Skessuhorn - 20.05.2020, Side 16

MIÐVIKUDAGUR 20. MAí 202016
Menntaskóli Borgarfjarðar, með
stuðningi frá Sóknaráætlun Vest-
urlands, hélt í gærmorgun stafræna
ráðstefnu með yfirskriftinni Mennt-
un fyrir störf framtíðarinnar. Til-
gangur ráðstefnunnar var að und-
irbúa skóla, fyrirtæki, nemendur og
atvinnumarkaðinn fyrir þær breyt-
ingar sem eiga sér stað í samfélaginu
samhliða tækniþróun. „Menntaskóli
Borgarfjarðar hefur frá upphafi vilj-
að fara ótroðnar slóðir og gera hluti
öðruvísi og skapa sér þannig sér-
stöðu. Við kölluðum því eftir fólki
sem hefur skýra sýn og skoðun á
framtíð í störfum svo við í MB get-
um komið að því að breyta menntun
ungs fólks í samræmi við framtíð-
arstörfin,“ segir Bragi Þór Svavars-
son, skólameistari MB. Ráðstefnan
var hugsuð sem gagnasöfnun fyrir
MB svo skólinn geti betur skipulagt
námið fyrir störf framtíðarinnar.
„Við vildum gera þetta með þessum
hætti svo sem flestir geti haft gagn
af,“ segir Bragi. „Það má segja að
það sé í menningunni hér hjá okkur
í menntaskólanum að bregðast við
og vinna hratt, við viljum vera í fara-
broddi,“ bætir hann við. „Við erum
þakklát fyrir að geta boðið fólki upp
á að fylgjast með, það er gott að geta
boðið til dæmis skólum í dreifðari
byggðum að taka þátt í ráðstefnunni
jafnt á við fólk á höfuðborgarsvæð-
inu,“ segir Bragi.
Áhersla á það sem
vélar geta ekki
Hópur fyrirlesara hélt erindi á ráð-
stefnunni þar sem þeir deildu sinni
framtíðarsýn. Lilja D. Alfreðsdótt-
ir menntamálaráðherra opnaði ráð-
stefnuna og hrósaði hún skólastjór-
nendum, kennurum og nemendum
fyrir að hafa brugðist skjótt við tak-
mörkunum á tímum Covid-19 og
að halda skólahaldi gangandi. Sagði
hún það stóran áfanga að íslenskt
námsfólk væri um þessar mundir að
skila af sér síðustu verkefnum, próf-
um og öðru fyrir námsmat. Hún vill
að við setjum alla okkar krafta í að
valdefla menntakerfið enn frekar og
nýtum tímann í þessum skrýtnu að-
stæðum til að mennta okkur, fræða
og efla svo við verðum eftirsókna-
verðir starfskraftar framtíðarinn-
ar. Ingvi Hrannar Ómarsson, nem-
andi við Standford Gratuate School
of Education og grunnskólakennari,
fór yfir sína sýn á núverandi skóla-
kerfi og hvað þyrfti að breytast að
hans mati. „Skólastarf hefur geng-
ið að miklu leyti út á að gera okk-
ur betri í því sem vélar geta gert
vel. Skólakerfið á að ganga að miklu
leyti út á það að gera okkur betri í
því sem vélar geta ekki gert,“ segir
hann en það má segja að þetta hafi
verið í grófum dráttum inntakið í
erindum allra þeirra sem héldu er-
indi á ráðstefnunni. Er þá átt við að
við þurfum að leggja áherslu á það í
skólakerfinu okkar að efla nemend-
ur í samskiptum, skapandi hugsun,
samhygð, aðlögunarhæfni og frum-
kvæði en þessa eiginleika er ekki
hægt að ná fram í vélum og tækjum.
Þá fjallaði Ingvi Hrannar um mikil-
vægi þess að kennarar starfi í teym-
um frekar en hver í sínu horni, eða
sinni skólastofu. Samvinna kæmi
fólki lengra.
Ekki gleyma að
vera skapandi
Ingvi Hrannar benti á það hvernig
skólakerfið okkar í dag miðast við
að nemendur noti ekki allan heil-
ann jafnt. Áherslan er helst á að efla
þann hluta sem meðtekur það sem
er og var á meðan list- og verkgrein-
ar mæti gjarnan afgangi en þær efla
hluta heilans sem er skapandi. Fleiri
voru á sama máli í sínum erindum
og má þar nefna í erindi sem Hlín
Helga Guðlaugsdóttir ráðgjafi hélt
en hún talaði um mikilvægi þess að
ólíkir hópar fólks vinni saman til
að ná sem bestum árangri. En eins
og Ingvi Hrannar benti á eru þeir
sem hafa unnið til Nóbelsverðlauna
mun líklegri en aðrir að eiga listrænt
áhugamál, þó svo vísindin séu aðal-
starf þeirra. En Hlín Helga fjallaði
um svipað í sínu erindu og hefur
hún séð það í sinni vinnu hversu
mikill ávinningur getur verið af því
þegar ólíkir hópar vinna saman.
Læra með að gera
Eitt af því sem flestir voru sammála
um í sínum erindum var að til að ná
sem mestu árangri í starfi þurfi nem-
endur að læra með því að gera frek-
ar en að læra eingöngu með því að
lesa námsbækur. Sem dæmi fjallaði
Marcus Hammarberg, deildarstjóri
námsskrár og gæða í School og App-
lied Technology, um það hvernig
hann geti kennt fólki á þremur mán-
uðum það sem hann sjálfur lærði á
mörgum árum. Það gerir hann með
því að láta nemendur gera frek-
ar en að lesa og hlusta. Sama sagði
Ingi Hrannar og benti á mikilvægi
þess að við lærum eins í skólanum
og í lífinu en það sé ekki svoleiðis í
dag. Hann tók sem dæmi að ef við
myndum læra að hjóla í skólanum
myndum við líklega lesa um sögu
hjóla, hvernig hjól virka og slíkt en
kannski ekki einu sinni snerta hjól.
Þetta voru fyrirlesararnir sammála
um að þyrfti að breytast.
Menntakerfið mæti
þróun atvinnulífsins
Ekki er hægt að tala um nám til
framtíðar án þess að koma inn
á fjórðu iðnbyltinguna og Ólaf-
ur Andri Ragnarsson, kennari við
Háskólann í Reykjavík, hélt er-
indi um það hvernig við eigum að
taka á móti henni. Hann útskýrði
hvernig tæknin byggir á undirliggj-
andi tækni og eru framfarirnar því
stöðugar. Benti hann á að forsend-
ur framfara séu að gömul og úrelt
tækni og viðhorf þurfi að fá að víkja
fyrir þeim nýju. Fjórða iðnbylting-
in byggir á snjallsímum, hugbún-
aði, skýjalausnum, gervigreind, vél-
mennatækni og hlutaneti en þetta
mun einkenna tækniframfarir næstu
ára. Farsímarnir eru í höndunum
á okkur stóran part dagsins og að
sögn Ólafs Andra snertir fólk sím-
ann sinn 2.617 sinnum á dag. Seg-
ir hann skólakerfið þurfa að taka
mið af þessu, kennararnir þurfia ef
til vill frekar að vera í símunum, þar
sem athygli nemenda er. Við þurf-
um að hans mati að leggja áherslu
á að þjálfa nemendur í að tala við
vélar, ekki síður en fólk, því gervi-
greindin sé það sem koma skal. Sig-
urður Hannesson, framkvæmda-
stjóri Samtaka iðnaðarins, kom inn
á það í sínu erindi að menntakerf-
ið þurfi að leggja áherslu á að und-
irbúa nemendur fyrir líf og starf í
samfélagi framtíðarinnar og þann-
ig mæta þróun atvinnulífsins. Talaði
Menntakerfið þarf að koma til móts
við þróun í atvinnulífinu
Rætt um menntun fyrir störf framtíðarinnar á ráðstefnu í Menntaskóla Borgarfjarðar
Lilja Dögg Alfeðsdóttir menntamálaráðherra hrósaði skólastjórnendum, kennurum og nemendum fyrir skjót viðbrögð vegna takmarkana á skólahaldi síðustu vikur.

Bragi Þór Svavarsson, skólameistari Menntaskóla Borgarfjarðar, segir tilgang ráðstefnunnar meðal annars að safna gögnum fyrir menntaskólann til að skipuleggja
megi námið sem best fyrir nemendur.