Feykir - 28.08.2019, Blaðsíða 3

Nýlega voru umhverfisviðurkenningar
Húnaþings vestra veittar og var það í 21. sinn
sem svo er gert. Eru viðurkenningarnar veittar
árlega þeim aðilum sem þykja hafa verið til
fyrirmyndar við fegrun lóða sinna.
Að þessu sinni voru veittar þrjár
viðurkenningar. Tvær fyrir heimilisgarða,
einn á Borðeyri og einn á Hvammstanga, og
ein til sveitabæjar og/eða fyrirtækjareksturs.
Þessir hlutu viðurkenningarnar:
Hlíðarvegur 22 á Hvammstanga fyrir
snyrtilega og fallega einkalóð. Eigendurnir,
Guðmundur Gíslason og Margrét
Jóhannesdóttir, hafa hugað vel að umhirðu
lóðarinnar sem ber þeim gott vitni um atorku
og umhyggju fyrir fallegu umhverfi.
Lyngbrekka á Borðeyri fyrir snyrtilega og
fallega einkalóð. Eigendurnir, Guðný
Þorsteinsdóttir og Sveinn Karlsson, hafa
hugað vel að umhirðu lóðarinnar sem ber
þeim gott vitni um atorku og umhyggju fyrir
snyrtilegu umhverfi.
Reykir í Hrútafirði fyrir snyrtilega landar-
eign ásamt blómlegri ræktun sumarblóma.
Eigendurnir, Hulda Einarsdóttir og Ólafur H.
Stefánsson, hafa hugað vel að landareign sinni
og sumarblómaræktun sem ber þeim vott um
atorku og umhyggju fyrir fallegu umhverfi.
/FE
Umhverfisviðurkenningar veittar
HÚNAÞING VESTRA
Handhafar umhverfisviðurkenninga ásamt umhverfisstjóra.
Frá vinstri: Hulda Einarsdóttir, Ólafur Stefánsson, Guðmundur
Gíslason, Guðný Þorsteinsdóttir, Sveinn Karlsson og Ína
Björk Ársælsdóttir umhverfisstjóri. Mynd: hunathing.is
Undanfarið hefur staðið yfir vinna við
gerð nýrrar Sóknaráætlunar
Norðurlands vestra. Sóknaráætlun
hvað? Hvað er það? Er það nema von
þú spyrjir… Þegar talað er um
sóknaráætlun þá er í raun og veru
verið að tala um framtíðarsýn. Í
sóknaráætluninni erum við því að setja
niður á blað í hvaða átt við viljum sjá
landshlutann okkar þróast á komandi
árum.

Þú ert sérfræðingur
Í slíkri vinnu er mikilvægt að fá innlegg
frá sérfræðingum. Þegar unnið er með
heilan landshluta þá liggur í augum
uppi að sérfræðingarnir í málefnum
landshlutans eru íbúarnir sjálfir. Þess
vegna skiptir miklu máli að íbúar taki
virkan þátt í því þegar sóknaráætlunin
er mótuð. Íbúarnir vita best hver staða
landshlutans er, hvaða möguleikar
felast hér og hvað þarf að gera til að
þeir raungerist.
Við viljum þitt innlegg
Þess vegna er í þeirri vinnu sem nú
stendur yfir við mótun Sóknaráætlunar
Norðurlands vestra fyrir árin 2020-
2024 lögð mikil áhersla á samráð við
íbúa. Samhliða þeirri vinnu hefur
staðið yfir vinna við sviðsmynda-
greiningu atvinnulífsins til ársins 2040.
Þar verða dregnar upp nokkrar
mögulegar sviðsmyndir sem fá okkur
til að hugsa hvað við þurfum að gera í
dag til að vinna að ákjósanlegustu
sviðsmyndinni í framtíðinni. Aftur
erum við að tala um framtíðarsýn en í
þessu tilviki til lengri tíma og með
áherslu á atvinnulífið.
Komdu í Miðgarð
Ýmislegt hefur þegar verið unnið í
tengslum við gerð nýrrar
Sóknaráætlunar Norðurlands vestra
og sviðsmyndagreiningar. Íbúakönnun
var lögð fyrir í byrjun júní,
verkefnisstjórn sem skipuð er stjórn og
starfsmönnum SSNV hefur fundað,
fundað hefur verið með fulltrúum
atvinnulífsins á svæðinu. Nú í ágúst
voru haldnir íbúafundir í sýslunum
þremur í landshlutanum. Þriðjudaginn
3. september verður svo haldinn
stórfundur í Menningarhúsinu Mið-
garði þar sem íbúum landshlutans alls
gefst kostur á því að koma sínum
sjónarmiðum á framfæri. Við viljum
sjá þig þar!
Skiptir þetta máli?
Já, þetta skiptir máli. Áherslur sem
mótaðar verða í sóknaráætlun munu
t.d. hafa áhrif á áherslur við úthlutanir
úr Uppbyggingarsjóði. Áhersluverkefni
verða mótuð í takt við sóknaráætlunina
og fjármagn sem ríkið veitir í stuðning
til landshlutans ræðst af sóknar-
áætluninni. Það skiptir því miklu máli
að fá fram sem flestar hugmyndir og
sem flest sjónarmið frá sem flestum
hópum innan svæðisins. Við viljum sjá
fulltrúa úr sem flestum atvinnu-
greinum, fulltrúa menningar, mennt-
unar, unga fólksins, eldri borgaranna,
aðfluttra og innfæddra. Við viljum fá
þá sem brenna fyrir umhverfismálum
til að leggja orð í belg, þá sem eru
bjartsýnir á framtíð landshlutans en
líka þá sem eru svartsýnir. Með því að
fá fram sem flest sjónarmið verður
hægt að vinna ítarlega og marktæka
áætlun sem mun koma okkur til góða í
vinnu við eflingu landshlutans næstu
árin.
Fundurinn verður í Menningar-
húsinu Miðgarði, þriðjudaginn 3.
september kl 13-17. Skráning á
stórfundinn fer fram á heimasíðu
SSNV – www.ssnv.is
Komdu á fundinn og hafðu áhrif á
þróun Norðurlands vestra.
Hlökkum til að sjá þig.
Starfsfólk Samtaka sveitarfélaga á
Norðurlandi vestra.
Aðkoma íbúa í málefnum landshlutans mikilvæg
Stórfundur í Menningarhúsinu Miðgarði, þriðjudaginn 3. september kl. 13-17
HUGMYNDIR ÓSKAST
Stórmót Hrings fór fram um
helgina á Hringholtsvelli á
Dalvík og segir á Eiðfaxa.is að
þátttaka hafi verið góð í
mótinu eins og á flestum
mótum norðan heiða í sumar.
Margir knapar náðu góðum
árangri, ekki síst af
Norðurlandi vestra, en keppt
var bæði í fullorðins- og yngri
flokkum.
Jóhann Magnússon og
Fröken frá Bessastöðum í
Húnaþingi runnu skeiðbraut-
ina fljótust allra í 100 metra
skeiði og uppskáru fyrsta
sætið.
Mette Mannseth sigraði í
gæðingaskeiði á Vivaldi frá
Torfunesi en einkunn þeirra
var 8,04.
Feðginin Þórarinn
Eymundsson og Þórgunnur
Þórarinsdóttir á Sauðárkróki
voru meðal þátttakenda og
gerðu gott mót. Þórgunnur
vann til þrennra gullverðlauna
en hún stóð efst í tölti og
fjórgangi unglinga og fimm-
gangi í 2. flokki. Þórarinn stóð
efstur í fimmgangi meistara á
Vegi frá Kagaðarhóli en þeir
hlutu 7,57 í einkunn í
úrslitum. Þá varð hann efstur í
forkeppni í tölti en mætti ekki
með Veg í þau úrslit heldur lét
fimmgangsúrslit duga. Þá var
Gullbrá frá Lóni fljótust í 150
metra skeiði með Þórarin á
baki á 15,16 sekúndum.
Sonja Sigurbjörg Sigur-
geirsdóttir frá Varmalandi í
Skagfirðingar fyrirferðamiklir á verðlaunapalli
Stórmót Hrings fór fram um helgina
Skagafirði og Jónas frá Litla-
Dal stóðu efst í úrslitum í tölti
T1 meistaraflokki með
glæsilega einkunn, 7,44.
Finnbogi Bjarnason á
Sauðárkróki og Úlfhildur frá
Strönd stóðu efst í slaktauma-
tölti með 7,04 í einkunn í
úrslitum. Rósanna Valdimars-
dóttir, Fitjum í Lýdó, hlaut
efsta sætið í tölti T3 2. flokki á
Spræk frá Fitjum með
einkunnina 6,83, en þau urðu
einnig sigurvegarar í fjórgangi
2. flokki.
Þess má geta til gamans að
Skagfirðingarnir röðuðu sér
oftar en ekki í efstu sæti hvers
flokks fyrir sig. /PF
Verðlaunahafar í fimmgangi meistara, Þórarinn Eymundsson, Magnús Bragi
Magnússon, Bjarni Jónasson og Vignir Sigurðsson. Mynd af Eiðfaxa.is
32/2019 3