Skessuhorn - 23.08.2020, Síða 4

MIÐVIKUDAGUR 23. SePTeMBeR 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.590 krónur með vsk. á mánuði. Elli- og örorkulífeyrisþegar greiða
kr. 3.100. Rafræn áskrift kostar 2.815 kr. Rafræn áskrift til elli- og örorkulífeyrisþega er 2.595 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Rifjum upp trixin í skúffunni
Þegar þetta er skrifað á þriðjudegi er þriðja bylgja kórónuveirunnar hafin af
krafti. Nú hefur svokallað grænt afbrigði veirunnar, sem upprunnið er frá
frönsku ferðafólki sem kom sér undan skimun, náð að lauma sér víða um
samfélagið og virðist hafa kraumað í skúmaskotum um tíma. Nú allt í einu
hefur veiran því náð að breiða úr sér á nokkrum dögum þannig að hin raun-
verulega ógn sem við upplifðum síðasta vor krælir á sér að nýju. Smit breiðist
nú með ógnarhraða samhliða auknu samneyti fólks í skólum, líkamsræktar-
stöðvum, öldurhúsum, sjúkrastofnunum og líklega á miklu fleiri stöðum sem
ekki hafa verið nefndir. Það sem skilur að þessa þriðju bylgju veirunnar frá
þeirri fyrstu er að fólk virðist veikjast minna. Kannski er skýringin sú að al-
mennt er það yngra fólk sem nú ber veiruna, en meðalaldurinn er nú 41 ár,
og verður því ekki eins veikt og þeir sem eldri eru og hafa auk þess aðra und-
irliggjandi sjúkdóma. Allavega er líkleg ástæða að margir telji veiruna vera
venjulega kvefpest og geri því ekkert í málunum – annað en að breiða ómeð-
vitað út smit.
Nú sem fyrr er því mikilvægast af öllu að hver og einn passi upp á eigin
sóttvarnir. Haldi í heiðri fyrirmæli um hæfilega fjarlægð frá öðru fólki, hafi
sprittbrúsann nánast sem staðalbúnað í bílnum eða vasanum, beri grímur í
mannmergð og gæti þess að vera að ekki að káfa á fleiru en nauðsynlegt er,
svo sem í verslunum og öðrum fjölförnum stöðum. Forsvarsmenn verslana
mættu alveg taka sig á að nýju, því mér finnst nokkuð hafa vantað upp á sótt-
varnir í þeim að undanförnu. Tómir sprittbrúsar og enginn að gæta að sótt-
hreinsun á innkaupakerrum, svo dæmi séu tekin. Þar að auki eru sífellt fleiri
verslanir að taka upp sjálfsafgreiðslukerfi sem síst er til að bæta sóttvarnir.
Sökum þess að veiran breiddist út á Akranesi í síðustu viku í gegnum lík-
amsræktarstöð bæjarins hefur mörgum verið gert að sæta sóttkví síðustu
daga. Þeir áttu að fara í skimun í gær, þriðjudag, og í dag ætti niðurstaðan að
liggja fyrir. Vonandi fjölgar ekki stjarnfræðilega í hópi smitaðra og vonandi
náum við að koma í veg fyrir aukna útbreiðslu smits þannig að samfélagið
lamist ekki meira og minna næstu vikurnar. Í framhaldsskólum var strax um
helgina ákveðið að nemendur lærðu heima í þessari viku, en í Borgarnesi, þar
sem ekki hefur verið greint smit í þessum umgangi, mæta allir í skólann með
grímu fyrir vitum. Stjórnendur skólanna hafa þannig sýnt röggsemi og taka
mið af aðstæðum. Unga fólkið kann flest á því tökin að stunda heimanám og
kippir sér því ekki upp við breytinguna. Öllu erfiðara er fyrir eldra fólk og
þá sem háðir eru þjónustu annarra að þurfa á nýjan leik að takmarka sam-
skipti sín við aðra.
Almennt finnst mér Íslendingar hafa tekið af skynsemi og festu á sótt-
vörnum og ráðstöfunum vegna kórónuveirunnar, nánast allt þetta ár. Við
vorum heppnari með stjórnvöld en íbúar margra annarra landa víðs vegar
um heiminn og er ég þá ekki endilega að tala einungis um lönd með appels-
ínugulhærða forseta. efnahagslega er okkur auk þess auðveldara að takast á
við faraldurinn en t.d. íbúum vanþróaðra og fátækra ríkja. Því þótti mér vænt
um að sjá frétt þess efnis að Íslendingar og Norðmenn hafa ákveðið að kosta
kaup á tveimur milljónum skammta af bóluefni gegn veirunni fyrir vanþróuð
lönd, þ.e.a.s. þegar búið verður að finna það upp.
Ég kýs að rifja það upp sem ein ágæt kona sagði í blaðaviðtali í mars síð-
astliðnum. Hún uppskar að vísu engin sérstök fagnaðarlæti, þegar hún sagði
það skoðun sína að veiran yrði í samfélaginu þar til bóluefni yrði fundið upp
gegn henni. Svo virðist sem hún hafi hitt naglann á höfuðið. Veira þessi mun
verða á sveimi eitthvað lengur, mánuði eða jafnvel ár, koma í bylgjum og fara.
Meðan svo er verðum við því áfram að sýna allt í senn; þolinmæði, staðfestu,
fara að leiðbeiningum um smitvarnir og að sjálfsögðu að hlýða Víði. Hvert
og eitt okkar gætir ítrustu varfærni í samskiptum við annað fólk. Í stuttu
máli þurfum við að rifja upp öll þau trix sem sóttvarnaryfirvöld og stjórnvöld
kenndu okkur síðasta vor. Þetta er nefnilega ekki búið, verður það ekki fyrr
en búið verður að þróa bóluefni og koma því á markað.
Magnús Magnússon
Þessa dagana er unnið að uppsetn-
ingu kantljósa í Hvalfjarðargöng-
um. Um er að ræða LeD ljós sem er
komið fyrir meðfram vegarköntum
ganganna, ásamt uppsetningu stjórn-
búnaðar. Það er fyrirtækið Orkuvirki
sem annast framkvæmdina en undir-
verktaki þeirra er Sagtækni, sem sér
um að saga fyrir streng og bora fyrir
ljósunum. Ljósin verða alls 506 tals-
ins og sett upp með 25 metra milli-
bili ofan á steyptri vegöxl, rétt fyr-
ir ofan kantsteininn. „Uppsetning-
in verður bylting í umferðaröryggi í
göngunum,“ segir í frétt á vef Orku-
virkis.
Unnið verður að uppsetningu
ljósanna frá kl. 22:00 til 7:00 sunn-
udaga til föstudaga næstu vikur. eru
vegfarendur sem eiga leið um göngin
á þessum tímum beðnir að aka varle-
ga og sýna tillitssemi á meðan fram-
kvæmdum stendur. Áætluð verklok
eru 15. október, að því er Vegagerðin
hafði áður gefið út. kgk
Vinna við endurgerð skólalóðar
Brekkubæjarskóla á Akranesi hófst
fyrir helgi. Um er að ræða fyrsta
áfanga verksins, en í honum felst
m.a. ný aparóla, körfuboltavöllur
og ný leiksvæði, ásamt gróðursetn-
ingu. Það er Inga Rut Gylfadótt-
ir, landslagsarkitekt hjá Landslagi,
sem er hönnuður verksins en það er
unnið af Se Garðyrkju ehf. „Nem-
endur og starfsfólk Brekkubæjar-
skóla hefur beðið óþreyjufullt eft-
ir því að vinna við endurgerð lóð-
ar hæfist og því er mikil ánægja og
tilhlökkun innan skólans að fram-
kvæmdir séu hafnar við þennan
fyrsta áfanga,“ segir um málið á vef
Akraneskaupstaðar. kgk
Horfur atvinnulífs í Stykkishólmi
voru til umræðu á fundi atvinnu-
vega- og nýsköpunarnefndar bæj-
arins fimmtudaginn 10. septem-
ber síðastliðinn. Formaður gerði
grein fyrir stöðu fyrirtækja í bæn-
um næstu mánuði, á grundvelli at-
hugunar bæjarskrifstofu Stykkis-
hólmsbæjar. Í máli hans kom fram
að þrengingar væru í ferðaþjón-
ustu vegna Covid-19, en hugsan-
lega færi að rofa til með vorinu. Þá
hefði starfsemi í sjávarútvegsgrein-
um dregist saman að undanförnu
vegna þrengri útflutningsmark-
aða, sem einnig má rekja til heims-
faraldursins. Hins vegar væri stað-
an í byggingariðnaði mjög góð og
opinber þjónusta og önnur þjón-
usta í góðu jafnvægi.
Nefndin hvetur íbúa í Stykkis-
hólmi til að beina viðskiptum sín-
um til fyrirtækja í bænum eins og
unnt er, með það fyrir augum að
verja störf sem kunna að vera í
hættu. kgk
Maður féll af hestbaki skammt frá
Hellissandi síðastliðinn laugar-
dag. Þyrla Landhelgisgæslunnar
var kölluð út á öðrum tímanum til
að sækja manninn, að beiðni Lög-
reglunnar á Vesturlandi. Lenti hún
á flugvellinum í Rifi kl. 14:23 og
flutti manninn til Reykjavíkur. ekki
er vitað hvort áverkar mannsins eru
alvarlegir.
kgk
Þyrla Land-
helgisgæslunnar á leið
á Snæfellsnes. Ljósm.
Landhelgisgæslan.
Sóttu knapa á þyrlunni
Í Stykkishólmi. Ljósm. úr safni/ sá.
Hvetja íbúa til að skipta
við heimamenn
Unnið á lóð Brekkubæjarskóla. Ljósm. Akraneskaupstaður.
Endurgerð skólalóðarinnar hafin
Unnið við kantlýsingu Hvalfjarðarganga. Ljósin má sjá til hægri í mynd.
Ljósm. Orkuvirki.
„Bylting í umferðaröryggi í göngunum“