Víkurfréttir - 26.08.2020, Blaðsíða 12

Magnaður sigur Grindvíkinga
Grindvíkingar unnu ótrúlegan sigur á Þór frá Akureyri þegar liðin mættust í 13. umferð
Lengjudeildar karla í knattspyrnu. Grindvíkingar léku tveimur færri nærri hálfan leikinn.
Mikil harka var einkennandi fyrir leikinn og á
10. mínútu var Gunnari Þorsteinssyni, fyrirliða
Grindvíkinga, vikið af velli þegar hann braut
af sér í öftustu línu.
Eftir rúmlega hálftíma leik tók Oddur Ingi
Bjarnason góðan sprett upp völlinn og kom
boltanum á Alexander Veigar Þórarinsson sem
afgreiddi hann í netið. 1:0 fyrir Grindavík.
Oddur Ingi braut á markverði Þórs snemma í
seinni hálfleik og fékk að líta annað gula spjald
sitt og þar með rautt (51'). Grindvíkingar voru
því orðnir tveimur færri og nærri 40 mínútur
til leiksloka en þeir sýndu ótrúlega þrautseigju
og gáfu allt í leikinn.
Í uppbótartíma lá sókn Þórsara á marki Grind-
víkinga og áttu þeir m.a. skot í stöng en þeir
gulklæddu lokuðu markinu algerlega. Gríðar-
lega góð barátta í hörðum og erfiðum heimaleik
skilaði því Grindvíkingum þremur stigum og
þeir unnu annan leikinn sinn í röð. Með sigr-
inum eru þeir komnir upp að hlið Þórs með
sautján stig en einu marki lakara markahlutfall.
Josip Zeba átti frábæran leik í vörn
Grindvíkinga gegn Þór.
Myndir úr safni Víkurfrétta.
Sigurbirni Hreiðarssyni, þjálfara
Grindvíkinga, hefur líklega
ekki litist á blikuna þegar þeir
voru orðnir tveimur færri.
Oddur Ingi gerði vel í
aðdraganda marksins
en var svo rekinn af
velli í seinni hálfleik
12 // vÍkurFrÉttir á suðurNEsJuM Í 40 ár