Sjómannadagsblaðið - 30.05.2008, Page 24

24 SJÓMANNADAGSBLAÐIÐ 30. MAÍ 2008
Starfsemi Sjómannadagsráðs á sviði
öldrunarmála er afskaplega
yfirgripsmikil. Ráðið á og rekur
Hrafnistuheimilin í Reykjavík og
Hafnarfirði og hjúkrunarheimilin á
Vífilsstöðum og Víðinesi á Álftanesi.
Að auki hefur Sjómannadagsráð byggt
fjölda þjónustu- og leiguíbúða, bæði í
Reykjavík og Hafnarfirði.
Sjómannadagsráð hefur unnið
mikið brautryðjendastarf í málefnum
aldraðra hér á landi. Innan
Hrafnistuheimilanna hefur safnast
mikil þekkin á málaflokknum og nú er
svo komið að samtökin og Hrafnista
eru leiðandi aðili í málefnum og
aðhlynningu aldraðra sem
sveitarfélögin á höfuðborgarsvæðinu
leita í auknum mæti til með ósk um
samstarf við Hrafnistuheimilin.
Guðmundur Hallvarðsson,
formaður Sjómannadagsráðs, segir að
auk uppbyggingar þurfi stöðugt að
huga að eldra húsnæði og aðlaga það
að kröfum nútímans. „Þótt Hrafnista í
Reykjavík hafi verið byggð af miklum
metnaði fyrir 50 árum hafa miklar
endurbætur verið gerðar á húsnæðinu.
Nú standa yfir miklar endurbætur á
elsta hluta Hrafnistu í Reykjavík sem
miðar að því að sameina tvö herbergi í
eitt. Við að stækka herbergin úr 9
fermetrum í 25 fermetra herbergi með
baði. Við þessar breytingar má gera
ráð fyrir því að heimilisfólki á
Hrafnistu í Reykjavík muni fækka um
rúmlega hundrað manns, en
aðbúnaðurinn verður allur annar og
betri,” segir Guðmundur.
Samstarf við sveitarfélög
Framundan eru heilmiklar
framkvæmdir á vegum
Sjómannadagsráðs, bæði á eigin
vegum og í samstarfi við sveitarfélög á
höfuðborgarsvæðinu.
Sjómannadagsráð fyrirhugar einnig
töluverðar framkvæmdir í Hafnarfirði.
„Þar má nefna nýjar þjónustuíbúðir á
lóð Hrafnistu og einnig við
Norðurhlein í næsta nágrenni
Hrafnistuheimilisins. Á svæðinu er
þegar nokkur byggð á vegum
Sjómannadagsráðs við Boðahlein og
Naustahlein. Auk þjónustuíbúðanna
við Norðurhlein er stefnt að því að
reisa þjónustukjarna, sérstaklega fyrir
íbúana á þessu svæði,” segir
Guðmundur.
Á síðustu árum hefur Sjómanna-
dagsráð unnið náið með bæjar-
yfirvöldum í Kópavogi við
undirbúning að nýstárlegu hjúkrunar-
heimili og þjónustuíbúðum við
Boðaþing í Kópavogi. Þar eru
framkvæmdir þegar hafnar.
Fyrsta verkefni Sjómannadagsráðs í
Garðabæ er samstarf um byggingu
hjúkrunarheimilis, 56 leiguíbúða og
þjónustumiðstöð í samstarfi við
Garðabæ og Álftanes.
Undirbúningur er einnig hafinn að
heilmiklu landnámi í Fossvogs-
hverfinu við Sléttuveg í samstarfi við
Reykjavíkurborg. Þar verða byggðar
100 þjónustuíbúðir og félagsmiðstöð.
Í þjónustumiðstöðinni er gert ráð fyrir
sundlaug sem mun auk þjónustu við
eldri borgara á svæðinu líka bæta úr
brýnni þörf fyrir sundkennslu
grunnskólanna í grendinni.
Guðmundur segir að við Íslendingar
séum mjög framarlega í umönnun
eldri borgara. ,,Þróunin hér og
erlendis er sú að draga úr vægi
dvalarheimila en auka að sama skapi
framboð á þjónustuíbúðum. Þetta er
gert til þess að fólk haldi lengur eigin
heimili en geti um leið nýtt sér
öryggið sem fylgir nábýlinu við
Hrafnistu og þá þjónustu sem
Hrafnista býður uppá.
Daggjöldin
Daggjaldakerfi við fjármögnun
dvalarheimila hefur löngum verið
umdeilt. „Rétt er það,” segir
Guðmundur. „Hér á Hrafnistu
borguðu menn fyrst að stórum hluta
sjálfir og leigðu herbergin. En kjör
fólks, sem þurfti á aðhlynningu að
halda, voru auðvitað mjög misjöfn.
Þar kom því að tekið var upp kerfi þar
sem greiðsla kom frá ríkinu með
hverjum og einum en síðan var
endurgreitt af einstaklingum að hluta
og af Tryggingastofnun ríkisins eftir
efnahag og getu. En líklega þekkist
hvergi á byggðu bóli það sérkennilega
viðskiptaumhverfi sem
hjúkrunarheimilin, að Sóltúni
undanskildu, búa við.
Hjúkrunarheimilin selja ríkinu
þjónustu sína en kaupandinn, ríkið,
ákveður hvað á að borga fyrir hana. Ég
er hræddur um að kaupmenn yrðu
ekki ánægðir ef þessi viðskiptamáti
yrði innleiddur í verslun. Ef þeir
þyrftu að fá 100 krónur fyrir
smjörlíkisstykki en kaupandinn
borgaði ekki nema 50.”
Guðmundur segist bæði trúa því og
treysta að senn verði breytingar á
þessu kerfi. „Nú berast þau boð úr
heilbrigðisráðuneytinu að gera eigi
þjónustusamninga við
hjúkrunarheimilin. Þá myndast
gagnkvæm krafa um þá þjónustu sem
heimilin bjóða uppá og eftirlit með
þeim. Eins og gefur að skilja miðast
þjónustan við þau almennu gildi sem
ríkja í þjóðfélaginu hverju sinni og
stefnumótun yfirvalda í málefnum
aldraðra. Í þessu sambandi má benda
á sundlaugarnar sem við rekum á
eigin kostnað vegna þess að margir
hér hafa sagt að þær séu uppspretta
andlegrar og líkamlegrar vellíðunar og
ekki dregur úr að geta einnig brugðið
sér í leikfimi. Sjúkraþjálfararnir segja
það einstaka aðstöðu til þess að geta
haldið færni aldraðra til hreyfingar að
boðið sé upp á sund, heita potta,
nuddbekki og leikfimi.
Ef þessar breytingar sem ríkið
boðar verða að veruleika skapast
grundvöllur að eðlilegum viðskiptum
milli heimilanna og ríkisins sem
greiðir fyrir þjónustuna,” segir
Guðmundur Hallvarðsson, formaður
Sjómannadagsráðs.
Sjómannadagsráð:
Brautryðjendur í málefnum aldraðra