Skessuhorn - 30.08.2020, Side 28

MIÐVIKUDAGUR 30. SEptEMBER 202028
Vörur og þjónusta
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
H P Pípulagnir ehf.
Alhliða pípulagnaþjónusta
Hilmir 820-3722
Páll 699-4067
hppipulagnir@gmail.com
SK
ES
SU
H
O
R
N
2
01
8
Fyrir alla vigtun
Húsarafmagn
Töflusmíði
Iðnaðarrafmagn
Bátarafmagn
Bílarafmagn
RAFMAGN
vogir@vogir.is Sími 433-2202
VOGIR
Bílavogir
Kranavogir
Skeifuvogir
Pallvogir
Aflestrarhausar
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
• Bílasprautun • Bílaréttingar • Framrúðuskipti
BÍLASPRAUTUN VESTURLANDS
S: 860-0708 • Smiðjuvellir 7, Akranesi • bv.sprautun@gmail.com
Vinnum fyrir öll tryggingafélög
Fréttaveita Vesturlands
www.skessuhorn.is
Pennagrein
Pennagrein
Íslandsmót unglinga í badminton
fór fram í Mosfellsbæ um liðna
helgi. Mótið átti upphaflega að fara
fram í mars en var frestað vegna
Covid-19. Mótið var með óhefð-
bundnu sniði, þar sem engir áhorf-
endur voru leyfðir.
Badmintonfélag Akraness sendi
tíu keppendur á mótið sem tóku
þátt undir merkjum ÍA. „Þau
stóðu sig öll með mikilli prýði og
skemmtu sér vel. Sumir voru að
keppa á sínu fyrsta Íslandsmóti á
meðan aðrir hafa meiri reynslu,“
segir um mótið á Facebook-síðu
Badmintonfélags Akraness. Fimm
af keppendum ÍA komust á verð-
launapall. Máni Berg Ellertsson
sigraði þrefalt í U13 A, þar sem
hann sigraði í einliðaleik, tvíliða-
leik og tvenndarleik. Arnar Freyr
Fannarsson varð Íslandsmeitari í
tvíliðaleik með Mána Berg og vann
silfur í tvenndarleik og einliðaleik.
Hilmar Veigar Ágústsson varð Ís-
landsmeistari í einliðaleik U13 B,
Sóley Birta Grímsdóttir fékk silf-
ur í tvenndarleik með Arnari Frey
og Davíð Logi Atlason fékk silfur í
tvíliðaleik U11.
Meistaramót Íslands fór svo fram
um helgina áður, 11.-13 september,
þar sem Drífa Harðardóttir sigraði
í tvenndarleik í meistaraflokki og
fékk silfur í tvíliðaleik í meistara-
flokki og María Rún Ellertsdóttir
fékk silfur í einliðaleik í A flokki.
„Keppendur ÍA voru sér og félagi
sínu til sóma á þessum mótum og
framtíðin er svo sannarlega björt
í bandminton á Akranesi,“ segir á
Facebook-síðu badmintonfélags-
ins.
kgk/ Ljósm. Badmintonfélag
Akraness.
Samþykkt var á Alþingi í ágúst síð-
astliðnum mikið framfaramál fyr-
ir tekjulágt fólk. Það getur nú með
stuðningi ríkisins keypt sína fyrstu
fasteign og haft þannig möguleika
á betra búsetuöryggi til langs tíma
með því að ríkið fjármagni hluta af
verði hagkvæms húsnæðis.
Um er að ræða svokölluð hlut-
deildarlán. Þau virka þannig að
kaupandi leggur til að lágmarki 5%
eigið fé og tekur 75% fasteignalán
hjá lánastofnun. Ríkið lánar síðan
einstaklingum sem eru að kaupa
sína fyrstu eign, að vissum skilyrð-
um uppfylltum, ákveðið hlutfall af
verði þess íbúðarhúsnæðis sem þeir
hyggjast kaupa. Hlutdeildarlán-
in bera hvorki vexti né afborganir
á lánstímanum en lántakendurnir
endurgreiða hlutdeildarlánið þeg-
ar íbúðin er seld. tekjumörk fyrir
einstakling eru 7.560.000 krónur á
ári og fyrir hjón eða sambúðarfólk
10.560.000 krónur.
Það er löngu kominn tími til að
mæta tekjulágu fólki sem vill eign-
ast sitt eigið húsnæði og byggja upp
eign í því til framtíðar en hefur ekki
haft möguleika á að leggja fram þá
fjármuni sem þurft hefur til þess
að geta fjármagnað eigið húsnæði.
Eins og við þekkjum getur jafnvel
verið dýrara að greiða leigu á opn-
um leigumarkaði en að borga niður
lán og vera þá að eignast í húsnæð-
inu. Það á að vera raunverulegt val
fyrir fólki hvort það sé á leigumark-
aði eða eigi sitt eigið húsnæði hvort
sem það er tekjulágt eða efnað.
Við gerðum jákvæðar breyting-
ar í meðförum þingsins með því
að tryggja að almennt skuli úthlut-
að að lágmarki 20% á ársgrund-
velli til kaupa á hagkvæmu húsnæði
utan höfuðborgarsvæðisins af þeim
4 milljörðum sem ætlaðir eru til
þessa verkefnis á ári.
Við sem búum á landsbyggðinni
og þekkjum vel til vitum að mjög
mikill sogkraftur í búferlaflutningum
er frá landsbyggðinni á höfuðborgar-
svæðið og vitum að rík þörf er fyrir
hagkvæmt húsnæði á landsbyggðinni
sem standi líka tekjulágu fólki þar til
boða.
Víða um land er verið að taka í
gegn eldri fjölbýlishús og annað hús-
næði sem telst hagkvæmt. Því þurfa
ekki að vera eingöngu um nýbygg-
ingar að ræða til þess að geta fallið
að kröfum Húsnæðis- og mannvirkj-
astofnunar.
Ég tel að það muni styrkja lands-
byggðina mjög mikið og búsetuþró-
un þar að í boði séu líka íbúðir og
húsnæði fyrir tekjulága, þannig að
fólk geti haldið áfram að búa á þeim
stað sem það vill búa.
Önnur úrræði hafa farið vel af
stað til stuðnings við fólk á húsnæð-
ismarkaði. Þar má nefna almennar
leiguíbúðir sem byggðar hafa verið
víðs vegar um landið í samvinnu við
sveitarfélög og verkalýðshreyfinguna.
Einnig má nefna skattfrjálsa ráðstöf-
un séreignasparnaðar á fasteignalán
sem komið hefur mörgum vel.
Vinstri græn leggja mikla áherslu
á að koma til móts við erfiða stöðu
tekjulágra í samfélaginu m.a. með
góðu aðgengi að heilbrigðiskerfinu,
menntun og samgöngum og þrepa-
skiptu skattkerfi og þessi aðgerð er
stór þáttur í því að tryggja sem best
afkomuöryggi tekjulágra og fyrstu
kaupenda húsnæðis og mætir því
samkomulagi sem gert var í Lífs-
kjarasamningunum.
Lilja Rafney Magnúsdóttir,
Höfundur er þingmaður VG og
formaður atvinnuveganefndar.
„Þegar þú verslar hér heima skil-
ar það sér aftur til þín. Þú styður
við framleiðslu, ferskleika, úrval
og gæði. Þannig skapast verðmæti
og ný störf, samfélaginu til góða.“
Þannig hljóma skilaboð til Íslend-
inga í markaðsherferð sem nú er í
gangi undir kjörorðinu „Ísland –
Láttu það ganga.“ Hægt er að sjá
þessar auglýsingar m.a. í ljósvaka-
miðlum, á völdum vefsíðum sem
eiga lögfesti á suðvesturhorni lands-
ins, tveimur dagblöðum þar, en þó
ekki síst á erlendum efnisveitum.
Fyrir kynningarátakinu stendur at-
vinnuvega- og nýsköpunarráðu-
neytið ásamt Samtökum iðnaðar-
ins, Samtökum atvinnulífsins, Sam-
tökum verslunar og þjónustu, Sam-
tökum ferðaþjónustunnar, Samtök-
um fyrirtækja í sjávarútvegi, Sam-
tökum fjármálafyrirtækja, Samorku
og Bændasamtökum Íslands.
Eitt er að leggja grunn að stóru
markaðsátaki en annað er að velja
að birta það í miðlum sem hæfa
efninu. Það finnst okkur, tveim-
ur ritstjórum landshlutablaða á Ís-
landi, ekki hafa tekist sérlega vel. Í
þessu risavaxna og mjög svo kostn-
aðarsama innanlandsmarkaðsátaki
stjórnvalda og hagsmunafélaga, er
ákveðið að sniðganga með öllu aug-
lýsingakaup í miðlum okkar; Vík-
urfréttum á Suður-
nesjum og Skessu-
horni á Vesturlandi.
Aðrir héraðsfrétta-
miðlar sitja sömuleiðis utan borðs.
Nú veltum við því óneitanlega
fyrir okkur hver skilaboð stjórn-
valda og heildarsamtaka í atvinnu-
lífinu til okkar séu. Báðir höfum
við í áratugi gefið út alíslenska fjöl-
miðla, höfum fólk í vinnu, skapað
verðmæti og markmið okkar er ein-
mitt að hvetja til; „íslenskt – láttu
það ganga.“ Þegar stór hópur sam-
taka með sjálft atvinnuvega- og ný-
sköpunarráðuneytið í broddi fylk-
ingar fer af stað með átak sem þetta,
þar sem markmiðið er að velja ís-
lenskt, þá eru okkar miðlar snið-
gengnir kerfisbundið í dreifingu
boðskaparins. Okkur finnst felast
í þessu holur hljómur. Ef mark-
miðið er, eins og þetta blasir við
okkur, að styðja erlendar efnisveit-
ur með auglýsingakaupum, hefði
þá ekki verið hreinskiptara að láta
átakið heita: „Amerískt – látum það
ganga“? Vafalítið mun svar þeirra
sem bera ábyrgð á vali fjölmiðla til
birtingar verða á þá lund að þetta
sé hagkvæmast og nái til flestra. Við
getum hins vegar upplýst að ekki
var leitað verðtilboða í birtingar
hjá okkur og því hafa forsvarsmenn
átaksins ekki hugmynd um hver sá
kostnaður hefði orðið.
Það hefur ekki farið framhjá
neinum sem fylgst hafa með um-
ræðunni um fjölmiðla og stöðu
þeirra að þeir allflestir róa nú líf-
róður. Umræðan um fjölmiðla-
frumvarp Lilju D Alfreðsdóttur
menntamálaráðherra hefur verið
mikil og fært þá vitneskju upp á yf-
irborðið. Meðal annars hefur ráð-
herra bent á að einn stærsti vandi
fjölmiðla sé einmitt sú staðreynd
að erlendar efnisveitur eru sífellt að
soga til sín stærri hluta þeirra aug-
lýsingapeninga sem eru í umferð.
Fjölmiðlar eins og okkar sitja eft-
ir. Í ljósi þessa finnst okkur falskur
tónn vera sleginn í annars góðan
boðskap um kaup á íslenskri vöru
og þjónustu. Með vali á innlendri
framleiðslu- og þjónustu verður
nefnilega til hringrás sem stuðlar
að nýjum störfum, verðmætasköp-
un og efnahagslegum stöðugleika –
á Íslandi!
Páll Ketilsson, ritstjóri Víkurfrétta
Magnús Magnússon,
ritstjóri Skessuhorns.
„Framtíðin björt í badminton“
Amerískt –
látum það ganga!
Eigið hús-
næði fyrir
tekjulága