Víkurfréttir - 26.08.2020, Blaðsíða 73

Vinna við fjárhagsáætlunargerð næsta árs og næstu fjögurra ára er komin af stað hjá Sveitarfélaginu Vogum.
„Að þessu sinni leggjum fyrr af stað í þessa vinnu en undanfarin ár, sem er mikilvægt ekki síst í ljósi þeirrar
óvissu sem framundan er í rekstrarumhverfinu,“ segir Ásgeir Eiríksson, bæjarstjóri í Vogum.
Bæjarstjórn og forstöðumenn hafa nú þegar
hist á vinnustofu og munu hittast aftur eftir
mánaðamótin. Á vinnustofunum er farið yfir
mikilvægi markmiðssetningar í fjárhagsáætl-
unargerðinni ásamt því að fjalla um verklag
og forgangsröðun. Allir forstöðumenn vinna
þessa dagana að tillögum sínum til bæjarráðs,
um rekstur stofnana þeirra á næsta ári.
„Ljóst er að fjölmargar áskoranir blasa við
okkur á næsta ári, því ljóst er nú þegar að gera
má ráð fyrir umtalsverðum tekjusamdrætti.
Þar kemur ýmislegt til, framlög Jöfnunarsjóðs
munu skerðast og gera má ráð fyrir að útsvar-
stekjur muni einnig dragast saman. Það lítur
því út fyrir að erfitt verði að ná endum saman
í rekstrinum á næsta ári að óbreyttu. Bæjar-
stjórn og stjórnendur sveitarfélagsins eru ein-
huga um að standa vörð um grunnþjónustuna
en gæta jafna ítrustu ráðdeildar og sparnaðar
svo reksturinn verði eins hagkvæmur og mögu-
legt er,“ segir bæjarstjórinn að endingu í pistli
á vef sveitarfélagsins.
Lögaðilar í ferðaþjónustu frá greiðslufrest
Fjármál og rekstur sveitarfélagsins í ljósi
COVID-19 var til umfjöllunar á síðasta
fundi bæjarráðs þar sem minnisblað bæjar-
stjóra og tillaga um framlengingu greiðslu-
frests fasteignagjalda fyrir lögaðila í ferða-
þjónustu var til umræðu.
Bæjarráð Sveitarfélagsins Voga hefur
samþykkt að framlengja gjaldfrest fasteigna-
gjalda lögaðila í ferðaþjónustu í sveitar-
félaginu til 15. nóvember 2020.
Sýningin komin til ára sinna og
undirstöður orðnar ryðgaðar
Eiríkur P. Jörundsson, safnstjóri
Byggðasafnsins, skýrði frá vinnu
sem nú stendur yfir vegna flutnings
á sýningu á bátaflota Gríms Karls-
sonar úr svonefndum Bátasal upp á
miðloftið í Bryggjuhúsinu á síðasta
fundi menningar- og atvinnuráðs
Reykjanesbæjar.
Ástæðan er tvíþætt; núverandi
sýning er komin til ára sinna og þá
hefur komið í ljós að undirstöður
undir glerskápum eru víða orðnar
ryðgaðar og gætu skapað hættu.
Verkefnið er jafnframt hluti af hug-
myndavinnu sem nú stendur yfir
varðandi endurskipulagningu Duus
safnahúsa.
Slökkviminjasafnið yfirtekið
og Rammi verði tekinn af söluskrá
Menningar- og atvinnuráð Reykja-
nesbæjar samþykkti á síðasta fundi
sínum að Slökkviminjasafnið á
Fitjum verði yfirtekið og í framhaldi
verði kortlögð sýning um varnar-
liðið til framtíðar.
Fjölmargar áskoranir blasa við
og erfitt að ná endum saman
Bátasafn Gríms Karlssonar
í Duus safnahúsum.
JÖFNUNARSTYRKUR TIL NÁMS
Umsóknarfrestur á haustönn 2020 er til 15. október n.k.
Nemendur á framhaldsskólastigi sem ekki njóta lána hjá Menntasjóði náms-
manna geta sótt um styrk til jöfnunar á námskostnaði. Styrkurinn ræðst af
búsetu og er fyrir þá sem stunda nám fjarri heimili sínu.
• Dvalarstyrkur (fyrir þá sem að dvelja fjarri lögheimili
og fjölskyldu sinni vegna náms og greiða leigu).
• Styrkur vegna skólaaksturs (fyrir þá sem sækja nám
frá lögheimili fjarri skóla).
Opnað er fyrir umsóknir 1. september 2020.
Nemendur geta sótt um jöfnunarstyrkinn með rafrænum skilríkjum á Mitt
LÁN sem aðgengilegt er í gegnum heimasíðu okkar www.menntasjodur.
is eða island.is. Nemendur og aðstandendur þeirra eru hvattir til að kynna
sér reglur um styrkinn á vef LÍN (www.menntasjodur.is).
Menntasjóður námsmanna
Námsstyrkjanefnd
vÍkurFrÉttir á suðurNEsJuM Í 40 ár // 9