Morgunblaðið - 02.06.2020, Side 10

STANGVEIÐI
Einar Falur Ingólfsson
efi@mbl.is
Nú er sumarið komið. Nú byrjar líf-
ið upp á nýtt, eftir Covid,“ sagði
Stefán Sigurðsson kátur þegar hann
hafði landað fyrsta laxi sumarsins,
spengilegri stórri hrygnu, við Urr-
iðafoss í Þjórsá um hálfáttaleytið í
gærmorgun. Þjórsá var bólgin og
skoluð en laxar höfðu verið að sýna
sig þar síðustu daga og voru því
greinilega mættir. Þeir héldu líka
áfram að taka en maðkurinn virkaði
betur en flugan við þær aðstæður.
Rétt eftir að Stefán náði þeim fyrsta
var vænn fiskur kominn á hjá feðg-
unum Hauki Hlíðkvist Ómarssyni
og Hrafni Hlíðvist sem veiddu á
móti Stefáni og Hörpu Hlín Þórðar-
dóttur, sem eru leigutakar svæðis-
ins, og Matthíasi syni þeirra – sem
auk þess að vera kappsamur veiði-
maður er meðlimur í hljómsveitinni
Blóðmör sem sigraði í Músíktil-
raunum í fyrra og fer ekki síður vel
með háfinn en bassann.
„Þetta er fjórða árið okkar með
svæðið og það var líka svona mikið
vatn fyrir tveimur árum,“ sagði
Stefán. „Ég var hérna fyrir tveimur
dögum og þá var miklu minna í
henni og hún tærari og þá stóð ég
hér og horfði á laxa.“ Harpa Hlín
taldi það boða gott að þegar væri
búið að landa tveimur.
„Það eru fleiri hér,“ sagði hún
íbyggin og varla hafði hún sleppt
orðinu þegar við sáum stöngina
svigna neðar við ána, hjá feðgunum
Hauki og Hrafni. Þeir lönduðu síðan
smálaxi, sem kom á óvart.
„Þessi er of snemma á ferðinni,“
sagði Einar Haraldsson bóndi á
Urriðafossi, sem kom þar að.
„Verður frábært veiðisumar“
Stefán minnti hann á að í opn-
uninni í fyrra, þegar veiddust yfir
tuttugu laxar, hefði veiðst einn smá-
lax.
Einar sagðist viss um að þegar
væri gengið fullt af fiski í ána.
„Þetta verður frábært veiðisumar!“
sagði hann ákveðinn. Og Einar veit
hvað hann syngur í því efni, eftir að
hafa veitt vel í net á þessu svæði við
fossinn árum saman. Fyrir fjórum
árum leyfði hann strák að kasta
þarna í síðustu viku í maí og þegar
strákurinn veiddi 23 laxa á þremur
tímum sá Einar að þetta væri vel
mögulegt. Í kjölfarið samdi hann við
Stefán og Hörpu Hlín um að selja
þar stangaveiðileyfi. Í framhaldinu
hafa fleiri net verið tekin upp á
báðum bökkum, einar tíu lagnir, og
tekið að veiða á stöng í staðinn.
„Það er ein mesta friðun á laxi á
Íslandi í seinni tíð,“ segir Stefán.
Enn er margt óljóst hvað varðar
ástundun og sölu laxveiðileyfa hér á
landi, vegna veirufaraldursins og
hvort erlendir veiðimenn mæti.
„Fyrir svona tveimur mánuðum
leit þetta alls ekki vel út,“ segir
Stefán. „Við þurftum að setja okkur
í samband við alla viðskiptavini okk-
ar og spyrja hvort þeir myndu koma
eða ekki. Það varð fátt um svör og
eins og staðan er nú er örugglega
innan við einn tíundi af þeim sem
ætluðu að koma, fyrir Covid, að
koma í veiði. Sem betur fer ætla þó
einhverjir að gera það.“
Stefán segist ekki greina mun á
því eftir því hvar fólk býr hvort það
treystir sér eða ekki. Sumir ætli sér
bara að mæta, hvað sem kostar. „En
markhópurinn okkar er nær allur
fólk yfir sextugt, og sumir veikir
fyrir og treysta sér ekki, og sumarið
er vitaskuld að mestu horfið fyrir
ferðaþjónustuna. Við vonum að
veiðimönnum fjölgi eitthvað þegar
líði á, komi eitthvað í ágúst og
september, og svo höfum við náð að
selja eitthvað af leyfum til íslenskra
veiðimanna. Ástandið gæti því verið
verra.“
Morgunblaðið/Einar Falur
Fyrsti laxinn Stefán Sigurðsson fagnaði þegar Matthías sonur hans hafði háfað fyrir hann fyrsta lax sumarsins, við
Urriðafoss í Þjórsá á áttunda tímanum í gærmorgun. Áin var bólgin en veiðin fór þó vel af stað við fossinn.
„Nú byrjar lífið upp
á nýtt, eftir Covid“
 Fyrstu laxar sumarsins voru veiddi við Urriðafoss í gær
10 FRÉTTIRInnlent
MORGUNBLAÐIÐ ÞRIÐJUDAGUR 2. JÚNÍ 2020
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Gott við exemi
• Betri og sterkari
fætur
Ómar Friðriksson
omfr@mbl.is
Eignir heimilanna á Íslandi jukust
í fyrra um tæpa 200 milljarða
króna og voru komnar í 7.165 millj-
arða um seinustu áramót. Þetta
kemur fram í samantekt fjármála-
ráðuneytisins á álagningu opin-
berra gjalda á einstaklinga fyrir
2019.
Heildareignir landsmanna hafa
aukist jafnt og þétt á liðnum árum.
Á síðustu tveimur árum hafa þær
aukist um 792 milljarða króna og
um rúmlega 3.000 milljarða frá
árinu 2013 skv. upplýsingum úr Tí-
und, tímariti Ríkisskattstjóra. Að
stærstum hluta er þessi mikla
hækkun eigna vegna hækkunar
fasteignamats.
Á yfirliti fjármálaráðuneytisins
yfir álagninguna á einstaklinga í
fyrra kemur fram að fasteignir eru
75% af heildareignum heimilanna
og verðmæti þeirra er 5.351 millj-
arður. Þær hækkuðu um 9,4% í
fyrra.
31 þúsund áttu skuldlaust
íbúðarhúsnæði í fyrra
Skuldir heimilanna jukust einnig
talsvert í fyrra, eða um 7,9% á milli
ára. Um áramótin skulduðu heim-
ilin 2.175 milljarða kr. Fram kemur
að tæplega 31 þúsund af þeim 104
þúsund fjölskyldum sem eiga íbúð-
arhúsnæði telja ekki fram neinar
skuldir vegna
þess. Nettóeign
íslenskra heimila
jókst um 9,2% í
fyrra og nam um
síðustu áramót
4.989 milljörðum.
Það fækkar í
hópi þeirra sem
eru með skuldir
umfram eignir, en sú þróun hefur
verið samfelld í níu ár. Alls skulda
hins vegar rúmlega 32 þúsund fjöl-
skyldur umfram eignir.
13 þúsund töldu fram arð
Álagður fjármagnstekjuskattur
einstaklinga nemur 24,2 milljörðum
kr. og er það hækkun um 2,7% milli
ára. 40 þúsund telja fram skatt-
skyldar tekjur af fjármagni og er
meðalskatturinn vegna síðasta árs
609 þúsund kr. á hvern einstakling.
Einstaklingar höfðu samanlagt
um 46 milljarða kr. í tekjur af arði í
fyrra. Rúmlega 13 þusund töldu
fram arð sem þeir fengu í fyrra og
fækkaði þeim frá árinu á undan.
Tekjur einstaklinga af söluhagn-
aði voru 30,2 milljarðar kr. og eru
óbreyttar milli ára, þó að fjölskyld-
um sem telja fram söluhagnað
fjölgi nokkuð. Þá töldu einstakling-
ar fram 30,2 milljarða tekjur af
vöxtum og um 7.600 fjölskyldur
fengu leigutekjur uppá 15,5 millj-
arða í fyrra, sem jukust um 7,7%
milli ára.
Heimilin eiga sjö
þúsund milljarða
 Tekjur af arði voru 46,1 milljarður
Almennar vaxtabætur vegna
vaxtagjalda af lánum til kaupa á
íbúðarhúsnæði, sem einstak-
lingar greiddu af á árinu 2019,
nema 2,6 milljörðum króna
samkvæmt samantekt fjármála-
ráðuneytisins. Þetta er 5,8%
lækkun milli ára. Fram kemur að
rúmlega 15 þúsund einstak-
lingar fá nú eftir álagningu
skattsins greiddar almennar
vaxtabætur og fækkar þeim um
9,7% milli ára, en fjárhæðir há-
marksvaxtagjalda og vaxtabóta
hækkuðu um 5% og eignamörk
bótanna um 10% milli ára.
Lækkun vaxtabóta nú eins og
fyrri ár er sögð skýrast fyrst og
fremst af betri eiginfjárstöðu
heimila.
Alls áttu tæplega 186 þúsund
manns inneign hjá ríkissjóði um
nýliðin mánaðamót vegna endur-
greiðslu ofgreiddra skatta auk
barna- og vaxtabóta.
2,6 milljarðar í vaxtabætur
15 ÞÚSUND MANNS FÁ ALMENNAR VAXTABÆTUR
Morgunblaðið/Árni Sæberg
Íbúðir Ríflega 15 þúsund manns fengu
greiddar vaxtabætur um mánaðamótin.