Víkurfréttir - 26.08.2020, Blaðsíða 70
Umfangsmikil uppbygging hafnar- og upptökumannvirkja í Njarðvík þar sem byggður yrði
skipaþjónustuklasi til að taka á móti og þjónusta stærstu fiskiskip landsins gæti skapað 250
til 350 bein og óbein störf á næstu þremur árum. Viljayfirlýsing var undirrituð um verkefnið
af fulltrúum Reykjaneshafnar, Reykjanesbæjar og Skipasmíðastöðvar Njarðvíkur sem á frum-
kvæðið að málinu.
„Mörg stærri fiskiskipa flotans hér
á landi hafa farið til útlanda til að
fá þjónustu, viðgerðir og viðhald.
Við ætlum að fjárfesta í yfirbyggðri
skipakví sem gæti tekið þessi stærri
skip. Það er því til mikils að vinna
fyrir okkur og samfélagið á Suður-
nesjum. Við teljum það ekki óraun-
hæft að á fáum árum gæti orðið til
í Njarðvík þekkingarklasi í viðhaldi
og þjónustu við skip sem teldi um
250 til 350 bein og óbein störf,“
segir Þráinn Jónsson, framkvæmda-
stjóri Skipasmíðastöðvar Njarð-
víkur, en hún er eitt elsta fyrirtæki
á Suðurnesjum og státar af 75 árum
í rekstri.
Yfirbyggð þurrkví fyrir
stór skip
Að sögn Þráins snýr verkefnið sem
hér um ræðir snýr að bættri aðstöðu
í Njarðvíkurhöfn þannig að unnt
sé að skapa tækifæri margra fyrir-
tækja til byggingar skipaþjónustu-
klasa sem getur umbylt aðstöðu til
þjónustu við íslenskan og erlendan
skipaflota og skapað fjölda starfa.
„Þar skiptir mestu að reist verður
yfirbyggð þurrkví sem getur sinnt
stórum skipum án veðuráhrifa allt
árið. Aðstaða við Njarðvíkurhöfn
verður þannig fyrir nánast allar
gerðir skipa fiskveiðiflotans. For-
senda þessa er að Reykjaneshöfn
geri nýjan skjólgarð í Njarðvíkur-
höfn sem mun umbreyta allri hafn-
araðstöðu þar og skapa möguleika
fyrir byggingu kvíarinnar.
Skipasmíðastöð Njarðvíkur und-
irbýr nú að fjárfesta í yfirbyggðri
skipakví sem væri rúmlega hundrað
metrar á lengd og yfir tuttugu
metra breið. Verkefnið er m.a. að ná
auknum hluta íslenskra skipa sem
nú sigla í slipp til annarra landa sem
og að ná skipum af norðurslóðum til
landsins,“ segir Þráinn.
Með umræddu húsi stórbætast
möguleikar á hvers kyns viðhalds-
verkefnum sem annars eru keypt
erlendis. Svo stór og yfirbyggð kví
ásamt landi og aðstöðu í og við
Njarðvíkurhöfn skapar skilyrði
fyrir skipaþjónustuklasa með mörg
hundruð störfum.
Þjónustuklasinn mun að sögn
Þráins leggja áherslu á þjónustu
við skip á norðurslóðum, íslensk
sem erlend, til viðhalds, breytinga
og endurnýjunar. Auknar kröfur
um betri mengunarvarnir í skipum,
skipti yfir í vistvæna orku og lækkun
orkukostnaðar, skapi ný tækifæri á
þessu sviði.
Hugmynd Skipasmíðastöðvar
Njarðvíkur gengur út á að nýta sér-
þekkingu á margvíslegum sviðum
sem safnast hefur upp hjá vél- og
stálsmiðjum víða á landinu. Öflug
málvinnslufyrirtæki og -smiðjur
fengju stóraukin tækifæri í verk-
efnum og þróun. Þannig yrði þjón-
ustuklasinn byggður á fjölda
fyrirtækja, hverju með sína sérhæf-
ingu.
– En hvað mun uppbyggingin
taka langan tíma?
„Þjónustuklasinn getur tiltölulega
fljótt skapað á annað hundrað störf
og samfélaginu umtalsverðar tekjur
til framtíðar. Bein vinna í hinni nýju
kví kallar á 70 til 80 heilsársstörf
auk óbeinna starfa. Varlega áætlað
er gert ráð fyrir að verkefni fyrst
um sinn tengd kvínni skapi þannig
um 120 störf. Ekki er óraunhæft að
ætla að á fáum árum gæti orðið til í
Njarðvík þekkingarklasi í viðhaldi og
þjónustu við skip sem teldi um 250
til 350 bein og óbein störf,“ segir
Þráinn en áætlaður framkvæmda-
tími verkefnisins er þrjú ár frá því að
fjármögnun þess liggur fyrir.
Skilningur frá yfirvöldum
Kjartan Már Kjartansson, bæjar-
stjóri, segir að búið sé að ræða við
yfirvöld og þingmenn og góður
stuðningur sé við málið en ríkið
kemur að byggingu varnargarða
sem er forsenda þess að hægt sé að
fara í byggingu kvíarinnar. „Þetta
er mjög jákvætt og skapar fjölda
starfa. Frumkvæðið kom frá Skipa-
smíðastöð Njarðvíkur og það er ein-
mitt það sem við hjá Reykjanesbæ
höfum verið að leita eftir og viljum
sjá, að frumkvæðið komi frá öðrum
aðilum en sveitarfélaginu. Verði
þetta að veruleika sem við getum
við bjartsýn um erum við líka að
bæta við fjölbreytileikann í atvinnu-
lífinu á svæðinu. Það er nauðsynlegt
og hefur komið berlega í ljós í nú í
heimsfaraldri þar sem Suðurnesin
hafa átt undir högg að sækja þar sem
svo mörg störf eru í flugstöðinni og
hennar nágrenni,“ segir Kjartan Már.
skapar hundruð starfa
á næstu þremur árum
skipasmíðastöð Njarðvíkur undirbýr byggingu stórrar og yfirbyggðrar skipakvíar á starfsvæði sínu.
reykjaneshöfn, í samvinnu við ríkið, byggir skjólgarð svo verkefnið sé mögulegt.
NÝR SKIPAÞJÓNUSTUKLASI Í NJARÐVÍK
MIKILVÆGT FYRIR
REYKJANESHÖFN
Halldór Karl Hermannson, hafnarstjóri Reykjaneshafnar, segir að þetta
sé frábært verkefni og muni hafa mikla þýðingu fyrir rekstur hafnarinnar.
Þarna erum við að styrkja starfsemi sem þegar er til staðar og gæti skilað
okkur bættum rekstri í framtíðinni. Rekstur hafnarinnar hefur lengi verið
þungur og uppbygging í Helguvík ekki gengið eins og stefnt hefur verið
að. Þá er ekki alltaf á vísan að róa í sjávarútvegnum, t.d. þá hefur makríll
sem hefur skilað höfninni all nokkrum tekjum undanfarin fimm ár ekki látið
sjá sig á Suðurnesjum í sumar. Við verðum því að horfa til nýrra tækifæra
og þarna er tækifæri sem lofar góðu, ekki eingöngu fyrir höfnina heldur
samfélagið í heild.
Kjartan Már Kjartansson, bæjarstjóri, Þráinn Jónsson, framkvædastjóri Skipasmíðastöðvar
Njarðvíkur og Halldór Karl Hermannsson, hafnarstjóri Reykjaneshafnar.
6 // vÍkurFrÉttir á suðurNEsJuM Í 40 ár