðið á rammasamningnum og
vildi þá Reykjafell fá viðurkennda
skaðabótaskyldu borgarinnar gagn-
vart fyrirtækinu.
Borgin og Vegagerðin skiptu til
helminga kostnaði við samningana
við Smith & Norland sem saman-
lagður nam 21.240.235 krónum án
virðisaukaskatts. Kærunefndin
segir að þótt miðað sé við það hjá
sveitarfélögum – og þar með borg-
inni – að ekki þurfi að bjóða út
innkaup undir 28.752.100 krónum
gildi lægri fjárhæð um ríkið. Þar
sé miðað við 18.734.400 krónur og
þar með hafi sú upphæð átt að gilda
í viðskiptunum.
„Það verður ekki ráðið af gögnum
málsins að tæknilegar ástæður eða
lögverndaður einkaréttur hafi rétt-
lætt það að gerðir voru samningar
við Smith og Norland hf. 9. júlí 2019
án þess að meginreglan um að bjóða
skuli út innkaup yfir viðmiðunar-
fjárhæðum væri virt,“ segir í niður-
stöðu kærunefndarinnar.
„Verður ekki annað séð en að
stofnuninni hafi verið skylt að
bjóða umrædd innkaup út, enda
náðu þau fyrrgreindri viðmiðunar-
fjárhæð,“ heldur nefndin áfram.
Þar sem samningarnir við Smith
& Norland hafi þegar verið efndir
sé ekki um það að ræða að gera þá
óvirka. Hins vegar sé bæði Reykja-
víkurborg og Vegagerðinni gert að
greiða stjórnvaldssekt upp á 849.611
krónur hvorum aðila um sig. Að
auki á borgin að greiða Reykjafelli
eina milljón króna í málskostnað og
Vegagerðin hálfa milljón.
Þá er Reykjavíkurborg sögð
skaða bótaskyld gagnvart Reykja-
felli vegna kostnaðar fyrirtækisins
af því að taka þátt í rammaútboðinu
sem fellt var niður.
gar@frettabladid.is
Vegagerðin og borgin greiða
sektir fyrir brot í innkaupum
Reykjavíkurborg og Vegagerðin brutu lög með samningum við Smith & Norland og fá á sig sektir. Þeim
ber að greiða Reykjafelli ehf. málskostnað. Borgin á að greiða fyrirtækinu bætur vegna kostnaðar við út-
boð sem fellt var niður. Verkefnastjóri hjá Reykjafelli segist fagna niðurstöðu kærunefndar útboðsmála.
Deila Reykjavíkurborgar og Vegagerðarinnar við Reykjafell snérist um kaup á stýribúnaði og þjónustu fyrir umferðarljós í Reykjavík. FRÉTTABLAÐIÐ/VALLI
Það er hagur
samfélagsins að
farið sé að lögum í útboðum
hins opinbera.
Ómar S. Gíslason,
viðskipta- og
verkefnastjóri hjá
Reykjafelli ehf.
NÝSKÖPUN Bæjarráð Akureyrar
telur eðlilegt að í stjórn Tækniset-
urs í Vatnsmýrinni sé að minnsta
kosti einn stjórnarmaður búsettur
utan Reykjavíkur. Þá verði unnið
að útfærslu á því með hvaða hætti
jafna eigi möguleika fyrirtækja og
einstaklinga á landsbyggðinni til
þess að nýta aðstöðu og sérhæfðan
tækjabúnað í Vatnsmýrinni.
Bæjarráðið tók fyrir stjórnar-
frumvarp Þórdísar Kolbrúnar
Gylfadóttur, ferðamála-, iðnaðar-
og nýsköpunarráðherra um opin-
beran stuðning við nýsköpun. Ljóst
er að margir hafa áhyggjur af frum-
kvöðlum á landsbyggðinni. Akur-
eyringar telja óásættanlegt að leggja
fram jafn óljóst frumvarp.
„Bæjarráð skorar því eindregið á
ráðherra að setja fram skýr mælan-
leg markmið, árangursmælikvarða,
ábyrgðaraðila og fjármögnun,“ segir
í bókun bæjarráðs.
Ljóst er að landsbyggðin ber
skertan hlut frá borði þegar
kemur að úthlutunum úr sam-
keppnissjóðum. Í úttekt sem gerð
var að beiðni Vísinda- og tækni-
ráðs árið 2019 kom í ljós að lang-
flestir styrkir fóru til Reykjavíkur.
Árangurshlutfall umsókna var þó
breytilegt eftir svæðum og náðu
sumir landshlutar betri árangri
en höfuðborgarsvæðið. Vandinn
liggur því, samkvæmt frumvarp-
inu, fyrst og fremst í hversu fáar
umsóknir koma frá landsbyggðinni.
Hið sama á við um endurgreiðslur
til fyrirtækja vegna rannsókna og
þróunar. – bb
Nýsköpun er ekki bara fyrir borgarbúa
Ósætti ríkir um frumvarp um stuðning við nýsköpun. FRÉTTABLAÐIÐ/STEFÁN
COVID-19 Þó nokkrir Íslendingar
hafa sett sig í samband við heilsu-
gæslur landsins til að reyna að
bóka sér tíma í bólusetningu fyrir
COVID-19. Raunar svo margir að
Heilsugæsla höfuðborgarsvæðis-
ins sá ástæðu til að taka það fram
í tilkynningu í símsvara sínum að
ekki væri hægt að bóka tíma í bólu-
setningu strax.
Óskar Reykdalsson, forstjóri
Heilsugæslu höfuðborgarsvæðisins,
segir að ákveðið hafi verið að setja
upp tilkynninguna svo fyrirspurn-
um og tilraunum til tímabókana í
bólusetningu myndi fækka.
„Þangað til við settum þetta upp
var fólk mikið að hringja. Þetta var
aðeins farið að trufla þannig að við
ákváðum að það væri einfaldast
að taka þetta strax fram þegar fólk
hringir,“ segir Óskar.
Hann gerir ráð fyrir að enn sé
nokkuð í að Íslendingar fái nóg af
bóluefni svo hægt verði að bólusetja
alla sem vilja. Þegar það gerist muni
heilsugæslur landsins að sjálfsögðu
senda út tilkynningar um hvernig
hægt verði að bóka tíma í bólusetn-
ingu. – ókp
Ekki hægt að
bóka tíma í
bólusetningu
Óskar Reykdals­
son, forstjóri
Heilsugæslu
höfuðborgar­
svæðisins
VESTMANNAEYJAR Vestmannaeyja-
bær hefur átt í viðræðum við Lava
Spring um áform fyrirtækisins
um að byggja baðlón í Eyjum og
tilheyrandi starfsemi sem myndi
fylgja slíku aðdráttarafli. Viðræð-
urnar koma í kjölfar könnunar Vest-
mannaeyjabæjar á því hvort hægt
væri að nýta þá orku sem verður
til við byggingu nýrrar sorporku-
stöðvar í bænum til styrktar afþrey-
ingar- og ferðaþjónustu.
Samkvæmt áætlunum er gert
ráð fyrir að lónið yrði staðsett við
Skansinn og samhliða því yrði
byggð heilsulind. Þá hefur mögu-
leiki á sjósundsaðstöðu á svæðinu
verið skoðaður en svæðið yrði tengt
við hraunið úr eldgosinu frá 1973.
Lava Design hefur fengið heimild
Vestmannaeyjabæjar til að vinna
að forhönnun verkefnisins. Það
verður síðan í höndum Vestmanna-
eyjabæjar að undirbúa mögulegar
breytingar á aðalskipulagi og deili-
skipulagi bæjarins. – kpt
Skoða opnun
baðlóns í Eyjum
1 8 . D E S E M B E R 2 0 2 0 F Ö S T U D A G U R10 F R É T T I R ∙ F R É T T A B L A Ð I Ð