Fréttablaðið - 22.12.2020, Qupperneq 10

Ljóðabókin Vonin
er tilfinningabomba!
Öll sölulaun af bókinni renna óskipt til hjartadeildar Landspítalans
Allur ágóði a
f sölu bókar
innar Vonin
rennur til h
jartadeildar
Landspítala.
Anna Lára M
öller
Vonin
Anna Lára M
öller
A
nna L
ára M
öller Vonin
Kapa-01.indd
All Pages
08/09/2020
10:37:50
NORÐURÞING Meirihluti sveitar­
stjórnar í Norðurþingi er ekki á
einu máli um uppsetningu könn­
unarmasturs fyrir vindorkuver við
Húsavíkurfjall. Á fundi byggðar­
ráðs á fimmtudag lagðist Kolbrún
Ada Gunnarsdóttir, fulltrúi Vinstri
grænna og forseti sveitarstjórnar,
gegn því að gengið yrði frá sam­
komulagi við fyrirtækið Qair Ice­
land.
Vinstri græn eru í meirihlutasam­
starfi við Sjálfstæðisflokk og Sam­
fylkingu. Fulltrúar minnihlutans
voru einnig samþykkir málinu,
þannig að Vinstri græn voru ein á
móti. Kolbrún neitar því að málið sé
mikið þrætuepli innan meirihluta­
samstarfsins.
„Við getum stundum verið sam­
mála um að vera ósammála,“ segir
hún. „Það var líka skilningur fólks
á fundinum að aðeins væri verið að
gefa leyfi fyrir rannsóknum en ekki
uppsetningu vindorkugarðs.“
Fréttablaðið greindi frá því fyrir
ári að franska orkufyrirtækið Qair,
þá Quadran, hefði fengið stöðu­
leyfi fyrir rannsóknum á Hólaheiði
í Núpasveit. Í samtali við Tryggva
Þór Herbertsson, sem sér um fjár­
festingar fyrir Qair, kom fram að
verið væri að skoða staðsetningar­
kosti en ekkert væri fast í hendi.
Mastrið sem nú á að reisa, norð­
austan við Húsavíkurfjall, er vita­
skuld mun nær byggðinni á Húsavík
en Hólaheiði, þótt það muni ekki
sjást frá bænum.
Kolbrún segir að Vinstri græn
leggist ekki gegn vindorkuverum
sem slíkum heldur staðsetningunni.
„Þegar ég fór að skoða fyrirhug­
aða staðsetningu, umfang og fleira
sá ég að þetta var mjög nálægt úti­
vistarleiðum, þar sem fólk gengur
og hjólar,“ segir hún. „Ég gat ekki
kosið með því að heimila þetta
rannsóknarmastur vitandi að ég
myndi ekki samþykkja að setja upp
vindmyllugarð á þessum stað.“
Búist er við því að mastrinu verði
komið fyrir strax á næsta ári. Kol­
brún bendir á að þó að það muni
ekki sjást úr bænum breyti það
ásýnd útivistarsvæðisins og muni
sjást vel þegar keyrt er út úr bænum.
Útivistarsvæðið er í uppbyggingu
og mikið notað, til dæmis af hjól­
reiðaklúbbnum, og skotsvæðið er
ekki langt undan.
Þá telur Kolbrún orkuþörfina
ekki vera mikla, raskið töluvert og
ávinninginn lítinn fyrir byggðar­
lagið, hvort sem er fjárhagslega séð
eða atvinnulega.
„Ég get ekki séð að við fáum mikið
fyrir þetta,“ segir hún og bendir á
að rafmagnsmannvirki séu undan­
þegin fasteignaskatti. Vissulega
þurfi mannskap við að reisa vind­
myllurnar en starfsemin kalli ekki
á mikinn mannafla til lengri tíma.
Þar sem um tímabundið rann­
sóknarverkefni er að ræða þurfti
ekki umhverfismat, en það mun
þurfa ef ákveðið verður að setja upp
vindorkugarð.
kristinnhaukur@frettabladid.is
Telur vindorkumastur
ógna útivistarsvæðinu
Vinstri græn kusu gegn samstarfsflokkum sínum í meirihluta byggðarráðs
Norðurþings varðandi rannsóknarmastur við Húsavíkurfjall. Fulltrúi VG
segir mastrið raska ásýnd og skila litlu. Þess utan sé orkuþörfin ekki mikil.
Húsavíkurfjall og nágrenni er mikið útivistarsvæði. FRÉTTABLAÐIÐ/AUÐUNN
Ég gat ekki kosið
með því að heimila
þetta rannsóknarmastur
vitandi að ég myndi ekki
samþykkja að setja upp
vindmyllugarð á þessum
stað.
Kolbrún Ada
Gunnarsdóttir,
forseti sveitar-
stjórnar
ÁRBORG Á bæjarráðsfundi Árborgar
á dögunum var rædd sú hugmynd
að brúa bil milli leikskólabarna og
aldraðra í sveitarfélaginu. Málið er
nú hjá fræðslunefnd sveitarfélags­
ins.
Bæjarstjóri Árborgar, Gísli Hall­
dór Halldórsson, virtist hrifinn af
hugmyndinni þegar Fréttablaðið
ræddi við hann.
„Ég held að þetta væri virkilega
hollt fyrir samfélagið og börnin
að reyna að finna einhvern f löt á
þessu. Það er ekki augljós kostur í
stöðunni núna, við erum að byggja
nýjan sex deilda leikskóla sem er
ekki nálægur eldri borgara heimili
en þetta er þörf og góð umræða.
Þetta er önnur leið í mótun barna
að einstaklingum,“ segir Gísli.
Bergþóra Haralds Eiðsdóttir
kynnti hugmyndina fyrir bæjar­
ráðinu. Þar er meðal annars stungið
upp á einkareknum leikskóla með
tilheyrandi starfsfólki í íbúðar­
kjarna aldraðra með sameigin­
legum matsal. Báðir hópar gætu
nýtt svæðið og samskiptin milli
hópanna myndu aukast.
„Ég er sannfærður um að þetta
gæti með réttu formi auðgað mál­
getu barna og veitt þeim breið­
ari innsýn í venjulegt líf. Leik­
skólastarfsmenn eru að vinna
frábært starf eftir bestu þekkingu
og að gera góða þegna úr börn­
unum okkar en það er svolítið í
uppsettu umhverfi. Með þessu væri
hægt að skapa stemmingu eins og
var á gömlu f jölskylduheimili
og gæti það verið ákveðinn fjár­
sjóður,“ segir Gísli og tekur undir
að þetta gæti brotið upp daglegt líf
eldri borgara.
„Já, ég er sannfærður um að þeir
eldri borgarar sem myndu taka þátt
í þessu myndu líka fá heilmikinn
ávinning úr þessu verkefni. Það eru
mikil verðmæti í því að þau fái að
hafa aukin persónuleg og mannleg
samskipti.“
Sífellt f leiri f lytja á Selfoss, sér­
staklega barnaf jölskyldur. Það
eykur þörfina fyrir leikskólapláss.
„Það hefur mikil fólksfjölgun átt
sér stað síðustu ár, hátt í 25 prósent
á þremur árum og það er ekkert að
hægjast á því. Ef við myndum gefa
okkur nokkur ár í að móta þessa
hugmynd myndum við örugglega
geta komið þessu í framkvæmd ef
haldið verður rétt á spöðunum,“
segir bæjarstjórinn. – kpt
Mikill ávinningur fyrir
börn og eldri borgarana
Gísli Halldór
Halldórsson,
bæjarstjóri
Árborgar.
dot.is
DÓT
Gæði á góðu verðiKíktu á úrvalið
Sendum um land allt
Áform um
friðlýsingu
Umhverfisstofnun, í samstarfi við land­
eigendur og sveitarfélagið Borgar byggð,
kynnir áform um friðlýsingu Borgar vogs
í Borgarbyggð sem friðlands í samræmi
við 49. gr. laga nr. 60/2013 um náttúruvernd.
Áformin eru kynnt í samræmi við
málsmeðferðarreglur 2. og 3. mgr. 36.
gr. náttúruverndarlaga, sbr. 2. mgr. 38.
gr. laganna en gert er ráð fyrir að svæði
sem ekki eru á framkvæmdaáætlun
náttúruminjaskrár skuli kynnt sérstaklega.
Frestur til að skila athugasemdum
við áformin er til og með 21. febrúar 2021.
Frekari upplýsingar er að finna á ust.is.
Athugasemdum við áformin má skila á
vef Umhverfisstofnunar, með tölvupósti
á netfangið ust@ust.is eða með pósti til
Umhverfisstofnunar, Suðurlandsbraut 24,
108 Reykjavík.
2 2 . D E S E M B E R 2 0 2 0 Þ R I Ð J U D A G U R8 F R É T T I R ∙ F R É T T A B L A Ð I Ð