Morgunblaðið - 02.06.2020, Page 6

6 FRÉTTIRInnlent
MORGUNBLAÐIÐ ÞRIÐJUDAGUR 2. JÚNÍ 2020
Sigtryggur Sigtryggsson
sisi@mbl.is
Björn Leví Gunnarsson, þingmaður
Pírata hefur lagt fram 114 fyrir-
spurnir til ráðherra það sem af er
150. löggjafarþinginu. Þar með eru
fyrirspurnir Björns Leví orðnar 340
frá því að hann settist fyrst á Al-
þingi. Hann hefur nú skotist ræki-
lega fram úr Jóhönnu Sigurðar-
dóttur sem átti fyrra met, 255
fyrirspurnir.
Björn Leví kom fyrst á þing sem
varamaður 2014 en hefur verið aðal-
maður frá 2016. Jóhanna sat á þingi
í tæp 35 ár. Þar af var hún ráðherra
í um 13 ár og spurði ekki spurninga
á meðan.
Af þessum 114 fyrirspurnum
Björns Leví eru 84 nánast sam-
hljóða. Þær fjalla um lögbundin
hlutverk stofnana ríkisins og kostn-
að við verkefni þeim tengd. Aðeins
er sett inn heiti hverrar stofnunar
fyrir sig í hverja fyrirspurn.
Upphaflega hafði þingmaðurinn
lagt fram eina umfangsmikla fyrir-
spurn með nöfnum allra stofnana.
Steingrímur J. Sigfússon þing-
forseti taldi þetta ekki standast
þingskaparlög. Þar segir að fyrir-
spurn skuli vera skýr, um afmörkuð
atriði og mál sem ráðherra ber
ábyrgð á og sé
við það miðað að
hægt sé að svara
henni í stuttu
máli. Steingrímur
upplýsti á þing-
fundi að fyr-
irspurnir þessar
gætu orðið alls
60-80 talsins, en
þær hafa orðið
nokkru fleiri en
það. Og mögulega kunna fleiri að
bætast við.
Við sama tækifæri gagnrýni Birg-
ir Ármannsson, þingmaður Sjálf-
stæðisflokksins, fyrirspurnaflóðið
og kallaði það gjörning.
„Ég tel rétt að ef þingmaðurinn
hefur einhvern afmarkaðan sér-
stakan tilgang með þessu upplýs-
ingaflóði þá væri rétt að það væri
upplýst,“ sagði Birgir.
Í svipaðan streng tók Bjarni
Benediktsson fjármálaráðherra
þegar fyrirspurnargleði Björns Lev-
ís var til umræðu á Alþingi árið
2018. Sagði ráðherrann að fyrir-
spurnaflóð þingmannsins væri
„komið út í tóma þvælu“.
Morgunblaðið leitaði á þessum
tíma til Björns Levís og spurði hver
væri ástæðan fyrir því að hann legði
fram allar þessar fyrirspurnir.
„Markmiðið er ekki að leggja fram
margar fyrirspurnir. Að auki eru
margföldunaráhrif á fyrirspurnum
sem beinast að öllum ráðherrum í
stað þess að geta bara spurt t.d. for-
sætisráðherra sem safnar þá saman
svörum frá öllum,“ svaraði Björn
Leví.
Ráðuneytin eru væntanlega byrj-
uð að vinna að svörum við fyrir-
spurnum Björns Levís um lög-
bundnu verkefnin. Óvíst er að þeim
takist að svara þeim öllum innan til-
skilsins frests, sem er 15 dagar þeg-
ar um skriflegar fyrirspurnir er að
ræða.
Ráðuneytin eru einnig að vinna
við að svara fyrirspurn Brynjars
Níelssonar Sjálfstæðisflokki til allra
ráðherra í ríkisstjórninni. Spyr
Brynjar um það hversu margir
starfsmenn ráðuneytisins koma að
því að undirbúa skrifleg svör við
fyrirspurnum þingmanna og hver er
áætlaður heildarfjöldi vinnustunda
sem í það hefur farið árlega síðast-
liðin fimm ár.
Enn fremur hver er heildarkostn-
aður ráðuneytisins við skrifleg svör
við fyrirspurnum frá þingflokki Pír-
ata á yfirstandandi löggjafarþingi
og hversu margar vinnustundir
starfsmanna hafa farið í að svara
þeim. Vill hann vita hvað fyrir-
spurnir til skriflegs svars frá hverj-
um þingmanni í þingflokki Pírata
eru hátt hlutfall slíkra fyrirspurna
til ráðherra.
Ráðuneytisstjórar héldu sér-
stakan fund í mars 2018 um þá
miklu vinnu sem því er samfara að
svara fyrirspurnum þingmanna. Var
ákveðið að skrá sérstaklega þær
vinnustundir sem fara í þetta verk-
efni. Af þessu varð ekki þrátt fyrir
„fróman ásetning“, að því er
Morgunblaðið fékk upplýst hjá
stjórnsýslunni. En nú ættu svörin
að fást með spurningum Brynjars
Níelssonar. Upplýst var árið 2018 að
það tæki ráðuneyti 10-40 vinnu-
stundir að vinna svör við hverri
spurningu.
Fjöldinn kominn yfir 8.200
Þorsteinn Ásgrímsson aðstoðar-
fréttastjóri birti í síðasta mánuði
samantekt um fyrirspurnir á Al-
þingi árin 1990-2020, en þær reynd-
ust vera alls rúmlega 8.200. Jóhanna
Sigurðardóttir, fyrrverandi for-
sætisráðherra, var þar efst á blaði
með 255 fyrirspurnir. Björn Leví
hefur nú komist í efsta sætið eins og
fyrr segir. Margrét Frímannsdóttir
lagði á sínum tíma fram 168 fyrir-
spurnir, Einar K. Guðfinnsson 161
og Kristinn H. Gunnarsson 159.
Fyrirspurnir Björns Leví 114 í vetur
Morgunblaðið/Eggert
Björn Leví Hefur nú tekið við sem
„fyrirspurnakóngur“ Alþingis.
Fyrirspurnir Björns Levís
» 146. löggjafarþing sem stóð
2016-2017: 19
» 147. þing: 8
» 148. þing: 98
» 149. þing: 93
» 150. þing: 114
» Varaþingmaður árin 2014-
2015: 8
» Samtals: 340
Jóhanna
Sigurðardóttir
 Hefur stórbætt fyrra met Jóhönnu Sigurðardóttur um fjölda fyrirspurna  Ráðuneytin eru að svara
84 nær samhljóða fyrirspurnum  Einnig fyrirspurnum um tímann sem tekur að svara fyrirspurnum
Miðvikudaginn 10. júní 2020 kl. 16.30
Hilton Reykjavík Nordica, Suðurlandsbraut 2, Reykjavík
1. Fundur settur
2. Skýrsla stjórnar
3. Gerð grein fyrir ársreikningi
4. Tryggingafræðileg úttekt
5. Fjárfestingarstefna sjóðsins kynnt
6. Önnur mál
Ársfundur SL lífeyrissjóðs
2020
Allir sjóðfélagar, jafnt greiðendur sem lífeyrisþegar, eiga rétt til fundarsetu á ársfundinum.
Sjóðfélagar eru hvattir til að mæta á fundinn.
DAGSKRÁ
Reykjavík 20.05.2020
Stjórn SL lífeyrissjóðs
Ragnhildur Þrastardóttir
ragnhildur@mbl.is
Fasteignamat hækkar mest á milli
ára á Vestfjörðum ef litið er til land-
svæða, eða um 8,2% samkvæmt nýju
fasteignamati Þjóðskrár Íslands fyr-
ir árið 2021.
Mest lækkar fasteignamatið á
Suðurnesjum, eða um 0,5%. Heild-
armat fasteigna hækkar um 2,1% og
verður 9.429 milljarðar króna.
Miðað við undangengin ár er
breytingin á fasteignamatinu lítil.
„Það ætti ekki að koma á óvart að
þegar dregur úr verðhækkunum á
fasteignamarkaði þá eru breytingar
á fasteignamati í takt við þá þróun,“
er haft eftir Margréti Hauksdóttir,
forstjóra Þjóðskrár Íslands, í til-
kynningu.
Á höfuðborgarsvæðinu hækkar
matið um 2,2% en um 1,9% á lands-
byggðinni.
Fasteignamatið hækkar næstmest
á Norðurlandi vestra, eða um 6,5%.
Á Austurlandi hækkar matið um
3,5% og um 2,2% á Suðurlandi. Matið
hækkar um 1,9% á Norðurlandi
eystra og 0,4% á Vesturlandi.
11,2% hækkun á Ísafirði
Af einstaka bæjarfélögum hækkar
heildarfasteignamat mest á Ísafirði,
eða um 11,2%, um 8,8% í Akrahreppi
og 8,5% í Tálknafjarðarhreppi og á
Blönduósi. Mest lækkun er í Skorra-
dalshreppi og sveitarfélaginu Vogum
þar sem fasteignamatið lækkar um
3,6%.
Samanlagt mat íbúða á öllu land-
inu hækkar um 2,3% á milli ára og
verður alls 6.511 milljarðar króna,
þar af hækkar sérbýli um 2,2% á
meðan fjölbýli hækkar um 2,4%.
Hækkun á íbúðamati á höfuðborgar-
svæðinu er að meðaltali 2,4% en 2,1%
á landsbyggðinni.
Lækkar um 5,2% í Vogum
Fasteignamat íbúða hækkar mest
í Akrahreppi en þar hækkar íbúðar-
matið um 17,8%, á Ísafirði um 15,5%
og í sveitarfélaginu Ölfusi um 15,2%.
Mestu lækkanir á íbúðamati eru í
sveitarfélaginu Vogum þar sem fast-
eignamat íbúða lækkar um 5,2%. Í
Vopnafjarðarhreppi lækkar matið
um 3,6% og í Reykjanesbæ lækkar
fasteignamat íbúða um 3,3%.
Fasteignamat atvinnuhúsnæðis
hækkar um 1,7% að meðaltali á
landsvísu, um 1,6% á höfuðborgar-
svæðinu en 1,9% á landsbyggðinni.
Fasteignamat sumarhúsa fyrir ár-
ið 2021 stendur nánast í stað á milli
ára þegar litið er á landið í heild en
hækkar að meðaltali um 0,1%.
Fasteignamat sumarhúsa hækkar
mest í sveitarfélaginu Ölfusi eða um
7,7% og um 6,8% í Ásahreppi. Mesta
lækkun á fasteignamati sumarhúsa
er í Skorradalshreppi og sveitar-
félaginu Vogum, þar sem matið
lækkar um 4,3% á milli ára.
Þjóðskrá Íslands endurmetur yfir
200.000 fasteignir árlega en í ár var
gervigreind nýtt til hagnýtingar við
matið, að sögn Margrétar.
Nýja fasteignamatið miðast við
verðlag fasteigna í febrúar 2020. Það
tekur gildi 31. desember 2020 og
gildir fyrir árið 2021. Frestur til að
gera athugasemdir við matið er til
30. desember 2020. Á skra.is má sjá
breytingu matsins á milli ára.
Mest hækkun
á Vestfjörðum
 Fasteignamat lækkar á Suðurnesjum
Morgunblaðið/Eggert
Reykjavík Fasteignamat hækkar
um 2,2% á höfuðborgarsvæðinu.
Ragnhildur Þrastardóttir
ragnhildur@mbl.is
Samtök atvinnulífsins (SA) og
Norðurál höfnuðu kröfu Verkalýðs-
félag Akraness um kjarasamninga á
grundvelli lífskjarasamnings, að sögn
Vilhjálms Birgissonar, formanns
Verkalýðsfélags Akraness.
Verkalýðsfélagið vísaði viðræðum
sínum við Norðurál til ríkissáttasemj-
ara í kjölfarið. Fundur fer fram á
fimmtudag.
„Ég skal fúslega viðurkenna að það
kom mér verulega á óvart að þeir
skyldu ekki vilja feta þá leið sem 95%
af íslenskum vinnumarkaði hafa nú
þegar undirgeng-
ist,“ segir Vil-
hjálmur Birgis-
son, formaður
Verkalýðsfélags
Akraness, og vís-
ar þá til lífskjara-
samningsins.
SA og Norðurál
vilja að tenging
við launavísitölu
haldist í kjara-
samningnum, að sögn Vilhjálms, en
hann segir ekkert annað í boði en að
semja á grundvelli lífskjarasamnings-
ins.
„Sökum þess að við erum að sigla
inn í einn mesta efnahagssamdrátt
síðustu 100 ára hugnast okkur ekki að
tengja launabreytingarnar við launa-
vísitöluna. Krónutöluhækkanir ofan á
hina taxtana í lífskjarasamningnum
eru þær mestu sem hefur verið samið
um hvað taxtalaun varðar. Við vitum
hvar við höfum þær en með launavísi-
töluna er bara allt of mikil óvissa uppi
til að taka slíka áhættu.“
Vilhjálmur segir að þrátt fyrir að
deilan sé komin í hnút sé ekki útlit
fyrir að verkföll séu á næsta leiti og
hann hefur „lúmskan grun“ um að
deiluaðilar nái saman. „Ég vona að
Samtök atvinnulífsins sjái ljósið þeg-
ar menn hefja viðræður.“
Vonar að SA sjái ljósið
Vilhjálmur
Birgisson
 Vilhjálmur Birgisson formaður Verkalýðsfélags Akraness
segir að SA vilji ekki lífskjarasamning  Ekkert annað í boði