Skessuhorn - 01.07.2020, Qupperneq 20
MIÐVIKUDAGUR 1. JúLÍ 202020
Ingileif Aðalheiður Gunnarsdótt-
ir hárgreiðslumeistari í Borgarnesi
fagnar 40 ára starfsafmæli á árinu.
Ingileif rekur Hárgreiðslustofuna
Heiðu á Kveldúlfsgötu. Hún var
staðráðin í því sem ung stelpa að
verða hárgreiðslukona þegar hún
yrði stór. „Ég var nú bara fimm ára
þegar ég ákvað þetta,“ rifjar Ingileif
upp við blaðamann Skessuhorns á
stofunni sinni í Borgarnesi. „Systir
mín var ungfrú Dalasýsla árið 1968
og ég hef líklega verið svona tíu ára
gömul þegar ég greiddi henni fyr-
ir þetta kvöld. Þá komu vinkonur
mömmu í saumaklúbbnum reglu-
lega í heimsókn. Þá komu þær yfir-
leitt með rúllur í hárinu. Ég fékk
þá að vera inni hjá þeim og hafði
vit á því að steinþegja á meðan
ég greiddi úr rúllunum. Á meðan
prjónuðu þær og spjölluðu. Ég vildi
nefnilega ekki minna á mig og vera
þá rekin út svo ég lærði að þegja og
lærði líka að segja ekki frá því sem
var verið að tala um,“ bætir Ingileif
við sem lýsir hárgreiðsluhlutverk-
inu við að vera trúnaðarmaður við-
skiptavina sinna.
Dalakona með samning
í Borgarnesi
Ingileif er fædd og uppalin í Döl-
unum og flytur í Borgarnes ellefu
ára gömul með draum um að verða
hárgreiðslukona. Eftir grunnskóla-
nám hafði Ingileif verið lofað plássi
á hárgreiðslustofu í Kjörgarði á
Laugarveginum í Reykjavík. Ekk-
ert varð úr því tækifæri því stof-
an fór skyndilega á hausinn og brá
Ingileif á það ráð að fara í hjúkrun-
arskólann í staðinn. „Eftir eitt ár í
hjúkrunarnáminu kom ég heim og
fór að vinna í Esso sjoppunni hérna
hinum megin við götuna. Þar kem-
ur inn kona að versla. Ég heilsa
henni glaðhlakkalega og segi við
hana; „ég var heima hjá þér í nótt“.
„Hvað ertu að segja,“ svarar kon-
an. „Ég fór í þvottahúsið hjá þér og
stal af þér skóm,“ bætti ég við. Mig
hafði dreymt þetta. Konan fer út í
bíl og kemur svo stuttu seinna aftur
inn og segir; „mamma er úti í bíl,
hún er mjög draumspök og segir að
þú eigir eftir að feta í mín fótspor.“
Þremur mánuðum seinna bauð
þessi kona mér samning hjá sér.
Þetta var því eiginlega mjög skond-
ið hvernig þetta kom til. En ég sem
sagt lærði af Eddu Hinriksdóttur
á Hárgreiðslustofu Eddu í Borgar-
nesi og keypti svo seinna af henni
reksturinn,“ útskýrir Ingileif.
Þegar Ingileif hóf samning sinn
hjá Hárgreiðslustofu Eddu var
stofan staðsett þar sem Skartgripa-
verslunin Kristý var til húsa og síð-
ar meir Blómasetrið – Kaffi Kyrrð,
að Skúlagötu 13 í Borgarnesi. „Ég
byrjaði hjá Eddu Númínu 1977 og
sat Iðnskólann hér í Borgarnesi.
Allar fagteikningar og allt er við-
vék mínu fagi tók ég hjá skólastjóra
í Iðnskólanum í Borgarnesi. Þar sat
ég ein, tók mín próf og Guðmund-
ur skólastjóri sat yfir mér. Mað-
ur var bara hjá meistara á þessum
tíma og lærði af honum. Ég var svo
heppin að það komu tveir meistar-
ar að náminu mínu um lengri eða
skemmri tíma.“
Ingileif tók við rekstrinum og
breytti nafninu í Hárgreiðslustof-
una Heiðu. „Ég flyt árið 1981 á
Egilsgötuna, þar var ég lengst. Ég
nefndi stofuna Heiða vegna þess að
þegar ég var lítið grjón þá átti stof-
an mín alltaf að heita Heiða, því ég
heiti Aðalheiður að millinafni og
stundum kölluð Heiða fyrir vest-
an,“ útskýrir Ingileif.
Úr pari yfir í einn
Árið 2016 féll Magnús Valsson eig-
inmaður Ingileifar frá og hagkvæm-
ara virtist að flytja stofuna heim á
Kveldúlfsgötuna þar sem hún hef-
ur verið síðan. „Það er mikil breyt-
ing að fara úr pari yfir í einn. Ég
sá fljótt að það var ekkert vit í því
að láta húsið standa autt á meðan
ég væri á stofunni að vinna. Borga
síma þar og hér, kyndingu, rafmagn
og þess háttar. Hér er ég í þvotta-
húsinu, sem ég breytti í hárgreiðslu-
stofu. Í fyrstu var ég efins með þess-
ar breytingar en í dag sé ég að þetta
var það allra besta í stöðunni, úr því
sem komið var. Mér finnst þetta al-
veg dásamlegt í dag.“
Aðspurð segir Ingileif ekkert mál
að aðskilja heimilislíf og vinnu. „Ég
meina, ég er bara ein og ég er ekki
að trufla neinn. Eina sem er erf-
itt við þetta jafnvægi er þegar það
koma gestir í heimsókn. Þá er ég
oftast að vinna og gestirnir fara
inn í eldhús og þurfa að redda sér.
Það er að vísu orðinn ágætis kostur,
núna eru gestirnir farnir að koma
með nesti með sér í heimsókn, og
ég nýt góðs af,“ segir hún og hlær.
„Núna vill enginn koma
á föstudegi“
Ingileif segir tískuna hafa breyst
mikið yfir árin og þarfir viðskipta-
vina sömuleiðis. Sum hár-trendin
eiga það til að dúkka upp á nokk-
urra ára fresti og hafa gert síðustu
áratugi. „Þegar ég byrjaði voru
strípur mjög vinsælar. Þær væru
settar í einn stóran og góðan lokk
og í álpappír. Svo var þetta hitað
og konurnar þurftu oft að hlaupa
út til að kæla á sér hausinn “ seg-
ir hún og hlær. „Þetta var trendið
á 8. áratuginum, svona klessu-stríp-
ur og það þótti mjög flott á sínum
tíma. Nú er meira um sólstrípur í
dag, það þykir náttúrulegra, svona
eins og maður hafi verið úti í sól-
inni, og svo auðvitað litastrípur,“
bætir Ingileif við.
„Permanent var líka svakalega
vinsælt, alveg ofboðslega mikið
af því í gamla daga og það virðist
vera að koma inn aftur núna bæði
hjá strákum og stelpum. Annars
var vinnan allt öðruvísi frá sirka
1980-95. Þá var svo mikið af túber-
ingum og greiðslum. Allir föstu-
dagar voru alveg stappfullir af kon-
um sem voru að koma í lagningu,
þetta var trendið þá og stór hóp-
ur sem gerði þetta. Núna vill helst
enginn koma á föstudegi, vilja vera
farnir eitthvað á föstudögum, lögð
af stað í ferðalög, taka þjófstart á
helgina.“
Lokagreiðslan
Ingileif hefur átt suma viðskiptavin-
ina í fleiri, fleiri ár og jafnvel fylgt
þeim til hinstu hvílu. „Ég man þegar
ég var stödd á Spáni í fríi að ég fékk
hringingu. „Heyrðu, mamma er
dáin, hún bíður eftir þér. Hún sagði
að þú hafir verið búin að lofa því að
greiða henni og gera hana fína þeg-
ar hún færi.“ Þetta var Freyja heit-
in, mamma Imbu Hargrave hérna
í Borgarnesi. Þá hafði Freyja rætt
þetta við mig áður og spurt hvort
ég vildi ekki greiða henni þeg-
ar hún væri öll. Hún var sú fyrsta
sem ég greiddi í kistunni. Þetta gaf
mér mikið og góð tilfinning að geta
hjálpað þeirra nánustu að sjá og
kveðja fólkið sitt vel tilhaft.“
Ingileif hefur fylgt og greitt sex
konum í kistunni og segir tilfinn-
inguna vera góða. „Allar þessar kon-
ur voru yndislegar perlur og miklar
vinkonur mínar. Í rauninni þá eru
allir mínir viðskiptavinir orðnir vin-
ir mínir,“ bætir hún við.
Margir hattar
Ingileif lýsir hárgreiðslustarfinu
sem krefjandi oft á tíðum. „Þetta er
rosalega mikil vinna að vera svona
ein í rekstri. Maður klæðist mörg-
um höttum og þarf að ganga í öll
hlutverk fyrirtækisins. En þetta er
samt sem áður dásamlegt og hér er
alltaf glatt á hjalla hjá okkur,“ seg-
ir hún á meðan hún greiðir í gegn-
um hárið á viðskiptavini í stólnum
hjá sér sem tekur undir orð Ingi-
leifar. Blaðamaður spyr viðskipta-
vin í kjölfarið um að lýsa Ingileif
sem hárgreiðslukonu, sem svarar.
„Hún er vandvirk og ég kem alltaf
ánægð frá henni. Hér er heimilis-
legt og eins og hún segir, mjög oft
glatt á hjalla.“
Flestir viðskiptavinir Ingileifar
eru búsettir í Borgarbyggð en tölu-
vert af kúnnum koma frá Reykja-
víkursvæðinu, eitthvað úr Dölunum
eða af Snæfellsnesi.
„Ég vinn ekki um helgar, er al-
gjörlega búin með þann pakka. Ég
var svo samviskusöm í gamla daga
að við fjölskyldan komumst aldrei
neitt,“ bætir Ingileif við.
Heldur áfram á meðan
hún stendur
Blaðamaður spyr hvort það sé allt-
af búið að vera gaman að vera hár-
greiðslukona? „Nema hvað! Þetta er
geggjað. Ég gæti ekki hugsað mér
neitt annað. Það var kannski eftir tíu
ár í starfi að mér fannst þetta eitthvað
leiðinlegt en svo rann það blessunar-
lega og fljótt af mér,“ svarar Ingileif.
„Ég hélt ég myndi aldrei endast
í þessu til 35 ára aldurs, en hér er
ég ennþá. Ég ætla að halda áfram á
meðan ég stend. Ég vil vera hérna, í
þessu húsi, og ég er búin að einsetja
mér það að á meðan ég get haldið
garðinum fínum og flottum þá verð
ég áfram að klippa. Þegar ég hætti að
ráða við garðinn og lokkana ætla ég
að vonast til þess að hafa vit á að daga
mig til hlés,“ segir Ingileif vongóð og
brosandi að endingu. glh
Ákvað að verða hárgreiðslukona fimm ára gömul
Ingileif Aðalheiður fagnar 40 ára starfsafmæli sem hárgreiðslumeistari
Hártískan hefur tekið miklum breytingum en alltaf koma sömu „trendin“ upp
aftur og aftur.
Ingileif hefur alltaf haft gaman af því að vera hárgreiðslumeistari.
Stofan hennar Ingileifar er staðsett efst á Kveldúlfsgötunni í Borgarnesi.
Ingileif breytti þvottahúsinu í hárgreiðslustofu þegar hún flutti sig um set árið
2016.