Feykir - 28.08.2019, Blaðsíða 5

Akureyrarmót UFA
Unnur Borg og Birgitta Rún úr USAH sigursælar
Akureyrarmót UFA er haldið á Þórsvelli
síðsumars ár hvert. Keppt er í öllum
aldursflokkum í helstu greinum frjálsra
íþrótta. Undanfarin ár hefur mótið verið hluti
af mótaröð FRÍ þar sem sterkasta
frjálsíþróttafólk landsins keppir í stigakeppni.
Nokkrar stúlkur af Norðurlandi vestra voru
meðal þátttakenda um síðustu helgi og
sópuðu að sér verðlaunum.
Unnur Borg Ólafsdóttir og Birgitta Rún
Finnbogadóttir úr USAH voru sigursælar en þær
nældu sér í fern gullverðlaun hvor. Unnur sigraði
í kúluvarpi 13 ára stúlkna, langstökki, hástökki
og 60 m grind, hlaut 2. verðlaun í 80 m hlaupi og
spjótkasti og 3. verðlaun í 200 m hlaupi.
Birgitta sigraði í spjótkasti 11 ára, 60 m hlaupi,
langstökki og kúluvarpi.
Anna Karlotta Sævarsdóttir 13 ára, sem einnig
keppti fyrir USAH, sté fjórum sinnum á
verðlaunapall, 1. sætið í 600 m hlaupi, og 3. sæti í
hástökki, spjótkasti og 60 m grind.
UMSS átti fimm keppendur sem einnig stóðu sig
vel. Ragna Vigdís Vésteinsdóttir fékk tvær
gullmedalíur, fyrir 100 m grindahlaup kvenna og
kringlukast og silfur fyrir spjótkast.
Andrea Maya Chirikadzi sigraði í kúluvarpi 16-
17 ára kvenna, varð önnur í sleggjukasti og
kringlukasti og bronsverðlaun fékk hún fyrir 100
m hlaup, kringlukast og spjótkast.
Isabelle Lydia Chirikadzi varð í 1. -2. sæti í
hástökki 13 ára, og í kúluvarpi krækti hún í
silfrið.
Stefanía Hermannsdóttir nældi sér í þrenn
silfurverðlaun í flokki 16-17 ára; kúluvarpi,
kringlukasti og spjótkasti. /PF
ÍÞRÓTTAFRÉTTIR F
Ungmennasamband Vestur - Húnvetninga, USVH
Anton Scheel nýr framkvæmdastjóri
Á seinasta stjórnarfundi
USVH, sem haldinn var 13.
ágúst síðastliðinn, steig Eygló
Hrund Guðmundsdóttir úr
framkvæmdastjórastóli USVH
og við tók Anton Scheel
Birgisson. Anton, sem á ættir
að rekja til Þorlákshafnar og
Lubeck í Þýskalandi, er
sálfræðimenntaður og er
nýbúi í Hrútafirði, þar sem
hann starfar við kennslu.
Þann 26. júlí síðastliðinn hlaut
USVH viðurkenningu sem
Fyrirmyndarhérað ÍSÍ. Sigríður
Jónsdóttir, varaforseti ÍSÍ,
mætti í húsnæði sundlaugar-
innar á Hvammstanga og
afhenti Reimari Marteinssyni,
formanni sambandsins, viður-
kenninguna. Á heimasíðu
USVH kemur fram að stjórn
hafi öll komið að vinnu í
tengslum við þessa viður-
kenningu auk Eyglóar Hrundar
Guðmundsdóttur, fráfarandi
framkvæmdastjóra sambands-
ins. USVH er þriðja íþrótta-
héraðið sem fær þessa
viðurkenningu frá ÍSÍ á eftir
UMSE og UMSS. Á myndinni
hér fyrir ofan eru þau Sigríður
Jónsdóttir varaforseti ÍSÍ og
Reimar Marteinsson formaður
USVH. Myndina tók Ómar
Eyjólfsson. /PF
Anton Scheel Birgisson ásamt Líney
Heklu dóttur sinni. MYND: USVH.IS
Meistaramót öldunga
Feðgar með níu
Íslandsmótstitla
Um þar síðustu helgi fór fram
Meistaramót öldunga á
Akureyri en þar kepptu
feðgarnir Karl Lúðvíksson í
Varmahlíð og sonur hans
Theodór og komu hlaðnir
verðlaunum frá þeim leikum.
Karl æfir hjá Ungmenna- og
Íþróttafélaginu Smára í
Varmahlíð en Theodór
Karlsson Ungmennafélaginu
Fjölni í Reykjavík, en keppir
alltaf undir merkjum UMSS.
Theodór vann allar sínar
greinar og fékk að launum
fimm Íslandsmótstitla í
aldursflokki 40-44 ára í 100 m
hlaupi, hástökki, stangarstökki,
langstökki og spjótkasti.
Karl keppti í flokki 65-69 ára og
vann fjóra Íslandsmótstitla í
100 m, hástökki, langstökki og
kringlukasti. /PF
Karl Lúðvíksson að koma í mark.
MYND: AF FRI.IS
Fótbolti - Inkasso deild kvenna
Stólastúlkur sóttu sigur í Grindavík
Fimmtánda umferðin í Inkasso-deild kvenna
kláraðist sl. laugardag þegar lið Grindavíkur og
Tindastóls mættust á Mustad-vellinum í Grindavík.
Lið Tindastóls er að berjast um þriðja sætið í
deildinni við lið Hauka í Hafnarfirði og mega ekki
misstíga sig í þeirri baráttu þó þriðja sætið gefi
lítið annað en stolt og vitni um frábært sumar
Stólastúlkna. Niðurstaðan í Grindavík varð 0-3
sigur og skutust stelpurnar því upp fyrir Hauka á
ný og sitja í þriðja sætinu þegar þrjár umferðir eru
eftir.
Það var Vigdís Edda sem kom liði Tindastóls yfir á
12. mínútu og staðan í hálfleik 0-1. Það var síðan að
sjálfsögðu markamaskínan Murr sem bætti við
tveimur mörkum, því fyrra á 71. mínútu og hún
bætti öðru marki sínum við tveimur mínútum
síðar.
Það var kærkomið að halda hreinu í leiknum en
lið Tindastóls er enn án nokkurra lykilleikmanna og
þannig er t.d. Jackie enn þá úr leik. Fyrir vikið fá
nokkrir af óreyndari leikmönnum liðsins að spreyta
sig og öðlast dýrmæta reynslu. Næsti leikur
Tindastóls er á Króknum 8. september en þá kemur
lið Aftureldingar í heimsókn. Lið Tindastóls er með
28 stig í deildinni, Haukar eru með 27 stig og hafa
verið á siglingu að undanförnu og þá er lið
Aftureldingar í fimmta sæti með 21 stig. Það er því
næsta víst að Stólastúlkur hafa nú þegar nánast
gulltryggt eitt af fjórum efstu sætum Inkasso-
deildarinnar í sumar – vinsamlegast réttið upp
höndsem bjuggust við því fyrir tímabilið? /ÓAB
Stólastúlkur fagna marki í fyrri leik liðanna í sumar.
MYND: ÓAB
Íslandsmót golfklúbba 3. deildar
GSS hársbreidd frá því
að komast í 2. deild
Karlasveit Golfklúbbs
Sauðárkróks lék á
Íslandsmóti golfklúbba í 3.
deild sem haldið var á
Húsatóftarvelli í Grindavík
16.-18. ágúst sl. Sveitina
skipuðu þeir Arnar Geir
Hjartarson, Brynjar Örn
Guðmundsson, Elvar Ingi
Hjartarson, Hákon Ingi
Rafnsson, Ingvi Þór
Óskarsson og Jóhann Örn
Bjarkason. Liðsstjóri var
Hjörtur Geirmundsson. „Gott
silfur er gulli betra!“ segja
þeir í GSS, sáttir með
árangurinn.
Á föstudeginum vann GSS
Golfklúbb Húsavíkur og
Golfklúbb Borgarness, báða
með tveimur vinningum gegn
einum. Að loknum keppnis-
degi lá fyrir að GSS yrði í efri
hluta deildarinnar sem telur
átta lið.
Á laugardeginum var fyrst
leikið við heimamenn í
Grindavík og tapaðist sá leikur
með tveimur vinningum gegn
einum. Seinni leikur dagsins
var við Golfklúbb Fjalla-
byggðar og réði sá leikur
úrslitum um það hvort liðið
myndi spila til úrslita í
deildinni.
Úrslitaleikurinn var á
sunnudeginum og leikið á ný
við Golfklúbb Húsavíkur sem
reyndist sterkari að þessu
sinni og sigraði með tveimur
vinningum gegn einum og
leika því í 2. deild að ári.
Golfklúbbur Fjallabyggðar
endaði síðan í 3. sæti.
„Heilt yfir þá spiluðu
strákarnir mjög vel þessa helgi
við mjög erfiðar aðstæður, en
vindur var mjög mikill alla
helgina og völlurinn þurr og
harður eftir því. Vissulega
hefði verið gaman að landa
sigri í deildinni og spila í 2.
deild að ári en eins og
máltækið segir Gott silfur er
gulli betra!,“ segir á gss.is. /PF
Karlasveit GSS með medalíu um hálsinn. MYND AF GSS.IS
32/2019 5