Skessuhorn - 30.08.2020, Síða 22

MIÐVIKUDAGUR 30. SEptEMBER 202022
„Við erum bara spenntir fyrir vetr-
inum,“ segir Jón Þór Þórðarson,
formaður Körfuknattleiksfélags
ÍA, í samtali við Skessuhorn. „Við
erum í fyrsta lagi ánægðir að geta
verið að spila og munum halda
áfram í því sem við erum búnir að
gera, að byggja upp allt starf körfu-
knattleiksfélagsins,“ segir formað-
urinn. Skagamenn leika fyrsta leik
vetrarins á sunnudaginn, 4. októ-
ber, þegar þeir mæta Val B á Akra-
nesi. Þeir leika í 2. deildinni eins og
síðasta vetur, en það er ekki síður
yngri flokka starfið sem hefur verið
lögð rík áhersla á hjá ÍA undanfarin
ár, með það einmitt fyrir augum að
festa körfuna í sessi að nýju og geta
byggt upp meistaraflokk til fram-
tíðar. „Fókusinn hefur legið í upp-
byggingarstarfinu undanfarin ár og
það er farið að skila sér upp í meist-
araflokk. Við erum með unga stráka
sem verða árinu eldri og geta allt-
af lagt meira og meira af mörkum,“
segir Jón Þór. „Þetta lítur alltaf bet-
ur og betur út,“ bætir hann við.
Vilja taka upp þráðinn
Chaz Franklin er kominn aftur á
Skagann, en hann var spilandi þjálf-
ari ÍA síðastliðinn vetur við góðan
orðstír. Will thompson, sem lék
með liðinu undir lok síðasta tíma-
bils, áður en keppni var hætt vegna
Covid-19, verður einnig með lið-
inu í vetur. „Við viljum taka upp
þráðinn þaðan sem frá var horf-
ið og rennum af stað með svo til
sama lið og við enduðum með síð-
asta vetur, nema hvað að yngri leik-
menn fá vonandi bara enn meira
vægi núna,“ segir Jón Þór, sem á
von á því að 2. deildin verði sterk
í vetur. „Þarna er mikið af B lið-
um úrvaldeildarliðanna, sem eru
oft sterk lið, í bland við önnur öfl-
ug lið. Þetta er nokkuð erfið deild
en ég held að hún henti okkur mjög
vel,“ segir hann.
Skagamenn spiluðu hratt og
skoruðu mikið í 2. deildinni síðasta
vetur. Þeir fengu hins vegar á sig
mörg stig líka og þegar mótið var
blásið af höfðu þeir sigrað sex leiki
og sátu í 10. sæti deildarinnar. Jón
Þór segir að búast megi við því að
ÍA-liðið spili hraðan og skemmti-
legan bolta í vetur líka. „Við erum
svona að fikra okkur áfram í að
móta okkar leikstíl, eitthvað sem
einkennir félagið. Þetta er kannski
bara partur af því. Þetta er skem-
megilegur leikstíll og ef við getum
haft hlutina bæði skemmtilega og
árangursríka þá erum við komnir
með góða blöndu,“ segir hann.
Byggja upp til framtíðar
Þar sem ÍA er í uppbyggingarstarfi
segir Jón Þór að liðið hafi ekki
markmið um að ná ákveðnum ár-
angri í deildinni. Þeirra markmið
snúi frekar að vexti leikmanna liðs-
ins. „Við gætum örugglega farið
upp um deild strax í dag, með því
að senda póst á KKÍ og segjast vilja
taka sæti Snæfells í 1. deildinni,“
segir Jón en bætir því við að sá
póstur verði ekki sendur. „Við vilj-
um fara upp á okkar forsendum og
gera það þegar við erum tilbúnir til
þess. Ég held að það sé rétta leið-
in og þá getum við líka haldið lið-
inu uppi þegar þar að kemur,“ seg-
ir hann og bætir því við að þar spili
yngri flokka starfið lykilhlutverk.
„Núna erum við með yngri flokka
frá 1. og upp í 10. bekk, sem er eitt-
hvað sem við höfum ekki náð að
gera lengi. Það er þolinmæðisverk
að byggja upp starfið til framtíðar,
en ég myndi segja að karfan á Akra-
nesi sé í jöfnum og góðum vexti
þessi misserin,“ bætir hann við.
Vilja fleiri stelpur
í körfuna
Ótengt karlaboltanum segir Jón
Þór að kominn sé vísir að kvenna-
starfi innan körfuknattleiksfélags ÍA
á nýjan leik. Það segir hann mjög
ánægjulegt. „Okkur langar virki-
lega að geta haldið út öflugu starfi
í kvennaflokki,“ segir hann. „Núna
erum við komin með allavega tvo
hópa í minnibolta, stelpur ellefu ára
og yngri og viljum gjarnan fá fleiri,“
segir hann og bætir því við að að-
stanendur körfuknattleiksfélagsins
hafi reynt eftir fremsta megni að
raða æfingum þannig að stelpurn-
ar geti æft körfu með öðrum íþrótt-
um. „Vonandi náum við með tíð og
tíma að gera það sama stelpu megin
og okkur hefur tekist að gera núna
hjá strákunum og við getum kom-
ið á fót meistaraflokki kvenna eftir
einhver ár,“ segir Jón Þór að end-
ingu. kgk/ Ljósm. úr safni/ jho.
Skallagrímur hefur leik í 1. deild
karla í körfuknattleik á föstudags-
kvöld, 2. október, þegar liðið mætir
Fjölni á útivelli. Ungt og efnilegt lið
Borgnesinga spilaði prýðilega síð-
asta vetur. Ef til vill var reynslusleysi
helsti galli liðsins, sem átti oft erf-
itt með að sækja sigur í leikjum sem
voru jafnir fram á lokamínúturnar.
Þegar keppni var hætt vegna kór-
ónuveirunnar í mars síðastliðnum
höfðu Borgnesingar aðeins krækt í
þrjá sigra og sátu í 7. sæti deildar-
innar.
Atli Aðalsteinsson er að hefja
sitt fyrsta heila tímabil sem þjálf-
ari liðsins og Hafþór Ingi Gunn-
arsson verður honum til aðstoðar.
„Ég er nokkuð bjartsýnn,“ sagði Atli
á föstudagsmorgun þegar Skessu-
horn spurði hvernig komandi tíma-
bil legðist í hann. „Við spiluðum
fyrsta æfingaleikinn í gær, með nán-
ast fullt lið og við lítum ágætlega
út. Einn erlendi leikmaðurinn kom
seint til liðs við okkur og liðið er ný-
lega byrjað að æfa saman. Þannig að
við erum ekkert komnir neitt mjög
langt en við erum bara sáttir við
hvar við stöndum á þessum tíma-
punkti. Strákarnir eru búnir að vera
duglegir í sumar og það hjálpar klár-
lega til,“ segir hann.
Í toppmálum
með hópinn
Leikmannahópurinn er í meginat-
riðum sá sami og lék með Skalla-
grími síðastliðinn vetur, að sögn Atla.
Samningar hafa verið endurnýjaðir
við kjarna heimamanna, bæði unga
og efnilega leikmenn og aðra sem
hafa spilað fasta rullu í liðinu undan-
farin ár. Nýr Kani leikur með liðinu
í vetur, fram- og miðherjinn Mus-
tapha traore en líklega eru stærstu
tíðindin af leikmannamálum þau
að reynsluboltinn Nebosja Kneze-
vic samdi við Borgnesinga síðastlið-
ið vor. Nebo hefur leikið með Vestra
undanfarin sex ár við góðan orðstír
og verið einn allra besti leikmaður
1. deildarinnar. „Það var mjög gott
að fá hann,“ segir Atli. „Við töp-
uðum rosa mörgum leikjum í fyrra
með innan við fimm stiga mun. Þá
hefði verið gott að hafa mann eins
og Nebo, sem hefur gert þetta allt
áður, þekkir 1. deildina vel og pass-
ar mjög vel inn í liðið okkar,“ seg-
ir Atli. Þá var einnig samið við tvo
unga og efnilega leikmenn sem áður
höfðu verið á mála hjá KR, án þess
þó að hafa fengið mikil tækifæri með
ógnarsterku liði Vesturbæinga und-
anfarin ár. Það eru þeir Ólafur Þorri
Sigurjónsson og Benedikt Lárus-
son. Atli segir þá mjög góða viðbót
við hópinn. „Þeir hafa verið í kring-
um meistaraflokk KR síðustu fimm
ár. Þetta eru strákar sem hafa þurft
að berjast fyrir öllu. Þeir gefa okkur
aukinn kraft á æfingum og svona,“
segir þjálfarinn og bætir því við að
það sé mikilvægt að fá inn ný and-
lit endrum og sinnum. „Við erum
búnir að vera mikið sömu strákarnir
hjá Skallagrími. Þetta er sami kjarni
og ég spilaði með áður en ég varð
þjálfari. Hættan við það að hafa allt-
af nákvæmlega sama kjarnann er að
menn festist í þægindarammanum
með tímanum og ýti ekki nóg hver
á annan,“ segir Atli. „Þannig að við
erum í toppmálum með hópinn,“
segir þjálfarinn.

Liðið geti farið upp og
haldið sér þar
Allt saman segir þjálfarinn miða að
því að byggja upp öflugan kjarna
heimamanna, sem geti farið upp í
úrvalsdeild á næstu árum og hald-
ið sér uppi. „Ég samdi til þriggja
ára og hvort sem það verður núna
í vetur, næsta vetur eða þarnæsta
þá mun það gerast, við förum upp
þegar við verðum tilbúnir að fara
upp. En ég fer með þetta lið í úr-
valsdeild, það eru alveg hreinar lín-
ur,“ segir Atli. „Við erum með fullt
af ungum strákum og ef við höldum
því starfi áfram þá fer liðið upp þeg-
ar við erum tilbúnir. Þá verður það
gert án þess að þurfa að kaupa heilt
lið til að komast þangað og þá þurf-
um við heldur ekki að kaupa fjóra
leikmenn bara til að halda okkur
uppi þegar þangað er komið,“ seg-
ir hann. „Við erum núna að byggja
upp kjarna og leggja grunn að því
að geta haldið liðinu uppi þegar þar
að kemur. Annað er ekki sjálfbært,“
segir þjálfarinn. „Það hafa verið að
koma öflugir strákar upp í meistara-
flokk síðustu ár. Aldursdreifingin
í liðinu er nokkuð jöfn og það eru
efnilegir leikmenn í yngri flokkun-
um sem munu koma upp næstu ár.
Það er komin meiri framtíðarhugs-
un í þetta hjá okkur, sem er mjög já-
kvætt,“ segir Atli Aðalsteinsson að
endingu. kgk/ Ljósm. Skallagrímur.
Svipmynd úr leik í Borgarnesi síðastliðinn vetur. Kristján Örn Ómarsson sækir að
körfunni.
„Ég fer með þetta lið í úrvalsdeild“
- segir Atli Aðalsteinsson, þjálfari Skallagríms
Atli Aðalsteinsson fer yfir málin með sínum mönnum í leikhléi.
„Karfan á Akranesi í jöfnum og góðum vexti“
- segir formaður Körfuknattleiksfélags ÍA
Chaz Franklin snýr aftur sem spilandi þjálfari liðs Skagamanna.
Jón Þór Þórðarson er formaður Körfuknattleiksfélags ÍA.